Ŋipil. 2:13 - Ebaibul

¹³ anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.

Ŋipil. 2:13 Iomraidhean Croise

1 Ŋirw. 8:58

Elipit kituruwo iŋes ŋitai yok ŋulu ecamito iŋes, kiwuapa ŋuna ebala iŋes daadaŋ ka kiwuapa ŋakiciketa keŋ, ŋikisila keŋ ka ŋuna etubunit iŋes ŋakiro ŋun daadaŋ ŋuna abu iŋes kicik atapapaa yok.

2 Ŋakiro a ŋirwa 30:12

Alo Yudaya daŋ, abu Akuj inak ŋituŋa acamun ke epeitau anakimorikina akitiya ŋuna alimunito erwosit ka ŋikapolok anakirot a ŋina ke Ekapolon.

Esir 1:1

Alokaru a ŋolo ke epei ipukat erwosit Kirus Perisia, abu Ekapolon kisiyook ŋakiro ŋuna sek alimunit iŋes aneni a ekadwaran Yeremia. Abu Ekapolon kiwuak lotau a erwosit Kirus a ŋolo a Perisia, alimun ŋakiro ŋuna aponi kigirae ka kiyakiyarae tosyomae ikeunitae ŋakiro keŋ neni a ŋituŋa a apukan keŋ a daadaŋ. Abasi ŋakiro ebe,

Esir 1:5

Apotu nai ŋikarikok a ŋikalya a ŋikabilae a Yudaya ka Benjamin ka ŋisacaradotin ta ŋilepi kaapei ka ŋituŋa daadaŋ ŋulu abu etau ŋolo ka Akuj min nen kec, tonyout kitipeiyosi Yerusalem adukokin nabo Akai ke Ekapolon Yerusalem.

Esir 7:27

Kipuroe Ekapolon, Akuj atapapaa yok, ŋina ewuakini ŋakiro ŋuna ikote ŋun lotau a erwosit, ikotere itopolooryo Akai ka Akuj alo Yerusalem,

Neem. 2:4

Abu nai erwosit ekeŋit ayoŋ tema, “Nyo tokona iŋita iyoŋ?” Aŋun, abu ayoŋ elip neni ka Akuj a ŋina anakuj.

Yob 33:29

Kire, itiyae Akuj ŋakiro ŋun daadaŋ, ŋarwa ŋaarei, kori ŋauni neni a ŋituŋa,

Ŋikiru. 110:3

Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

Ŋikiru. 119:36

Inakinae ayoŋ acamit ŋina ka akiwuap ŋakiro ŋuna itubunit iyoŋ, akilo acamit aryamun ebari aŋuna kaŋ.

Ŋikiru. 141:4

Nyicamak etau kaŋ iwarit akitiya aronis, nyicamak itiyae ŋuna aronok ŋuna itiyaete ŋulu aronok; nyikicamak ayoŋ ayakaun nasuban a ŋulu itiyaete ŋuna aronok.

Ŋakit. 21:1

Erae Ekapolon itenit ŋatameta a erwosit, itenit iŋes ŋatameta a erwosit lopite ŋolo itenikinia ayonae ŋakipi toleleiya neni ecamit iŋes.

Isa. 26:12

Okoe Ekapolon, ikiinakini iyoŋ isua ekisil, anerae kire, ŋuna daadaŋ etiyae isua, itiya iyoŋ aŋuna kosi.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 32:38

Eruworosi ikes ŋituŋa kaŋ ka aruwor ayoŋ Akuj kec.

Luk. 12:32

“Nyikuryaketa iyes erae kikudyoko daŋ! Anerae iwarit Papa kus ainakin iyes Apukan keŋ.

Luk. 2:14

“Akipuro toyai kidiama neni ka Akuj, ka ekisil nakwap neni a ŋituŋa a ŋulu italakarito Akuj!”

Yoa. 3:27

Toboŋok Yoana tema, “Nyepedori idiotuŋanan aryamun idiobore, mati einakinitae anakuj.

Yoa. 6:45

Igirit ekadwaran epei ebe, ‘Ebuni Akuj akitatam ŋituŋa daadaŋ.’ Ŋulu iirarete Papa, toyenut aneni kaŋ, epote neni kaŋ.

Yoa. 6:65

Tolimu nabo Yesu tema, “Ikes ŋakiro ŋuna abunio ayoŋ okolimok iyes atemar, emam ŋini ebuni neni kaŋ, mati kecamaki Papa iŋes.”

Ŋitic. 11:21

Ayai apedor ŋina ke Ekapolon neni kec, kibelekinos ka tonupa ŋituŋa ŋulu alalak Ekapolon.

