Ŋipil. 3:1 - Ebaibul

¹ Aŋetakini, ŋikaitotoi kaŋ, tolelyana anakimorikina kus ka Ekapolon. Nyakaupi ayoŋ akigir ŋuna aris ayoŋ kekegirak iyes, anerae ikiŋarakinete iyes ŋun.

Ŋipil. 3:1 Iomraidhean Croise

1 Ŋakiro a ŋirwa 15:28

Aŋun apotu Ŋisirael daadaŋ yaut Asaduku ŋina ka Acamunet ke Ekapolon, ecelasi, tokusete ŋabureryaŋa a ŋimesekin, ŋarupepe, toramete ŋitworoi ka tobolyas ŋagitae ka ŋaduŋgui.

1 Ŋakiro a ŋirwa 16:10

Tolakaros aŋuna ikiraakar iwon ŋulu keŋ; tolelyana iyes daadaŋ ŋulu ilipete neni keŋ.

1 Ŋakiro a ŋirwa 29:22

Apotu ŋituŋa kimuja ka tomata analelyanu alokiŋaren Ekapolon akoloŋit ŋin. Kituruwosi ikes Solomon lokoku a Daudi erwosit nabo, kiosakis iŋes akimyet ikwapei ekepukan ŋolo ke Ekapolon ka kituruwosi Sadok esacaradoti.

Neem. 8:10

Tolimok nai Neemia ikes tema, “Toloto tokona lorerya kus kimuja ŋamuja ŋuna ajokak ka tomata epiini ŋolo abobon, ido inakis ŋamuja ŋun ŋace neni a ŋulu emam ibore etemokinito akimuj, anerae erae akoloŋit na ŋina eseg aneni ke Ekapolon yok, nyiyaloloŋo, ikitogogoŋi iyes alelyanu ŋina ke Ekapolon.”

Yob 22:26

iryamuni nai iyoŋ alakara aneni ka Akuj a ŋina etiron, ido iyarikini iyoŋ neni ka Akuj.

Ŋikiru. 149:2

Emaikina Ŋisirael tolelyana neni ke ekasuban kec; emaikina ŋituŋa a Sion tolakar neni ke erwosit kec.

Ŋikiru. 32:11

Iyes ŋulu iyookino, tolakar ka tolelyana aŋuna adau Ekapolon akitiya. Iyes daadaŋ ŋulu iyookino alotai, tocela ka alelyanu.”

Ŋikiru. 33:1

Iyes ŋulu iyookino, tolelyana aŋuna adau Ekapolon akitiya, emaikina iyes ŋulu iyookino kipuro iŋes.

Ŋikiru. 37:4

Kikinyoma Ekapolon, ido ikiinakini iŋes iyes ŋuna iitanito ŋitai kus.

Ŋikiru. 42:4

Atamununui ayoŋ ŋakiro nu ŋapakio ŋuna ikalounio etau kaŋ: Epite ŋolo paaran ikirukitor ayoŋ ka ŋituŋa ŋulu alalak, epite ŋolo paaran eŋarenikinitor ayoŋ ikes ikilosi Kai ka Akuj, tocelatei eeoi ka alelyanu ŋieosyo ŋulu ka alakara neni ka Akuj; alalakae isua ikilosi nasuban ŋunakipuret Akuj.

Ŋikiru. 5:11

Nai kimyek daadaŋ ŋulu apotu aiuno neni kon tolelyana; kimyek ikes toeoto ka alelyanu a ŋinakoloŋit; kiyok ŋulu ikiminasi iyoŋ, anerae aŋuna kon elelyanete ikes nooi;

Ŋikiru. 97:1

Erae Ekapolon Erwosit! Emaikina ŋituŋa tolelyana; emaikina ŋituŋa ŋulu iboiyete alodiyete ŋanamyo tolakar.

Isa. 41:16

ipyetarete iyes ikes, ido tokuta ekuwuam nariet ka kiela ikes ekuwuam ŋolo ekusi nooi. Ipote nai iyes alelyan aneni ke Ekapolon; ipote nai iyes akipuro Akuj ŋina asegan ŋina a Isirael.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 65:14

Eokinete ŋiketiyak elakara alotai kec, nai igworete iyes aŋuna ka aryeba a ŋitai kus ka iwololoete aŋuna ka akiyaloloŋ a ŋitai kus.

