Ŋipil. 2:7 - Ebaibul

⁷ Nai, abu iŋes elope kituruwor ekoŋinait, abu kikok eketiyan, ikwapei edounitere iŋes erae ituŋanan.

Ŋipil. 2:7 Iomraidhean Croise

Ŋikiru. 22:6

Aŋun nyeriŋa ayoŋ atakani alotuŋa arae ituŋanan, nai atakani asibit ekurut; eketeete ŋituŋa ŋuluce ayoŋ arae ekoŋinait ka akajamuwarito ikes ayoŋ.

Isa. 42:1

“Eketiyan kaŋ lo ŋolo etogogoŋit ayoŋ, eseuna kaŋ, ŋolo elelyakinit etau kaŋ. Ewuak ayoŋ etau kaŋ neni keŋ; eyauni iŋes akiyookino lotuŋa a ŋakwapin.

Isa. 49:3

Abu iŋes tema neni kaŋ,“Irae iyoŋ Isirael eketiyan kaŋ, ŋolo aryamunia ayoŋ akitopolooro.”

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Dan. 9:26

Ekaku a ŋikaru a ŋamiae a ŋaomwon ka ŋatomonikanikapei ka ŋiomwon earyo ekarikon ŋolo eseunit Akuj, edaun ibore ŋini erae ŋini keŋ, ido emunaarete ŋasigarya a ekarikon a ŋolo ilunyokin lokicoloŋ keŋ etaun ka akibois ŋina ka Akai ka Akuj. Ebuni asalun keŋ lopite ŋolo ebunio akalele, eyakaun ejie akitodol nasalunet. Atubun atemar eyakaun ekasile.

Sakar 3:8

Topupok tokona, iyoŋ Yosua ŋolo irae esacaradoti ŋolo Apolon nooi, iyoŋ kaapei ka ŋirukitos kon ŋulu iboiyete alokiŋaren kon, ŋulu erae akitoodiunet a ŋakiro a ŋuna ajokak a ŋuna eponito. Alosi ayoŋ ayaun eketiyan kaŋ ŋolo enyaritae Ateni.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Mat. 12:18

“Kiŋolikisi, erae lo eketiyan kaŋ ŋolo aseu ayoŋ, eminat kaŋ ŋolo eketalakarit ayoŋ nooi. Eyakuuni ayoŋ etau kaŋ bu neni keŋ, ikotere tolimokinia ŋituŋa ŋulu a ŋakwapin ŋakiro ŋuna ka atubokino.

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Mar. 9:12

Toboŋok Yesu ikes, “Kire ebuni Eliya ekiŋaren akitemokin ŋakiro daadaŋ eriyan; nyo elimunitotor Ŋakigireta atemar eryamuni Lokoku a Ituŋanan ŋican ŋulu alalak ka eŋeryo daŋ?

Luk. 22:27

Nyaani ŋini epol, ŋini iboi alomesa kori ŋini ekori akimuj? Meere mono ŋini iboi alomesa a? Nai ayai ayoŋ kidiŋ kus arae ekejanakinan.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Ŋirom. 1:3

Erae ŋakiro ŋun ŋuna a Lokoku ka Akuj a ŋolo erae Yesu Kristo Ekapolon yok. Alokuwane, erae iŋes eletonit ŋolo a Daudi.

Ŋirom. 15:3

Anerae pa abu Kristo kitiya ŋuna etalakarito iŋes bon. Nai akilo, ebala Daudi aŋuna keŋ alotooma Ŋakigireta ebe, “Apotu neni kaŋ ŋiyany ŋulu ikiyanyata ikes iyoŋ Akuj.”

Ŋirom. 15:8

Anerae akalimokini ayoŋ iyes atemar abu Kristo toruwor eketiyanakinan aneni a Ŋiyudayan kitoodiunia atemar erae ŋakiro ŋuna ka Akuj ŋuna a kire, isiyoonokini iŋes ŋakiikineta keŋ neni atapapaa.

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

2 Ŋikor. 13:4

Tari kibubukinitoe iŋes lomusalaba anapalagu, eyari iŋes aŋuna ka apedor a ŋina ka Akuj. Ikipalag iwon daŋ anakimorikina ka Kristo; nai ani kikitiya isua alokidiŋ kus, ikimori apedor ŋina ka Akuj, anakiyar a ŋina a Kristo.

2 Ŋikor. 8:9

Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

Ŋipil. 2:6

Ekoni iŋes Akuj, nai abu nyereikin arubakin iriyanikina ka Akuj.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 13:3

Nyikimuryakis ŋulu eyakasi mabus, tosibite iyakasi iyes ka ikes mabus. Nyikimuryakis ŋulu eryamunito ŋican, tosibite iryamunito iyes ka ikes ŋican.

Ŋibur. 4:15

Erae Esacaradoti ŋolo Apolon nooi ŋolo isyonit kire apalagu yok ŋina a ŋitai. Esacaradoti ŋolopei ŋol abu Satan kitem alopitesyo a daadaŋ a ŋulu ikitemio iŋes iwon, nai abu iŋes nyesec.