Ŋipil. 1:7 - Ebaibul

⁷ Itemokino ayoŋ okatamunite iyes daadaŋ ikona, anerae akamina ayoŋ iyes nooi, ikwapei ikimorya iwon daadaŋ ainakinet ŋina adau Akuj ainakin ayoŋ, tari anapaki a na, a ŋina ayakar ayoŋ mabus ka apaki ŋina erworor ayoŋ aŋuna a Ŋakiro a ŋuna Ajokak etogogoŋit.

Ŋipil. 1:7 Iomraidhean Croise

Ŋitic. 20:23

Ŋuna ayeni ayoŋ ikes nu: eketeyenunui Etau ŋolo Asegan ayoŋ alotaunio a daadaŋ atemar ekedarit ayoŋ alomar mabus ka aryamun ŋakisicaneta.

Ŋitic. 21:33

Tolot ekapolon a ŋisigarya neni ayai Paulo, kikamu iŋes, totubu atemar toenae iŋes a ŋiriko a ŋiarei. Kiŋit nai ŋituŋa tema, “Ŋae ekile lo? Nyo itiyat iŋes?”

1 Ŋikor. 13:7

Idaŋidaŋi amina ŋakiro daadaŋ, enupit ŋakiro daadaŋ, igeno ka etitinyikinit ŋinibore daadaŋ.

1 Ŋikor. 9:23

Etiyae ayoŋ ŋun daadaŋ aŋuna a Ŋakiro a ŋuna Ajokak, ikotere oryamunia ayoŋ daŋ ŋarereŋisyo aneni kec.

2 Ŋikor. 3:2

Iyes iraakasi ŋabaruwae kosi--ikidau isua akigirakin Kristo lotai kus--ikotere daadaŋ eyenuniata ka tosyoma.

2 Ŋikor. 7:3

Nyalimunit ayoŋ nu aŋuna ka atubokinia iyes; anerae ikwapei sek alimunitor ayoŋ ekiŋaren atemar ikiminae isua iyes nooi, iŋes nai ikitamunitor isua iyes jwi jwi alotai kosi, kikiyari kori kikitwaka.

Ŋigal. 5:6

Anerae ani ikimorikina iwon ka Yesu Kristo, emam ajokis ikiryamuni iwon anakileŋeryo kori anamamukau akileŋeryo, mati ananupit bon a ŋina itoodiuna alotooma amina.

Ŋiep. 3:1

Aŋakiro a ŋun, elipit ayoŋ Akuj, ayoŋ Paulo ŋolo arae emabus aŋuna ejaanakinia Yesu Kristo aŋuna kus a ŋulu nyirae Ŋiyudayan.

Ŋiep. 4:1

Ekemaimai nai ayoŋ iyes--ayoŋ Paulo ŋolo arae emabus aŋuna ka akijaanakin Ekapolon Yesu: kiboiyoto lopite ŋolo itemokino iboiyoto ŋituŋa ŋulu enyarit Akuj aruwor ŋulu keŋ.

Ŋiep. 6:20

Tari tokona kayai mabus, eriŋa arae ekiyakia aŋuna a Ŋakiro a ŋuna Ajokak. Kilipeneneete ikotere erwor Ŋakiro ŋuna Ajokak emam akuryanu, ikwapei itemokino erworya.

Ŋipil. 1:12

Ŋikaitotoi, acamit ayoŋ iyes toyenut ebe, ŋakiro ŋuna etiyakin neni kaŋ, eŋarakis akielar Ŋakiro ŋuna Ajokak.

Ŋipil. 1:13

Eyenete ŋasigarya ŋuna ka akai a ŋina ke ekawuoikiniton ekepukan a Roma anakwap a na ka ŋuluce daŋ ŋulu eyakasi ne atemar, ayai ayoŋ mabus, anerae arae ayoŋ eketiyan ŋolo a Kristo.

Ŋipil. 1:14

Nabo eyatak ayakau kaŋ mabus lokaitotoi ŋulu alalak alotooma Kristo akikinyom Ekapolon, ido elimonokinete Ŋakiro ŋuna Ajokak etitiny ka emam akuryanu.

Ŋipil. 1:5

aŋuna ke epite a ŋolo ikimorya iyes ka ayoŋ etic ŋolo a Ŋakiro a ŋuna Ajokak, ageun akoloŋit ŋina esyaunan ŋina inupyata iyes, tari tokona.