Yoel 2:23

Iyes ŋituŋa a Sion, tolelyana neni ke Ekapolon ka Akuj kus, anerae ikiinak iŋes iyes eketataman ŋolo ka akiyookino. Ikiyakiyanakini iŋes iyes akiru ŋina alalan lopite ŋolo pei sek anapakio aŋuna, ieteuni ka iceere, lopite ŋolopei sek ieteunio ka ŋuna iceereo.

Sepan. 3:14

“Toekisi iyes ŋituŋa a Sion! Tocelutu nooi iyes Ŋisirael! Tolakaros ka tolelyana nooi a ŋitai kus a daadaŋ, iyes ŋituŋa a Yerusalem.

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Sakar 10:7

Egogoŋioto ŋituŋa a Isirael ikwa ŋasigarya, elakarosi ikwa ŋituŋa ŋulu emasito epiini, etamununeete ŋipapae kec akiloun ŋin, ido elakarosi aŋuna adau Ekapolon akitiyakin.

Mat. 5:12

Tolakara ka tolelyana, anerae epol nooi eropit kus anakuj; ŋikadwarak daŋ ŋulu koloŋ, esicanitae ikwaŋinapei.

Luk. 1:47

elelyani etau kaŋ aŋuna ka Akuj Ekaiunan kaŋ,

Ŋirom. 5:11

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

Ŋiep. 6:10

Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

Ŋikis. 12:18

Emaikina iyes tonyama ŋul alokiŋaren Ekapolon Akuj kus anakibois a ŋina eseuni Ekapolon Akuj kus. Imujete iyes kaapei ka ŋidwe kus ŋulusapa ka ŋulupesur, ŋipi kus ka ŋapi kus ka ŋilepi ŋulu iboiyete alotaunio kus; ilelyanete iyes alokiŋaren Ekapolon Akuj kus aŋuna a ŋakiro a daadaŋ a ŋuna ipotu iyes kitiyata.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

Ŋipil. 4:8

Aŋetakini ŋikaitotoi kaŋ, totamete ŋakiro nu ŋuna ejokak ŋuna emaikina yaut ekipuri: ŋakiro ŋuna erae kire ŋuna ekerer, ŋuna iyookino, ŋuna emam aronis, ŋuna ka amina ka ŋuna itojokitae.

1 Ŋites. 4:1

Ŋuna esidyok ŋikaitotoi, ipotu iyes toyenut aneni kosi epite ŋolo itemokino iyes iboiyoto, ido kitalakasi Akuj. Kire erae epite ŋolopei ŋol sek iboiyoto iyes. Nai tokona ikilipit ka ikimaimai isua iyes alokiro ke Ekapolon Yesu, kitiyata nooi akilo tari ŋina sek.

1 Ŋites. 5:16

Tolelyanete jwi jwi;

Yak. 1:2

Ŋikaitotoi, kimarakisi erae ŋakiro ŋuna ilelyaniata apaki ŋina iryamuniata iyes ŋakikatakineta ŋuna egelegelya;

1 Pet. 3:8

Aŋetakini, itemokino iyes daadaŋ iraakasi ŋipei alotai kus; toyakatar akisyoniyenen, tominanaros make ikwa ŋikaitotoi, torimaaka ka toruworos ŋulu itiditeuna aneni a ŋuluce.

1 Pet. 4:13

Nai itemokino iyes tolakara aŋuna imoryata ŋican ŋulu a Kristo, ikotere nai iruworosi ŋulu ileleba alelyan apaki ŋina isileereunere apolou keŋ.

2 Pet. 3:1

Ŋikaakonei ŋuluminan, erae abaruwa na ŋina a ŋaarei ŋina ekegirak ayoŋ iyes. Alotooma ŋabaruwae ŋunaarei nu, ekatak ayoŋ akitekyenyun aneni kus ŋatameta ŋuna iyookino alotooma akitatam iyes ŋakiro ŋun.

1 Sam. 2:1

Kilip nai Ana tema, “Elelyani etau kaŋ Ekapolon; Okoe etya alelyan kaŋ ai aŋuna etiya iŋes! Eturokin tokona ayoŋ erworo neni a ŋimoe kaŋ; Okoe etya alelyan kaŋ ai; anerae ekeŋarak ayoŋ Akuj!