Ŋipil. 2:26 - Ebaibul

²⁶ Iburakinit iŋes nooi abunore aanyun iyes daadaŋ ka ebulit, anerae ipotu iyes kiirasi atemar adyaka iŋes.

Ŋipil. 2:26 Iomraidhean Croise

2 Sam. 13:39

Ani ekaku, kisyak Daudi atamatam, kimyek aŋoikinit Abusalom, anerae apotu ŋituŋa kisirworiut iŋes aŋuna ka atwanare ka Aminon.

2 Sam. 24:17

Ani iŋolikini Daudi emalaika ŋolo aari ŋituŋa, tema neni a emalaika, “Ayoŋ bon asecit ka ayoŋ bon adau akitiya aronis ŋina apolon nooi; nai ŋituŋa lu ŋulu ikote ŋamesekin, nyo itiyato ikes? Ekemaimai ayoŋ iyoŋ, kisicanae ayoŋ ka ŋituŋa a ekal a papa kaŋ.”

Yob 9:27

Ani katema ayoŋ, ‘Emaikina ekemuryakis ayoŋ ŋakiro ŋuna eŋuruŋurar; alemari ayoŋ anyoridid aloreet kaŋ, oruwor ŋolo etoodiunit alakara aloreet kaŋ,’

Ŋikiru. 69:20

Esiyaloloŋiyosi ŋiyany etau kaŋ, aŋun, apapanu ayoŋ. abu ayoŋ eitan akisyonio, nai mam ipei daŋ ŋini abu ekesyon; abu ayoŋ eitan ikesirworiunan, nai mam ipei daŋ ŋini abu ekesirworiu.

Ŋakit. 12:25

Epedori akiyaloloŋ ayaun asiliyorit lotau a ituŋanan, nai epedorete ŋakiro ŋuna ka arimao akisimukekin ituŋanan.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Mat. 11:28

“Potu neni kaŋ iyes daadaŋ ŋulu ikiupit aloticisyo kus ka aŋuna ka akiwokit ŋigogoso; ekesieŋuni ayoŋ iyes.

Mat. 26:37

Torukosi iŋes ka Petero ka ŋidwe a Sebedeo ŋuluarei. Togeu akibul iŋes ka kiyaloloŋ nooi.

Ŋitic. 21:13

Tema nai Paulo, “Nyo itiyaete iyes igworotor ikona ka ikiteryebiata ayoŋ etau kaŋ? Atenit ayoŋ aeno alo Yerusalem; meere ŋun bon, nai atenit atwanare daŋ aina aŋuna ke ekiro ke Ekapolon Yesu.”

Ŋirom. 1:11

Anerae ekeburit ayoŋ aanyun iyes, ikotere omora ŋainakineta ŋuna ke Etau a ŋolo Asegan, ŋuna akainaki Akuj ayoŋ, ikitogogoŋ iyes.

Ŋirom. 12:15

Tolakara kaapei ka ŋulu elakara, kigworo kaapei ka ŋulu igworosi.

Ŋirom. 9:2

Erae ŋun kire atemar epol nooi akiyaloloŋ kaŋ ka nyedaun aryeba ŋina eyai lotau kaŋ aŋuna a ŋituŋa kaŋ. Erworo ayoŋ aŋuna a ŋituŋa a ŋulu ke ekabila kaŋ.

1 Ŋikor. 12:26

Ani keryabakin ekiner epei, eryebakinosi ŋinerin ŋuluce daadaŋ; ani kipuri ekiner epei, elakarosi ŋinerin ŋuluce daadaŋ.

2 Ŋikor. 9:14

Anamina a ŋina apolon nooi, ikilipakinete ikes iyes aŋuna ka ajokis a ŋina apolon a ŋina adau Akuj akitoodikin iyes.

Ŋigal. 6:2

Kiŋaranakinos make anatyokisyo kus, ido alopite a ŋol, iwuapete iyes ekisil ŋolo a Kristo.

Ŋiep. 3:13

Aŋun, ekemaimai nai ayoŋ iyes, nyijamakis aŋuna a ŋican a ŋulu aryamu ayoŋ aŋuna kus, a ŋulu erae aŋuna ka akitopolooro kus moi anakuj.

Ŋipil. 1:3

Alakanari ayoŋ neni ka Akuj kaŋ ŋapakio daadaŋ ŋuna akatamununuya ayoŋ iyes;

Ŋipil. 1:8

Eyeni Akuj atemar ŋuna erworo ayoŋ erae ŋuna a kire--akamina ayoŋ iyes lopite ŋolo ikiminar iyes Yesu Kristo.

Ŋipil. 2:25

Atamaki ayoŋ atemar ejoikinit ayoŋ ekeyakik iyes lokaato yok Epapurodito, ŋolo ikitiyae ka ŋolo ikitijiye kaapei ka ayoŋ Satan alotic a ŋolo a Ŋakiro a ŋuna Ajokak. Etiya iŋes ikwa ekiyakitono kus akiŋarakin ayoŋ.

Ŋipil. 2:27

Kire adyaka iŋes ka adikino etwani. Nai abu Akuj kitimok iŋes nooi; meere iŋes bon, nai abu eketimok ayoŋ daŋ, ikotere nyiyatakin akiyaloloŋ kaŋ.

Ŋipil. 4:1

Aŋun ŋikaitotoi kaŋ ŋuluminan, ekeburit ayoŋ nooi aanyun ka iyes! Iraakasi iyes alelyan kaŋ ka ŋakiro ŋuna eturor ayoŋ. Epite ŋol itemokino torubakiniata aneni ke Ekapolon, ŋuluminan.

1 Pet. 1:6

Tolelyana aŋuna a ŋakiro a ŋun, tari tokona kiyaloloŋete daŋ apaki ŋina edit na aŋuna a ŋakikatanakineta a ŋuna alalak.