Ŋipil. 2:16 - Ebaibul

¹⁶ ikwapei iricitotor iyes ŋakiro ŋuna ka akiyar. Ani kitiyata iyes ikoŋina, aryamuni ayoŋ ŋakiro ŋuna eturokinor aŋuna kus Akoloŋit ŋina a Kristo, anerae itoodiuni neni ebe abu ayoŋ nyecanican agogoŋu ka etic kaŋ.

Ŋipil. 2:16 Iomraidhean Croise

Ŋikiru. 40:9

Eserae ayoŋ aŋuna aŋakiro ka alakara anatukot a ŋituŋa a ŋulu ecunakina akilip; nyililiŋa ayoŋ akirworo ŋuna ka aiuno kon, ikwapei iyenia iyoŋ okoe Ekapolon.

Ŋikiru. 71:17

Okoe Akuj, ikitatam iyoŋ ayoŋ ŋinapei anasoroko kaŋ, ido arubakinit ayoŋ eserae ŋiticisyo kon ŋulu ka aumokin.

Isa. 49:4

Nai abu ayoŋ otema, “Etiya ayoŋ koŋin, ecanicanaa ayoŋ agogoŋu kaŋ koŋin ka acaryoon;” kikote neni daŋ, ayeni ayoŋ atemar akainakini Ekapolon ayoŋ ibore ŋini erae ŋini kaŋ ka eyai eropit kaŋ neni ka Akuj kaŋ.

Mat. 10:27

Ŋakiro ŋuna akalimokini ayoŋ iyes anakiryonut, tolimosi anakica, nabo ŋuna iirasi iyes iŋaiŋaunitae, kikeutu alokiŋa.

Luk. 12:8

“Akalimokini ayoŋ iyes atemar, ŋinituŋanan akalimori ayoŋ alokiŋaren ŋituŋa, elimori Lokoku a Ituŋanan daŋ iŋes alokiŋaren ŋimalaikan ŋulu ka Akuj.

Yoa. 6:63

Erae Etau ŋolo ka Akuj iŋes ikiini akiyar; ecaryono apedor ŋina a ituŋanan. Ŋuna akalimok ayoŋ iyes erae ŋuna ileleba Etau tooma kec ka eyaunete akiyar.

Yoa. 6:68

Toboŋok Simoni Petero iŋes tema, “Ekapolon, neni a ŋae ikilosi? Iyakar iyoŋ ŋakiro ŋuna ka akiyar a ŋina nyedaun.

Ŋitic. 13:26

“Ŋikaitotoi, ŋiletok ka Aburaam ka iyes ŋuluce ŋulu ikerito Akuj. Erae neni yok eyakuun ŋakiro ŋuna ka aiuno a na!

1 Ŋikor. 1:8

Erubakini iŋes ikitogogoŋit iyes ananupit kus tari nasalunet, ikotere itoryamun iyes emam ŋuna ikisitakinere Akoloŋit ŋina ke Ekapolon yok Yesu Kristo.

1 Ŋikor. 9:26

Iŋes nai akeria ayoŋ ocorosi tari naŋetakinet; ikikwaan ayoŋ ka ekanaŋan egum ŋolo nyedyaki ŋoloce.

2 Ŋikor. 1:14

ikiyenunete iyes isua ejok lopite ŋolopei ikiyenuniata tokona iwadio, ikotere kiturokinos aŋuna kosi lopite ŋolopei iturokinere isua daŋ aŋuna kus Akoloŋit ŋina ke Ekapolon Yesu.

Ŋigal. 2:2

Abu ayoŋ olot, anerae abu Akuj eketoodik ayoŋ atemar itemokino olot. Anakiryamiryam kaŋ ka ŋikarikok ŋulu a ŋatukon a Ŋikristo aneni kec make, abu esileerek neni kec Ŋakiro ŋuna Ajokak ŋuna alimonokini ayoŋ lotuŋa ŋulu nyerae Ŋiyudayan. Abu ayoŋ etiya ŋun, anerae pa acamit ayoŋ etic kaŋ ŋolo adau akitiya ka ŋolo a tokona eruwor koŋin.

Ŋigal. 4:11

Akabulit ayoŋ aŋuna kus! Apolou keŋ mono atemar etic daadaŋ ŋolo etiya ayoŋ aŋuna kus aruwor ekoŋinait a?

Ŋipil. 1:10

topedosi nai acamun ibore ŋini ajokan nooi; ikotere toruworos ŋulu isegak alotai, tomam aronis adio daŋ, Akoloŋit ŋina eboŋunio Kristo.

Ŋipil. 1:6

Ayeni ayoŋ kire atemar irikakini Akuj ŋina ageikini akitiya etic ŋolo ajokan lo aneni kus Akoloŋit ŋina eboŋunio Yesu Kristo.

1 Ŋites. 2:19

Anerae iyes iraakasi akigeno kosi, alelyan ka ŋakiro ŋuna ikituror isua alotooma akiloun alokiŋaren Ekapolon yok Yesu, apaki ŋina eboŋunio iŋes.

1 Ŋites. 3:5

Aŋakiro a ŋun, pa apedorit ayoŋ akidaŋidaŋakin jik; ido abu eyaku Timoteo, ikotere oyenunia epite ŋolo eyakar anupit kus, anerae akuryanit ayoŋ atemar acepaki kedau Satan eketemon akitem iyes ka aruwor etic kosi ekoŋinait!

Ŋibur. 4:12

Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.

1 Pet. 1:23

Pa aponi ikidoun iyes nabo alokinyomit a ŋolo ebosi, nai alokinyomit a ŋolo eyari, alotooma akirot ŋina ka Akuj, ŋina nyedaun.

1 Yoa. 1:1

Erae ŋakiro nu ŋuna ikamunito Akirot ŋina ka akiyar a ŋina ayai anakisyakinet. Aponi isua kiirarae ka kiŋolikinae a ŋakonyen kosi a ŋilopeyek; kire ikianyu isua iŋes ka ikitap a ŋakan kosi.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.