Ŋipil. 2:22

Iyenete iyes ŋilopeyek epite ŋolo etoodiunitor iŋes etic keŋ; epite ŋolo ikitiyaa iŋes ka ayoŋ kaapei ikwa esapat ka papa keŋ aŋuna a Ŋakiro a ŋuna Ajokak.

Ŋipil. 4:14

Nai ipotu iyes kitiyata ejok ikiŋarakis ayoŋ anatyokisyo kaŋ.

Ŋipil. 4:15

Iyenete iyes Ŋipilipi atemar apaki ŋina arotokinio ayoŋ alo Makedonia ŋarwa ŋuna ke ekiŋaren ŋuna alimonokinere Ŋakiro ŋuna Ajokak, amam atukot a Ŋikristo ŋina arae ekeŋarak ayoŋ mati iyes make, ŋulu ipotu omora ka ayoŋ alotooma akijaunun ka ainanakin ŋisiliŋa.

Ŋipil. 4:3

Acamit ayoŋ iyoŋ daŋ Sisipo ŋolo irae erukitos kaŋ ananupit, kiŋarak ŋaberu ŋun; anerae ikitiya ayoŋ ka ikes ka agogoŋu nooi akisera Ŋakiro ŋuna Ajokak, kaapei ka Kilement ka ŋuluce daadaŋ ŋulu ikitiyae ka ayoŋ, ŋulu igiritae ŋirorwa kec Lokitaabo ŋolo ka Akiyar.

Ŋikol. 4:18

Ayoŋ Paulo egirit ŋimalasyo lu ka akan kaŋ ke elope. Nyikimuryak iyes aenonu kaŋ alomabus. Toyai neni kus ajokis ŋina ka Akuj.

Ŋikol. 4:3

Kilipeneneete aŋuna kosi daŋ, ikotere ikiinakini Akuj isua apaki ŋina ajokan ŋina limonokinet ŋakiro ŋuna imunono, ŋuna erae ŋakiro a Kristo, ŋuna erae ikes pei ayakar ayoŋ mabus.

1 Ŋites. 5:5

Anerae irae iyes daadaŋ ŋituŋa ŋulu ka akica ka ŋulu ka apaaran; meere iwon ŋituŋa ŋulu ka akuwar kori ŋulu ka akiryonut.

2 Tim. 1:8

Kiurya nyikirumito ŋileec aŋuna ka akisera ŋakiro ŋuna ke Ekapolon yok kori aŋuna kaŋ, a ŋolo arae emabus aŋuna a Kristo. Nai todaŋ ŋican aŋuna a Ŋakiro a ŋuna Ajokak, lopite ŋolo ikiinakinitor Akuj iyoŋ agogoŋu akitiya ŋun.

2 Tim. 2:9

Aŋuna alimonokinia ayoŋ Ŋakiro ŋuna Ajokak, aryamunit ŋican ka akaenitae a ŋiriko ikwa ekeworon. Nai nyeenitae akirot ŋina ka Akuj.

Pil. 1:13

Acamit sek ayoŋ akisidoŋ iŋes oruko ka ayoŋ a ne, ikotere ekeŋarakini ayoŋ, akilo iyoŋ akiŋarakin ayoŋ apaki na ŋina ayakar mabus aŋuna a Ŋakiro a ŋuna Ajokak.

Ŋibur. 3:1

Ŋikaitotoi ŋulu adau Akuj anyarare, ŋulu iraakasi ŋulu keŋ! Totamatamata ŋuna a Yesu a ŋolo erae ekiyakia ŋolo ka Akuj ka erae Esacaradoti ŋolo Apolon nooi ŋolo ka anupit yok.

1 Pet. 4:13

Nai itemokino iyes tolakara aŋuna imoryata ŋican ŋulu a Kristo, ikotere nai iruworosi ŋulu ileleba alelyan apaki ŋina isileereunere apolou keŋ.

1 Pet. 5:1

Ŋikatukok, ayoŋ ŋolopei arae ekatukon, ŋolo arae esuuda a ŋican a Kristo, ŋolo alosi aryamun atyaket anapolou a ŋina itoodiunio: ekelipit iyes!

2 Pet. 1:13

Atami ayoŋ atemar itemokino ayoŋ akitatamunit iyes ŋakiro ŋun eriŋa ayari.

1 Yoa. 3:14

Ikiyeni iwon atemar ikilunyar iwon anatwanare ka ikiloma nakiyar, anerae ikimina iwon ŋikaitotoi yok. Ŋini nyemina, erubakini eyai natwanare.