Ŋipil. 2:17 - Ebaibul

¹⁷ Nai tari erae kainak akiyar kaŋ ikwa amuronot, kiyatakinae namuronot kus, ŋina erae anupit kus; alakari ayoŋ ka ikimori alelyan kus.

Ŋipil. 2:17 Iomraidhean Croise

Ekim. 28:6

Erae ŋun ŋainakineta ŋuna epeyo ŋuna emaikina inanakinetei a ŋinakoloŋit, ŋuna epeyo ŋuna ebob eure kec aneni ke Ekapolon.

Ekim. 28:7

Ikwapei ainakinet ŋina a ŋimaten, emaikina inakinae aŋuna a ŋinikale elita epei ŋolo ke epiini; emaikina tobukokinae aŋuna ke Ekapolon ainakinet ŋina a ŋimaten nakibois ŋina asegan.

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋitic. 21:13

Tema nai Paulo, “Nyo itiyaete iyes igworotor ikona ka ikiteryebiata ayoŋ etau kaŋ? Atenit ayoŋ aeno alo Yerusalem; meere ŋun bon, nai atenit atwanare daŋ aina aŋuna ke ekiro ke Ekapolon Yesu.”

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

2 Ŋikor. 12:15

Abuni ayoŋ alakari nooi erae kekesunyak iyes ŋinibore daadaŋ ayakar ka ojal akuwan kaŋ daŋ aŋuna ka akiŋarakin ŋitai kus. Kaanukiro ikiminatar iyes ayoŋ iwadiocici aŋuna akaminar ayoŋ iyes nooi?

2 Ŋikor. 4:12

Iŋes atemar itiyae atwanare aneni kosi, nai itiyae akiyar aneni kus.

2 Ŋikor. 6:10

tari kikisiyaloloŋitoe daŋ, ikilelyani isua jwi jwi; kikisibit ŋikulyak daŋ, nai ikitabarenene isua ŋituŋa ŋulu alalak, kesibit emam ibore ikiyakar daŋ, ikiyakar kire ŋiboro daadaŋ.

2 Ŋikor. 7:4

Ekekinyomit ayoŋ iyes nooi, eketuror ayoŋ iyes nooi; ileleba neni kaŋ atitinyu nooi ka alocan yok a daadaŋ, ilapara aneni kaŋ alelyan.

Ŋipil. 1:20

eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.

Ŋipil. 2:18

Ikwaŋinapei, itemokino iyes daŋ tolakaros ka omora alelyan kaŋ.

Ŋipil. 2:30

anerae adikino iŋes ejali akiyar keŋ aŋuna ke etic a Kristo aŋuna ka akiŋarakin ayoŋ alopite a ŋolo pa ipedoritotor iyes ŋilopeyek akiŋarakinia ayoŋ alotic a ŋol.

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.

Ŋikol. 1:24

Tokona, alakara ayoŋ aŋuna a ŋican a ŋulu aryamunit ayoŋ aŋuna kus, anerae alotooma ŋican ŋulu ka akuwan kaŋ, eŋarakinit ayoŋ akirikakin ŋuna ariŋa nyirikakina alocan a Kristo aŋuna a Ŋikristo, a ŋulu eraakasi akuwan keŋ.

1 Ŋites. 2:8

Aponi isua ikiminakin iyes nooi, ido aponi toryamunae alakara, meere ŋinamoret Ŋakiro ŋuna Ajokak bon ka iyes, nai tari akiyar kosi a ŋilopeyek; anerae ipotu iyes toruworos ŋuluminan kosi.

2 Tim. 4:6

Aneni kaŋ, adol apaki ŋina ekepotorere ikwa amuronot, apaki ŋina aesikinia ayoŋ akiyar na.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Yoa. 3:16

Epite lo ikiyenia iwon amina: abu Kristo tojal akiyar keŋ aŋuna yok. Ojala iwon daŋ akiyar yok aŋuna a ŋikaitotoi yok!