Ŋirom. 12:3

Aŋuna ka ajokis a ŋina abu Akuj okoinak ayoŋ, akalimokini ayoŋ iyes daadaŋ atemar, nyitamete atemar kori ipolok iyes nooi, torae bo nyipolok. Nai torae ŋulu iyakatar ŋatameta ŋuna ecayete ka itemokino ŋinituŋanan aneni kus toyenu epite ŋolo eyakar iŋes alotyae a ŋolo ka anupit a ŋina einakinitae iŋes.

Ŋirom. 9:11

Tari eriŋa ikes nyidouno ka eriŋa ikes nyitiya ŋuna ajokak kori ŋuna aronok, aponi tolimokinae Rebeka ebe, “Eruwor edya ŋolo apolon eketiyan a ŋolo cici.” Aŋun, erae aseunet ŋina ka Akuj ŋina iwuapit epite ŋolo ikinyaraa iŋes alope; meere aŋuna a idiobore a ŋini itiyae ituŋanan.

Ŋirom. 9:16

Aŋun nai, nyerae akisyon aŋuna a ŋakiro a ŋuna ecamit ituŋanan kori imukekinit, nai erae aŋuna ka akisyon a ŋina ka Akuj bon.

1 Ŋikor. 12:6

Egelegelya ŋirotin ŋulu itiyaere ŋiticisyo, nai Akuj apei ekorakinit ŋinituŋanan apedor ŋinakitiyaet etic.

1 Ŋikor. 15:10

Nai aŋuna ka ajokis a ŋina ka Akuj, arae ayoŋ tokona ekiyakia ka nyeruworo ajokis ŋina abu iŋes okoinak ayoŋ akoŋinait. Akilo, etiya ayoŋ nooi adepar Ŋikiyakia ŋuluce daadaŋ, tari pa kerae agogoŋu kaŋ a elope etiyae, nai ajokis ŋina ka Akuj ŋina eyai neni kaŋ.

2 Ŋikor. 3:5

Emam ibore ŋini ikiyakar isua, ŋini ikitilimuni atemar ikiyakar isua apedor ŋinakitiyaet etic lo. Apedor ŋina ikiyakar isua ebunit aneni ka Akuj.

Ŋiep. 1:11

Itiyao ŋiboro daadaŋ alopite a ŋolo itemokinitor ka etubunitor Akuj ka abu Akuj ikiseu iwon aŋuna ka acamit keŋ aruwor ŋituŋa keŋ ka alope anakimorikina ka Kristo, ikwa kebunio iŋes totubunio ŋinapei anakisyakinet.

Ŋiep. 1:5

Aŋuna ka amina keŋ, aris Akuj ŋinapei anakisyakinet ketubu akituruwor iwon ŋidwe keŋ aŋuna a Yesu Kristo--arae ŋun alakara ka acamit keŋ.

Ŋiep. 1:9

ikitaanyu iŋes iwon alosikinet keŋ ŋina imunono ikwapei araakar acamit ka alakara keŋ ŋin.

Ŋiep. 2:8

Anerae erae aŋuna ka ajokis a ŋina ka Akuj ikiunere iyes, aiuno ŋina ipotu iyes toryamut ananupit kus.

2 Ŋites. 1:11

Ŋakiro ŋun iŋes ikilipanakinia isua iyes jwi jwi, ikotere ikituruwo iyes Akuj ŋulu iyookino anakiyar a ŋina ikinyarak iŋes iyes. Ikilipit isua Akuj anapedor keŋ, atemar kirikak iŋes ŋuna ajokak daadaŋ ŋuna icamito iyes akitiya ka daŋ kirikak etic kus ŋolo itiyaete iyes ananupit.

2 Tim. 1:9

Abu iŋes ikiu ka ikinyara iwon aruwor ŋituŋa keŋ ka alope, meere aŋuna ikidau iwon akitiya, nai aŋuna ka acamit ka ajokis keŋ. Eriŋa akwap nyesubuna, abu iŋes ikiinak iwon ajokis ŋin alotooma Yesu Kristo,

Ŋibur. 13:21

Ikimaimai isua Akuj ŋina ikiinanakini ekisil, ikiinak iyes ibore ŋini ajokan daadaŋ ŋini iitanito iyes aŋuna ka akitiya acamit keŋ. Itiyakini iŋes aneni yok ŋuna italakarito iŋes alotooma Yesu Kristo. Toyai neni keŋ apolou ŋikaru ka ŋikaru! Amen.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,