Ŋipil. 1:9 - Ebaibul

⁹ Elipi ayoŋ Akuj kiturubak amina kus iyata jik, kaapei ka ayenut ka aosou ŋina ipedoryata atyakatyak ŋuna ajokak ka ŋuna aronok, ido

Ŋipil. 1:9 Iomraidhean Croise

Yob 17:9

Nai erubakinito ŋituŋa ŋulu iyookino imiidikina nakiyookino kec ka ikes ŋulu emam aronis itiyato, erubakinit akikinyomit kec Akuj iata jik.

Ŋikiru. 119:66

Kitatamae ayoŋ akitub ŋakiro ejok ka aosou, anerae anupit ayoŋ ŋakiciketa kon.

Ŋakit. 4:18

Nai ileere erot a ŋulu iyookino ikwaan ka alomunet a akoloŋ, ŋina ecauni iwadio iwadio akitodol ŋina ecaunia naparan ejok.

1 Ŋikor. 14:20

Ŋikaitotoi kaŋ, nyikote ŋidwe alopite a ŋolo itamyata iyes. Ipedorete iyes akitiya ikwa ŋidwe anakiro a ŋuna aronok, nai alopite a ŋolo itamyata iyes, toruworos ŋituŋa ŋulu ipakito anakiro a ŋuna ka Akuj.

2 Ŋikor. 8:7

Iyakatar iyes ŋakiro nu nooi adepar: anupit, erwor, ayenut, akiitanit akiŋarakin, ka amina kus isua; aŋun, ikicamit isua iyes torimaakiata alopite a lo daŋ a ŋolo ka amina.

Ŋiep. 5:17

Nyibaŋaaka, nai kikatakisi ayenun ŋuna ecamit Ekapolon.

Ŋikol. 1:9

Aŋun, ameun anakoloŋit a ŋina eirarere isua ŋuna itiyaete iyes, ikilipanakini isua iyes jwi jwi. Ikilipi isua neni ka Akuj ikiinak iyes aosou ka ayenut daadaŋ, ŋina ebunit aneni ke Etau keŋ, ikotere nai toyenut ejok acamit keŋ.

Ŋikol. 3:10

ka iryamut ekuwane ŋolokitete. Ekuwane ŋolokitete ŋol iŋes erubakinit Akuj akasuban keŋ itete kikwaanikinos ka iŋes, ikotere toyenuniata iyes iŋes ejok.

1 Ŋites. 3:12

Nai aŋuna kus, ikilipit isua Ekapolon atemar kiyatak amina kus ŋina imininia iyes make ka ŋina iminatar iyes ŋituŋa daadaŋ, tolalaar iŋes kikok ŋina ikiyakar isua aŋuna kus.

1 Ŋites. 4:1

Ŋuna esidyok ŋikaitotoi, ipotu iyes toyenut aneni kosi epite ŋolo itemokino iyes iboiyoto, ido kitalakasi Akuj. Kire erae epite ŋolopei ŋol sek iboiyoto iyes. Nai tokona ikilipit ka ikimaimai isua iyes alokiro ke Ekapolon Yesu, kitiyata nooi akilo tari ŋina sek.

2 Ŋites. 1:3

Ŋikaitotoi, itemokino isua olakaros neni ka Akuj ŋapakio daadaŋ aŋuna kus. Iyookino ŋun, anerae iyata anupit kus nooi ka daŋ epoloe amina ŋina iyakatar iyes alokidiŋ kus make.

Pil. 1:6

Elipi ayoŋ Akuj atemar kiyatak nooi anakimorikina yok ananupit ayenut ŋina a ŋarereŋisyo a daadaŋ a ŋuna erae ŋuna yok alotooma Kristo.

Ŋibur. 5:14

Nai erae akimuj ŋina nyamat ŋina a ŋituŋa a ŋulu apolok, a ŋulu ayenut anakitiya epite ŋolo etyaketa ŋakiro ŋuna ajokak ka ŋuna aronok.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

2 Pet. 3:18

Nai torubakisi ipoloete anajokis ka anayenut a ŋina ke Ekapolon ka Ekaiunan yok Yesu Kristo. Toyai apolou neni keŋ tokona ka ŋikaru ka ŋikaru! Amen.