Ŋipil. 2:12 - Ebaibul

¹² Aŋun, ŋikaitotoi kaŋ ŋuluminan, ikwapei jwi jwi iwuapitotor iyes ŋakiro kaŋ paaran apaki ŋina ikirukitor iwon, ejok nabo nooi iyes akiwuap ŋakiro kaŋ tari apaki ŋina alwania ayoŋ aneni kus. Torubakisi itiyaete alokabule ka anakerit Akuj aŋuna ka aiuno kus,

Ŋipil. 2:12 Iomraidhean Croise

Esir 10:3

Aŋun tokona, ocamunos iwon alokiŋaren Akuj yok, eritasi ŋaberu ŋun daadaŋ ka ŋidwe kec lopite ŋolo adauniata ekapolon yok ka ŋulu itopoloorito ŋakiciketa ŋuna ka Akuj yok alimokin iwon, emaikina kitiyae ŋun ikwaŋina elimunitor ekisil.

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 2:11

Kitiyanakisi Ekapolon itopoloorito, kitiditeunos make alokiŋaren keŋ.

Ŋakit. 10:16

Erae akitiya ŋuna ajokak eropit ŋolo ka akiyar, nai ibore ŋini eryamununeete ŋulu aronok anakitiya aronis, eauni akisicanio neni kec.

Ŋakit. 13:4

Eyakatar ŋikalanyanotin ekibure ŋolo apolon nooi, nai mam ibore eryamununeete, eryamuni ituŋanan ŋini itiyae ka agogoŋu ibore daadaŋ ŋini iitanit.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Mat. 11:12

Ameun alorwa a Yoana ke Ekebatisan akitodol tokona, eryamunit Apukan ka Akuj ŋican ŋulu apolok; nabo eŋirikinito ŋikadedeŋak alemar iŋes ka agogoŋu.

Mat. 11:29

Tolemasi ayokot kaŋ tonapa ka kisisyata aneni kaŋ; anerae apatana ka eyapara ayoŋ alotau, ido iryamunete akieŋun ŋina a ŋitai kus.

Ŋitic. 16:29

Tonyarau ekapolokiniton mabus ituŋanan ayaun etaa, kipumar tooma, toramakin kiŋaren Paulo ka Silas emarani.

Ŋitic. 9:6

Nai tokona, tonyou toloma lotaun itolimokin ŋuna itemokino iyoŋ kitiya.”

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.

1 Ŋikor. 2:3

Apaki ŋin, ayai ayoŋ neni kus arae ituŋanan ŋini palag anakuryanu a ŋina apolon ka anamaran.

1 Ŋikor. 4:14

Nyekegirakinit ayoŋ iyes nu akisurumya ŋileec, nai akitatam iyes ikwa ŋidwe kaŋ ŋuluminan.

2 Ŋikor. 7:15

Aŋun, iyata amina keŋ aŋuna kus ŋapakio daadaŋ ŋuna etamunia iŋes epite ŋolo itenitotor iyes daadaŋ akipup ŋakitatameta keŋ ka epite ŋolo ijauniata iyes iŋes ikuryanito.

Ŋiep. 6:5

Ŋipi, topupete ŋikapolok kus ŋulu ka akwap a na anakuryanu ka anamaran ka kitiyata ŋun ka ainakina lopite ŋolopei itiyanakiniata iyes Kristo.

Ŋipil. 1:27

Tokona ibore ŋini epol iŋes en: itemokino akiyar kus torae ŋina itopoloorit Ŋakiro ŋuna Ajokak ŋuna a Kristo, ikotere ani kabu kori pa kabu ayoŋ aanyun iyes, eira atemar icasito iyes jik alotooma etau epei ka iyakatar akiitanit apei ŋapakio daadaŋ ŋuna imunikinitotor iyes aŋuna ka anupit Ŋakiro ŋuna Ajokak.

Ŋipil. 1:29

Anerae nyeinakina Akuj iyes apaki ŋina nupet Kristo bon, nai ikiinak tari apaki ŋina ka akisicanio aŋuna keŋ.

