Ŋipil. 2:5 - Ebaibul

⁵ Toyakatar ŋatameta ŋuna ikote ŋun, ŋuna ayakar Yesu Kristo:

Ŋipil. 2:5 Iomraidhean Croise

Mat. 11:29

Tolemasi ayokot kaŋ tonapa ka kisisyata aneni kaŋ; anerae apatana ka eyapara ayoŋ alotau, ido iryamunete akieŋun ŋina a ŋitai kus.

Luk. 22:27

Nyaani ŋini epol, ŋini iboi alomesa kori ŋini ekori akimuj? Meere mono ŋini iboi alomesa a? Nai ayai ayoŋ kidiŋ kus arae ekejanakinan.

Ŋitic. 10:38

Iyenete iyes epite ŋolo aseunia Akuj Yesu ŋolo a Nasaret, inak Etau keŋ ka apedor. Abu iŋes kirim itiyae ŋuna ajokak ka kitaŋaleununu ŋulu daadaŋ ayakasi napedor ŋina a Satan, anerae arukito Akuj ka iŋes.

Ŋitic. 20:35

Eketoodik ayoŋ iyes alopitesyo a daadaŋ atemar itemokino ŋinituŋanan kitiya ka agogoŋu, ikotere epedori akiŋarakin ŋulu epalag anatamunit ŋakiro ŋuna abala Ekapolon Yesu, ‘Eyai arereŋu nooi nainanakin akilo naryamunun.’ ”

Ŋirom. 14:15

Ani kitakadak iyoŋ lokaato kon aŋuna a ibore a ŋini inyami iyoŋ, ido nyenyami iŋes, iŋes atemar nyeriŋa nai iyoŋ itiyae ŋuna ka amina. Nyimyek akimuj ŋina imuji iyoŋ emunaiyari ituŋanan ŋini abunio Kristo totwania!

Ŋirom. 15:3

Anerae pa abu Kristo kitiya ŋuna etalakarito iŋes bon. Nai akilo, ebala Daudi aŋuna keŋ alotooma Ŋakigireta ebe, “Apotu neni kaŋ ŋiyany ŋulu ikiyanyata ikes iyoŋ Akuj.”

Ŋirom. 15:5

Elipi ayoŋ Akuj, ŋina erae alope atitinyu ka akimukekinit toyakaunotor alokidiŋ kus akimorikina ŋina ajokan anakiwuapit akitoodikinet ŋina a Kristo.

1 Ŋikor. 10:33

Kiboiyoto lopite ŋolopei eboiyo ayoŋ; ekatakinit ayoŋ akitalakar ŋituŋa daadaŋ alopitesyo a daadaŋ, nyatami ŋuna kaŋ bon, nai atami aŋuna a ŋituŋa a daadaŋ, ikotere toiunos ikes daadaŋ.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

Ŋipil. 1:1

Ayoŋ Paulo ka Timoteo ŋiketiyak ŋulu a Yesu Kristo, ikigirit abaruwa na neni a ŋituŋa a daadaŋ a ŋulu ka Akuj alo Pilipi, a ŋulu imorikina ka Yesu Kristo ka neni a ŋibicopyo a ŋatukon a Ŋikristo ta ŋikeŋarakinitok kec.

1 Pet. 2:21

Ŋakiro nu ikes ikinyaraa iyes Akuj, anerae abu Kristo elope toryamu ŋican aŋuna kus ka itoesikinia iyes akitaanyikinet, ikotere totupyata iyes ŋikukus keŋ.

1 Pet. 4:1

Ikwaŋina abunio Kristo toryamunia ŋican alokuwane, itemokino iyes daŋ kitogogoŋos alopite a ŋolo atamya iŋes; ituŋanan ŋini aryamu ŋican alokuwane, amulen iŋes asecit.

1 Yoa. 2:6

Ituŋanan ŋini ebala, “Ikirukit ka Akuj,” itemokino iŋes iboi ikwaŋina eboiyo Yesu Kristo.