Ŋipil. 1:27 - Ebaibul

²⁷ Tokona ibore ŋini epol iŋes en: itemokino akiyar kus torae ŋina itopoloorit Ŋakiro ŋuna Ajokak ŋuna a Kristo, ikotere ani kabu kori pa kabu ayoŋ aanyun iyes, eira atemar icasito iyes jik alotooma etau epei ka iyakatar akiitanit apei ŋapakio daadaŋ ŋuna imunikinitotor iyes aŋuna ka anupit Ŋakiro ŋuna Ajokak.

Ŋipil. 1:27 Iomraidhean Croise

1 Ŋakiro a ŋirwa 19:12

Tema Yoab, “Ani kegogoŋioto Ŋiarameani akilo ayoŋ, emaikina iyoŋ ibu akiŋarakin ayoŋ; nai ani kegogoŋioto Ŋiamoni akilo iyoŋ, abuni ayoŋ akiŋarakin iyoŋ.

Ŋikiru. 122:3

Edukitoe Yerusalem egogoŋ nooi erae etaun ŋolo epedorete ŋituŋa daadaŋ acunakin tooma keŋ.

Ŋikiru. 133:1

Ejok nooi ka ikinirari ekiboiye a ŋituŋa a ŋulu ka Akuj anakimorikina.

Ŋakit. 22:23

Ekapolon iŋes emaikina totub ŋakiro a ituŋanan a ŋini emam epite ŋolo eiunor bon; ido elemari Ekapolon akiyar a ŋini ecamit alemar akiyar a ituŋanan a ŋini emam epite ŋolo eiunor bon.

Yer. 32:39

Ainakini ayoŋ ikes etau epei ka epite epei, ikotere eketopoloorito ikes ayoŋ ŋapakio daadaŋ aŋuna ka ajokis kec ka ajokis a ŋidwe kec ekaku kec.

Mat. 12:25

Ikwaŋina ayenia Yesu ŋuna atamete ikes, tolimok ikes tema, “Apukan ŋina nyimorikina ŋituŋa keŋ, nyerubakini; etaun kori ekal ŋolo etyakatyakatar ŋituŋa, nyicasi.

Ŋitic. 2:46

A ŋinakoloŋit, apotu ikes torubakis iryamunun kaapei Kai ka Akuj, akimuj kaapei ka akinumunum Akimuj ŋina ke Ekapolon alorerya kec. Amorete ikes akimuj ka alelyan ka arimao;

Ŋitic. 24:24

Ani kelunyar ŋirwa ŋice, potu Pelekis ka Drusila aberu keŋ ŋina arae Ayudayat; kiyakiya iŋes akirot atemar tonyarae Paulo. Apotu ikes topupokis iŋes irworo ŋuna ka anupit Yesu Kristo.

Ŋitic. 4:32

Arae atukot ŋina a ŋikanupak ŋina atami ka anupit ŋakiro ŋapei. Amam tari idio ŋini abala arae ŋiboro keŋ ŋulu keŋ ke elope, nai amorete ikes ŋiboro daadaŋ ŋulu ayakatar.

Ŋirom. 1:16

Anerae nyekerumito ayoŋ ŋileec aŋuna a Ŋakiro a ŋuna Ajokak: erae ikes apedor ŋina ka Akuj ŋina eiunia ituŋanan daadaŋ, ŋini eyakar anupit, Ŋiyudayan mono, ido nai ŋulu nyerae Ŋiyudayan.

Ŋirom. 1:5

Akainaki Akuj ayoŋ arereŋu aneni a Yesu Kristo; arereŋu ŋina ruworet ekiyakia, ikotere etunupya ka esiwuapya ŋituŋa a ŋakwapin a daadaŋ ŋakiro keŋ, ido kitopolooroe ekiro a Kristo.

Ŋirom. 1:9

Eyeni Akuj atemar ŋuna erworo ayoŋ erae ŋuna a kire--Akuj ŋina etiyanakini ayoŋ a ekaatau a daadaŋ analimonokin Ŋakiro ŋuna Ajokak ŋuna a Lokoku keŋ. Eyeni Akuj atemar akatamunit ayoŋ iyes,

Ŋirom. 10:8

Ŋuna irworosi Ŋakigireta ikes nu: “Eapiyete ŋakiro ŋuna ka Akuj aneni kon, alopon kon ka alotau kon” -- ikes ŋuna ka anupit a ŋina ikilimonokini isua.

