Ŋipil. 2:8 - Ebaibul

⁸ Alotakane keŋ arae ituŋanan, abu kitiditeun, ido kiwuap ŋuna acamit Akuj tari natwanare keŋ--atwanare keŋ alomusalaba.

Ŋipil. 2:8 Iomraidhean Croise

Ŋikiru. 22:16

Ekerikaut ayoŋ ŋimoe kaŋ, ekerikau ayoŋ ajore a ŋituŋa a ŋulu aronok. ecumucumasi ikes ŋakan ka ŋakejen kaŋ.

Ŋakit. 15:33

Akitopoloorit Ekapolon, itatami ituŋanan aruwor ŋini eyakar aosou, ido emaikina mono ituŋanan erae ŋini itiditeuna bon, toryamu nai akitopolooro.

Mat. 17:2

Kilocokin akuwan keŋ alokiŋaren kec, tocau ereet keŋ ikwa akoloŋ ka tokwaŋiata ŋilowi keŋ ikwa akica.

Mat. 26:39

Torotok iŋes kiŋaren iwadio, kibusokin kwap kijuuru kilip tema, “Okoe! Papa, ani kepedor, tolema ekopo ŋolo a ŋican lo aneni kaŋ. Meere nai ikwa acamitor ayoŋ, nai ikwaŋina icamitor iyoŋ.”

Mat. 26:42

Toboŋo nabo iŋes akilip tema, “Okoe! Papa, ani pa kitemokino alemar ekopo ŋolo a ŋican lo aneni kaŋ, alemar mati kamat iŋes, kitiyakin ŋuna icamit iyoŋ.”

Luk. 9:29

Ani eriŋa Yesu ilipi, kilocokin ereet keŋ ka tokwaŋiata ŋilowi keŋ kya.

Yoa. 10:18

Emam ituŋanan ŋini akademari ayoŋ akiyar kaŋ, nai ajalit ayoŋ iŋes anacamit kaŋ a elope. Ayakar ayoŋ apedor ŋina jalet iŋes ka ayakar ayoŋ apedor ŋina ryamunet iŋes nabo. Erae ŋun ŋuna ekecikak Papa kaŋ ayoŋ akitiya.”

Yoa. 14:31

nai etiyae ayoŋ ikwaŋina ekecikakinitor Papa, ikotere eyenuniata ŋituŋa ŋulu ka akwap atemar amina ayoŋ Papa. Tonyoutu, oloto a ne.

Yoa. 15:10

Ani kiricakis iyes ŋakiciketa kaŋ, idoŋete namina kaŋ, ikwaŋina ericakinia ayoŋ ŋakiciketa a Papa kaŋ, edoŋitor namina keŋ.

Yoa. 4:34

Tolimok Yesu ikes tema, “Akaakimuj iŋes akitiya ŋuna ecamit Akuj ŋina ekeyakuunit ayoŋ ka akirikakin ekeetic.

Ŋitic. 8:33

Alotooma akitiditeuna keŋ, aponi kitiyae ŋuna nyeriyan neni keŋ. Ŋae elimori ŋuna a ŋiletok keŋ, anerae alemar akiyar keŋ anakwap.”

Ŋirom. 5:19

Anerae ikwaŋina aponere kituruworere ŋituŋa ŋulu alalak ŋikasecak aŋuna aŋeryo ipeituŋanan akiwuap ŋakiro ŋuna ka Akuj, ikwaŋinapei, ituruworyo ŋikalalak ŋulu iyookino alokiŋaren Akuj, aŋuna ewuapya ipeituŋanan ŋakiro ŋuna ka Akuj.

2 Ŋikor. 8:9

Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.

Ŋigal. 3:13

Nai abu Kristo ikilaku iwon alolam a ŋulu eponito aneni a Ŋikisila, anerae abu iŋes kiwok ŋilam ŋulu sek arae ŋulu yok; anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini ibubukinio lokitoe”.

Ŋikis. 21:23

nyemaikina kimyekinae akuwan keŋ ineno alokitoe akuwar kia, emaikina iyes tonuka iŋes akoloŋit ŋinapei earere iŋes, anerae ituŋanan ŋini inenekinio lokitoe, ilamit Akuj iŋes. Nyemaikina iyes tomunaasi akwap ŋina ikiinit Ekapolon Akuj kus iyes aruwor ŋina kus.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 12:4

Alotooma ejiye kus ka asecit, eriŋa iyes nyejiyo akitodol natwanare.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.