Ŋipil. 2:22 - Ebaibul

²² Iyenete iyes ŋilopeyek epite ŋolo etoodiunitor iŋes etic keŋ; epite ŋolo ikitiyaa iŋes ka ayoŋ kaapei ikwa esapat ka papa keŋ aŋuna a Ŋakiro a ŋuna Ajokak.

Ŋipil. 2:22 Iomraidhean Croise

Ŋitic. 16:2

Etojokito ŋikanupak daadaŋ ŋulu alo Listra ka Ikonio Timoteo.

Ŋirom. 5:4

Ani kikititiny iwon, ikidaŋidaŋakini, ido ikiinak akidaŋidaŋ akigeno.

1 Ŋikor. 16:10

Ani kebu Timoteo neni kus, kijautu iŋes ejok, ikotere nyekuryana iŋes irukito ka iyes; anerae itiyae iŋes etic ŋolo ke Ekapolon ikwa ayoŋ.

1 Ŋikor. 4:17

A ŋakiro a ŋun, eyakuunit ayoŋ neni kus Timoteo lokoku kaŋ ŋolo minat alotooma Kristo ka erae ŋolo ekinyomit ayoŋ. Ikitatamuni iŋes iyes ŋipitesyo ŋulu atupit ayoŋ anakiyar kaŋ anakimorikina ka Yesu Kristo ikwapei etatamya ayoŋ natukon daadaŋ ŋuna a Ŋikristo anakwapin.

2 Ŋikor. 2:9

Abu ayoŋ ekegirak iyes abaruwa ŋin, anerae acamit ayoŋ ayenun epite ŋolo kiponiata iyes topedoryata akipiyor akikatakinet ŋin, ka erae kipedorito jwi jwi akiwuap ŋakitatameta kaŋ.

2 Ŋikor. 8:22

Aŋun, ikiyakuunit isua lokaato kosi kaapei ka ikes; adaun isua akirot iŋes ŋarwa ŋuna alalak ka ikiryamu iitanit nooi akiŋarakin anakiro a ŋuna alalak. Nai tokona, eyatakin nooi akiitanit keŋ aŋuna ikikinyomitor iŋes iyes.

2 Ŋikor. 8:24

Aŋun, kitoodikisi ikes amina kus, ikotere eyenunete ŋatukon a Ŋikristo daadaŋ amina kus ka toyenut atemar iyookino akituro kosi aŋuna kus.

2 Ŋikor. 8:8

Nyalimunit ayoŋ ŋun erae akiciket, nai acamit aanyun akikinyoma ŋina ka amina kus alotooma akisikwaanikin ka epite ŋolo iburitor ŋituŋa ŋulu a Makedonia ainanakin.

Ŋipil. 1:12

Ŋikaitotoi, acamit ayoŋ iyes toyenut ebe, ŋakiro ŋuna etiyakin neni kaŋ, eŋarakis akielar Ŋakiro ŋuna Ajokak.

Ŋipil. 1:16

Itiyaete ŋul ŋun anamina, anerae eyenete ikes atemar ayai ayoŋ mabus aŋuna a Ŋakiro a ŋuna Ajokak.

Ŋipil. 1:5

aŋuna ke epite a ŋolo ikimorya iyes ka ayoŋ etic ŋolo a Ŋakiro a ŋuna Ajokak, ageun akoloŋit ŋina esyaunan ŋina inupyata iyes, tari tokona.

Ŋipil. 1:7

Itemokino ayoŋ okatamunite iyes daadaŋ ikona, anerae akamina ayoŋ iyes nooi, ikwapei ikimorya iwon daadaŋ ainakinet ŋina adau Akuj ainakin ayoŋ, tari anapaki a na, a ŋina ayakar ayoŋ mabus ka apaki ŋina erworor ayoŋ aŋuna a Ŋakiro a ŋuna Ajokak etogogoŋit.

Ŋipil. 2:20

Timoteo iŋes bon ŋolo ikimori ka ayoŋ ŋatameta kaŋ ka iŋes kire ikimitakinit iyes.

1 Tim. 1:18

Timoteo lokoku kaŋ, ekecikakini ayoŋ iyoŋ ŋakiro nu, ikwaŋina koloŋ kedwaritere aŋuna kon. Kisitiya ŋakiro nu ikwapei ŋiboro ŋulu ijiyo iyoŋ, ikotere ijiyo ejok,

1 Tim. 1:2

egirit abaruwa na neni a Timoteo a ŋolo erae lokoku kaŋ ŋolo a kire ananupit. Toyai neni kon ajokis, akisyon ka ekisil aneni ka Akuj Papa ka aneni a Yesu Kristo Ekapolon yok.

1 Tim. 4:6

Ani kilimok iyoŋ ŋakiro nu neni a ŋikaitotoi alotooma Kristo, iruwor iyoŋ eketiyan a Yesu Kristo ŋolo ajokan, apaki daadaŋ ŋina irubakinitor iyoŋ iryamunit agogoŋu anakiro a ŋuna ka anupit ka anakitatam a ŋina ajokan a ŋina idau iyoŋ akiwuap.

2 Tim. 1:2

egirit abaruwa na neni a Timoteo a ŋolo erae lokoku kaŋ ŋolo minat. Toyai neni kon ajokis, akisyon ka ekisil aneni ka Akuj Papa ka aneni a Yesu Kristo Ekapolon yok.

2 Tim. 3:10

Nai ŋuna ikikamunito iyoŋ, idau akiwuap akitatam kaŋ, ŋipitesyo kaŋ ka ŋuna alosikinit ayoŋ anakiyar; idau iyoŋ akiwuap anupit kaŋ, atitinyikinit kaŋ, amina kaŋ, akidaŋidaŋ kaŋ,

Tito 1:4

Egirit ayoŋ neni kon Tito, a ŋolo irae lokoku kaŋ ŋolo a kire ananupit a ŋina ikimori ayoŋ ka iyoŋ. Toyai neni kon ajokis ka ekisil aneni ka Akuj Papa ka aneni a Yesu Kristo Ekaiunan yok.