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

Ŋirom. 15:29

Ayeni ayoŋ atemar apaki ŋina abunio ayoŋ neni kus, ayauni ŋarereŋisyo aŋuna a Kristo, ido omora.

1 Ŋikor. 1:10

Ŋikaitotoi kaŋ! Ekemaimai ayoŋ iyes alokiro a Ekapolon yok Yesu Kristo, atemar tocamunos make alorwor kus tomam atyakatyaka alokidiŋ kus, nai toraakas ŋulu imorikina anatameta ka ananupit kus.

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.

2 Ŋikor. 13:11

Ŋuna isidiyete ŋikaitotoi, ikianyun! Kitogogoŋo ŋitai kus. Kitatamas make; tocamununos make; kiboiyoto a ekisil. Toyai neni kus Akuj ŋina ka amina ka ekisil.

2 Ŋikor. 4:4

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.

2 Ŋikor. 9:13

Itoodiuni etic kus ŋol akiyar kus a Ŋikristo ka epote ŋituŋa ŋulu alalak akipuro Akuj aŋuna ke epite a ŋolo ilimoritotor ka iwuapitotor iyes Ŋakiro ŋuna Ajokak ŋuna a Kristo, ŋuna iseraete iyes. Ipurete daŋ ikes Akuj aŋuna imoryata iyes ka ikes ta ŋikanupak ŋuluce daadaŋ ibore ŋini iyakatar iyes.

Ŋigal. 1:7

Nai kire, emam Ŋakiro “Ŋuna Ajokak ŋace;” ŋituŋa ŋice bon ŋulu ikicanito iyes eyakasi, ŋulu ikatakinito akijulakin Ŋakiro ŋuna Ajokak ŋuna a Kristo.

Ŋiep. 1:13

Ipotu iyes daŋ toruworos ŋituŋa ŋulu ka Akuj apaki ŋina iiraryata ŋakiro ŋuna a kire, Ŋakiro ŋuna Ajokak ŋuna apotu yaut aiuno neni kus. Ipotu iyes tonupa neni a Kristo ka abu Akuj ikiinak iyes Etau ŋolo Asegan ŋolo aris iŋes kikiik iyes; abu Etau ŋol kikok aneni kus emacar keŋ ŋolo itoodiunit atemar irae ŋulu keŋ.

Ŋiep. 1:15

Aŋuna a ŋakiro a ŋun ka aŋuna adaunia ayoŋ akiirar anupit kus neni ke Ekapolon Yesu, ka amina ŋina iyakatar iyes aŋuna a ŋituŋa a ŋulu ka Akuj a daadaŋ,

Ŋiep. 4:1

Ekemaimai nai ayoŋ iyes--ayoŋ Paulo ŋolo arae emabus aŋuna ka akijaanakin Ekapolon Yesu: kiboiyoto lopite ŋolo itemokino iboiyoto ŋituŋa ŋulu enyarit Akuj aruwor ŋulu keŋ.

Ŋipil. 1:5

aŋuna ke epite a ŋolo ikimorya iyes ka ayoŋ etic ŋolo a Ŋakiro a ŋuna Ajokak, ageun akoloŋit ŋina esyaunan ŋina inupyata iyes, tari tokona.

Ŋipil. 2:12

Aŋun, ŋikaitotoi kaŋ ŋuluminan, ikwapei jwi jwi iwuapitotor iyes ŋakiro kaŋ paaran apaki ŋina ikirukitor iwon, ejok nabo nooi iyes akiwuap ŋakiro kaŋ tari apaki ŋina alwania ayoŋ aneni kus. Torubakisi itiyaete alokabule ka anakerit Akuj aŋuna ka aiuno kus,

Ŋipil. 2:24

Nai ekinyomit ayoŋ Ekapolon atemar apedori ayoŋ daŋ elope adolun neni kus atipei.

Ŋipil. 3:18

Anerae ikwapei akalimokinitor ayoŋ iyes ŋapakio ŋuna alalak, alimuni nabo tokona eyaloloŋi tari anakigworo, elalak ŋulu etoodiu akiyar kec atemar erae ikes ŋimoi ŋulu ke emusalaba a Kristo.