Ŋipil. 1:5

aŋuna ke epite a ŋolo ikimorya iyes ka ayoŋ etic ŋolo a Ŋakiro a ŋuna Ajokak, ageun akoloŋit ŋina esyaunan ŋina inupyata iyes, tari tokona.

Ŋipil. 1:6

Ayeni ayoŋ kire atemar irikakini Akuj ŋina ageikini akitiya etic ŋolo ajokan lo aneni kus Akoloŋit ŋina eboŋunio Yesu Kristo.

Ŋipil. 2:19

Egeno ayoŋ neni ke Ekapolon Yesu atemar eyakuuni Timoteo neni kus atipei, ikotere ekesimukek ayoŋ eemut ŋolo ke epite a ŋolo iyakatar iyes.

Ŋipil. 4:1

Aŋun ŋikaitotoi kaŋ ŋuluminan, ekeburit ayoŋ nooi aanyun ka iyes! Iraakasi iyes alelyan kaŋ ka ŋakiro ŋuna eturor ayoŋ. Epite ŋol itemokino torubakiniata aneni ke Ekapolon, ŋuluminan.

Ŋipil. 4:15

Iyenete iyes Ŋipilipi atemar apaki ŋina arotokinio ayoŋ alo Makedonia ŋarwa ŋuna ke ekiŋaren ŋuna alimonokinere Ŋakiro ŋuna Ajokak, amam atukot a Ŋikristo ŋina arae ekeŋarak ayoŋ mati iyes make, ŋulu ipotu omora ka ayoŋ alotooma akijaunun ka ainanakin ŋisiliŋa.

1 Ŋites. 1:3

Anerae apaki daadaŋ ŋina ilipere isua Akuj Papa, ikitamunit epite ŋolo itiyaata iyes aŋuna ka anupit kus ka epite ŋolo imunikinitotor aŋuna ka amina kus, ta epite ŋolo ititinyikinitotor aŋuna ka akigeno kus neni ke Ekapolon yok Yesu Kristo.

2 Tim. 2:10

Edaŋidaŋi ayoŋ ŋun daadaŋ aŋuna a ŋituŋa a ŋulu aseu Akuj, ikotere ikes daŋ eryamunete aiuno ŋina ebuni aneni a Yesu Kristo ka ŋina eyauni ajakaanut ŋina nyedaun.

Ŋibur. 12:1

Ikwaŋina nai ikiyakar iwon daŋ ŋisuudae ŋulu alalak, itemokino iwon ojala ibore daadaŋ ŋini ikitukuruworit iwon ka ojala asecit daadaŋ ŋina imiidikina neni yok, oema tokona ikiŋirikinit akerit ŋina eyai kiŋaren yok.

Ŋibur. 4:1

Nai tokona, adau Akuj ainakin iwon akiikinet keŋ ŋina abu itolimok iwon atemar ieŋunete. Nai aŋuna tokona eriŋaakar akiikinet ŋina ka Akuj ŋina ka alomar nakwap ŋina ka akieŋun keŋ eyai, itemokino ocoikisi, ikotere nyekuruwo ipei daŋ alokidiŋ yok alomar nakieŋun ŋin.

Ŋibur. 4:11

Ekatakisi nai tokona iwon nooi anacamit alomar nakieŋun ŋin, ikotere nyekuruwo idiotuŋanan alomar nakieŋun ŋin ikwa abunio tokuruworya ŋituŋa ŋulu koloŋ, aŋuna pa anupitotor ŋakiro ka Akuj.

Ŋibur. 5:9

Ani kituruwor iŋes ŋolo iyookino kire, abu toruwor ŋolo eyauni aiuno ŋina nyedaun neni a ŋulu daadaŋ ekerito iŋes;

1 Pet. 2:11

Ŋikaitotoi kaŋ ŋuluminan, ekemaimai ayoŋ iyes, ŋulu irae ŋigelae ka ŋikawuotok: toŋero ekibure ŋolo a ŋawat kus ŋolo itojiye etau a ŋinapaki.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.