Ŋipil. 1:6 - Ebaibul

⁶ Ayeni ayoŋ kire atemar irikakini Akuj ŋina ageikini akitiya etic ŋolo ajokan lo aneni kus Akoloŋit ŋina eboŋunio Yesu Kristo.

Ŋipil. 1:6 Iomraidhean Croise

Ŋikiru. 138:8

Isiyoonokini Ekapolon acamit keŋ aneni kaŋ. Okoe Ekapolon, erubakini amina kon ŋina nyiryaŋiryaŋa ŋikaru ka ŋikaru. Nyimek ŋituŋa kon ŋulu ibu iyoŋ tosub.

Yoa. 6:29

Toboŋok nai Yesu ikes tema, “Etic ŋolo ka Akuj iŋes lo: itemokino tonupa ŋolo iyakuunit iŋes.”

Ŋitic. 11:18

Ani iirarete ikes ŋun, tojoŋoto apega. Kipuro Akuj temasi, “Ainaki nai Akuj ŋulu nyerae Ŋiyudayan daŋ apaki ŋina ekiyata, toyara!”

Ŋitic. 16:14

Apei alokidiŋ ŋuna ikipupete isua, arae aberu ŋina anyaritae Lidia ŋina alotaun a ŋolo a Tyatira, ŋina agyelanari ŋilowi ŋulu kipura areŋak. Arae iŋes aberu ŋina ainakina neni ka Akuj. Abu Ekapolon toŋaa etau keŋ akiirar tocamu ŋakiro ŋuna erworo Paulo.

1 Ŋikor. 1:8

Erubakini iŋes ikitogogoŋit iyes ananupit kus tari nasalunet, ikotere itoryamun iyes emam ŋuna ikisitakinere Akoloŋit ŋina ke Ekapolon yok Yesu Kristo.

2 Ŋikor. 1:15

Aŋuna ayenia ayoŋ nooi ŋuna alosikinit, iŋes acamitor abunore mono neni kus, ikotere toryamut arereŋu ace nabo.

2 Ŋikor. 2:3

Iŋes nai abunio ayoŋ egiria abaruwa ŋin neni kus. Pa acamit ayoŋ abunore neni kus, ido ekesiyaloloŋ ayoŋ ŋituŋa ŋulupei etemokino eketalakasi ayoŋ. Anerae acamunit kire ayoŋ atemar, ani alakara ayoŋ, iŋes atemar ilakara iyes daadaŋ.

2 Ŋikor. 7:16

Alelyani ayoŋ nooi, anerae ekekinyomit ayoŋ iyes nooi!

2 Ŋikor. 9:4

Ani nai kikipotu isua ka ŋituŋa ŋulu a Makedonia, ido ikiryamun iyes pa itenito, ikirumete isua ŋileec--nyikilimuni nai ŋuna a ŋileec kus a ŋilopeyek--anerae ikikinyomitae sek isua iyes!

Ŋigal. 5:10

Alotooma Ekapolon, ekekinyomit ayoŋ iyes, nyiyakaunotor ŋatameta ŋace. Nai ituŋanan daadaŋ ŋini ikibatarit iyes, tari kerae iŋes ŋae, etubokini Akuj iŋes a ŋun.

Ŋiep. 4:12

Abu iŋes kitiya ŋun aŋuna ka akitemonokin ŋituŋa ŋulu ka Akuj daadaŋ aŋuna ke etic a ŋolo a Ŋikristo, ikotere itopolooto atukot a Ŋikristo, ŋina erae akuwan a Kristo

Ŋipil. 1:10

topedosi nai acamun ibore ŋini ajokan nooi; ikotere toruworos ŋulu isegak alotai, tomam aronis adio daŋ, Akoloŋit ŋina eboŋunio Kristo.

Ŋipil. 1:29

Anerae nyeinakina Akuj iyes apaki ŋina nupet Kristo bon, nai ikiinak tari apaki ŋina ka akisicanio aŋuna keŋ.

Ŋipil. 2:12

Aŋun, ŋikaitotoi kaŋ ŋuluminan, ikwapei jwi jwi iwuapitotor iyes ŋakiro kaŋ paaran apaki ŋina ikirukitor iwon, ejok nabo nooi iyes akiwuap ŋakiro kaŋ tari apaki ŋina alwania ayoŋ aneni kus. Torubakisi itiyaete alokabule ka anakerit Akuj aŋuna ka aiuno kus,

Ŋipil. 2:13

anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.

Ŋipil. 2:16

ikwapei iricitotor iyes ŋakiro ŋuna ka akiyar. Ani kitiyata iyes ikoŋina, aryamuni ayoŋ ŋakiro ŋuna eturokinor aŋuna kus Akoloŋit ŋina a Kristo, anerae itoodiuni neni ebe abu ayoŋ nyecanican agogoŋu ka etic kaŋ.

Ŋikol. 2:12

Anerae apaki ŋina ikibatisaere iyes, aponi itonuki iyes ka Kristo ka alobatisimu a ŋolopei, aponi ikiteyarun iyes ka Kristo aŋuna ka anupit kus a ŋina iyakatar iyes anapedor a ŋina ka Akuj, a ŋina abu kiteyaru Kristo alokatwak.

1 Ŋites. 1:3

Anerae apaki daadaŋ ŋina ilipere isua Akuj Papa, ikitamunit epite ŋolo itiyaata iyes aŋuna ka anupit kus ka epite ŋolo imunikinitotor aŋuna ka amina kus, ta epite ŋolo ititinyikinitotor aŋuna ka akigeno kus neni ke Ekapolon yok Yesu Kristo.

2 Ŋites. 1:11

Ŋakiro ŋun iŋes ikilipanakinia isua iyes jwi jwi, ikotere ikituruwo iyes Akuj ŋulu iyookino anakiyar a ŋina ikinyarak iŋes iyes. Ikilipit isua Akuj anapedor keŋ, atemar kirikak iŋes ŋuna ajokak daadaŋ ŋuna icamito iyes akitiya ka daŋ kirikak etic kus ŋolo itiyaete iyes ananupit.

2 Ŋites. 3:4

Ikikinyomit isua Ekapolon aŋuna kus atemar itiyaete ka irubakinete itiyaete ŋuna adaun isua akicikakin iyes.

Pil. 1:21

Ekegirakinit ayoŋ iyoŋ abaruwa, anerae ayeni atemar iwuapi iyoŋ ŋakiro ŋuna akalimokini ayoŋ iyoŋ--ka itiyakini tari ŋuna iloito ŋun.

Ŋibur. 10:35

Aŋun, nyijamakis atitinyikinit kus ŋina ikiteryamuni iyes eropit ŋolo apolon.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.

2 Pet. 3:10

Ebuni nai Akoloŋit ŋina ke Ekapolon ikwa ekokolan. Akoloŋit ŋin, eŋopiyari nakuj irurumae, itupuripuryaryo ka inyasunio ŋiboorei ŋulu anakuj ka enomiyari akwap ka ŋiboro daadaŋ ŋulu eya neni keŋ.