Ŋipil. 3:20

Nai ikirae iwon ŋituŋa ŋulu anakuj ka idaritae Ekaiunan, Ekapolon Yesu Kristo abunore anakuj.

Ŋipil. 4:1

Aŋun ŋikaitotoi kaŋ ŋuluminan, ekeburit ayoŋ nooi aanyun ka iyes! Iraakasi iyes alelyan kaŋ ka ŋakiro ŋuna eturor ayoŋ. Epite ŋol itemokino torubakiniata aneni ke Ekapolon, ŋuluminan.

Ŋikol. 1:10

Aŋun, ipedorete nai iyes akiyar alopite a ŋolo itopolooritotor Ekapolon ka ŋolo italakarit iŋes anakiro a daadaŋ. Eyauni akiyar kus arait ŋina erae ŋiticisyo ŋulu ajokak ka iyatakin ayenut kus Akuj.

Ŋikol. 1:4

Anerae ikiira isua ŋuna ka anupit kus neni a Yesu Kristo ka ŋuna ka amina a ŋina iyakatar iyes aŋuna a ŋituŋa a ŋulu ka Akuj a daadaŋ.

1 Ŋites. 3:6

Nai tokona, aboŋu Timoteo aneni kus, ikilimok iŋes isua ŋakiro ŋuna ka alakara ŋuna ka anupit ka ŋuna ka amina kus. Ikilimok iŋes isua atemar ikitamunito iyes isua jwi jwi ka alakara; nabo ikiburakinit iyes aanyun ka isua lopite ŋolopei ikiburakinitor isua daŋ aanyun ka iyes.

1 Ŋites. 4:1

Ŋuna esidyok ŋikaitotoi, ipotu iyes toyenut aneni kosi epite ŋolo itemokino iyes iboiyoto, ido kitalakasi Akuj. Kire erae epite ŋolopei ŋol sek iboiyoto iyes. Nai tokona ikilipit ka ikimaimai isua iyes alokiro ke Ekapolon Yesu, kitiyata nooi akilo tari ŋina sek.

1 Tim. 1:11

Emaasi akitatamet ŋin ka Ŋakiro ŋuna Ajokak ŋuna aponi ekecikakin ayoŋ akisera, Ŋakiro ŋuna Ajokak ŋuna elimorito apolou ŋina ka Akuj a ŋina erereŋ.

1 Tim. 1:19

ido torubak irae ŋolo inupit ka ŋolo ecayete ŋatameta. Aŋero ŋituŋa ŋice akipup ŋuna ecayete anatameta kec, tosodi enyasut anupit kec.

2 Tim. 4:7

Adau ayoŋ ajore ejiye ŋolo ajokan ŋolo ka anupit, aŋetak ayoŋ akerit ŋina ka anupit ka eric ayoŋ anupit kaŋ Kristo.

Tito 2:10

kori nyekokoyete aneni kec. Akilo, itemokino ikes kitoodiunito atemar ejokak ka ikinyoma ikes jwi jwi, ikotere itopoloorete ikes akitatam ŋina ka Akuj a ŋina erae Akaiunan yok, anibore a daadaŋ a ŋini itiyaete ikes.

Pil. 1:5

Anerae apupi ayoŋ ŋuna ka amina ka anupit kon Ekapolon Yesu ka ŋituŋa ŋulu ka Akuj daadaŋ.

Yak. 3:18

Ŋina itiyaata ŋulu esisilak aŋuna ke ekisil, eekinete ikes ŋikinyom ŋulu erayete akiyookino.

2 Pet. 3:11

Ikwapei inyasunere ŋiboro lu daadaŋ alopite a lo, nyo nai itiyakin neni kus? Itemokino akiyar kus torae ŋina ajokan ŋina ecamit Akuj.

2 Pet. 3:14

Aŋun ŋikaakonei ŋuluminan, ani idarito Akoloŋit ŋin, kitiyata ka agogoŋu tomam adioronis alokiŋaren Akuj, ikotere ikiryamun isilito ka iŋes.

Yud. 1:3

Ŋikaitotoi ŋulu minan, ikwaŋina acamitor ayoŋ akigir neni kus aŋuna ka aiuno a ŋina ikimori iwon, abu oanyu atemar itemokino egir anakilipit iyes tojioto aŋuna ka anupit a ŋina abu Akuj inak ŋituŋa keŋ apeiinakinet kirikakin.