Ŋipil. 1:20 - Ebaibul

²⁰ eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.

Ŋipil. 1:20 Iomraidhean Croise

Ŋikiru. 119:116

kitogogoŋoi ayoŋ alotooma akiikinet kon, ido oyar; nyikicamak ayoŋ ekesurumyo ŋileec anakigeno kaŋ.

Ŋikiru. 119:80

Elipi tomam ŋuna eketoroniyaritere ayoŋ alotooma ŋakiro ŋuna itubunit iyoŋ, ikotere ayoŋ nyekesurumi ŋileec.

Ŋikiru. 25:2

Okoe Akuj kaŋ, neni kon iŋes ekinyomit ayoŋ; nyikimyek ayoŋ ekesirumyo ŋileec; nyicamak ŋimoe kaŋ ekelout ayoŋ.

Ŋikiru. 62:5

Akuj bon edarit ayoŋ atitinyikinit, anerae neni keŋ aryamunitor ayoŋ aiuno.

Ŋakit. 10:28

Eai akigeno ituŋanan ŋini ajokan nalelyanu, nai eruwor akiitanit a ituŋanan a ŋini aronon akoŋinait.

Ŋakit. 23:18

Kire jik eyai akiyar kon ŋina alokiŋaren erae ŋina ejok, emam ibore ikitojoŋoe iyoŋ ayakau ka akigeno.

Isa. 45:17

Nai eiuni Ekapolon Ŋisirael alotooma aiuno ŋina a ŋikaru ka ŋikaru; nyikisurumyo iyes ŋileec, kori nyikisiguryakinio iyes ŋikaru ka ŋikaru.”

Isa. 50:7

Ekeŋarakinit Ekapolon Akuj ayoŋ; aŋun, emam ajokis alemar aneni kaŋ, aŋun, emam akuryanu eyai loreet kaŋ, ido ayeni ayoŋ atemar nyekesurumyo ayoŋ ŋileec,

Isa. 54:4

Nyikuryaketa, anerae nyikisirumyo iyes ŋileec nyikikadanak, anerae nyikijamuwaryo iyes. Nyitamunete nabo iyes ŋileec ŋulu iyakatar iyes eriŋa isorokaka, nyitamunete nabo iyes ŋiyany ŋulu iboiyoto iyes isibito ŋapuseru.

Yoa. 21:19

(Alimuni Yesu ŋakiro ŋun kitoodiunia epite ŋolo ebunio Petero atwanare, ido kitopoloo Akuj.) Ani kedau alimun ŋun, tolimok Petero tema, “Kiwuapakinae ayoŋ.”

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋitic. 21:13

Tema nai Paulo, “Nyo itiyaete iyes igworotor ikona ka ikiteryebiata ayoŋ etau kaŋ? Atenit ayoŋ aeno alo Yerusalem; meere ŋun bon, nai atenit atwanare daŋ aina aŋuna ke ekiro ke Ekapolon Yesu.”

Ŋitic. 4:31

Ani irikakinete ikes akilip, tomaranik akibois ŋina elipyata ikes, kilelebikin ikes daadaŋ Etau ŋolo Asegan, kiserata ŋakiro ŋuna ka Akuj ka atitinyu.

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 5:5

Nyikitakadanakini iwon akigeno na, anerae elelebik Akuj amina keŋ lotai yok aneni ke Etau a ŋolo Asegan, a ŋolo erae ainakinet ŋina ka Akuj neni yok.

Ŋirom. 6:13

Nyijalakis ediokineri kus neni ka asecit, ikotere nyisitiyae ikwa ibore ŋini ejiyere alowae a ŋolo ka aronis. Nai inakisi ŋakusiwat neni ka Akuj ikwa ŋuna eteyarun alokatwak nakiyar ŋina kitete. Tojalakisi ŋinerin kus daadaŋ neni ka Akuj, ikotere kisitiya ikwa ŋiboro ŋulu ejiyere alowae a ŋolo ka akiyookino.

Ŋirom. 6:19

(Erworo ayoŋ alopite a ŋolo irworotor ŋituŋa ikotere epataniar iyes ayenun ŋakiro kaŋ, anerae ipalag iyes anatameta.) Koloŋ sek ipotu iyes tojala ŋawat kus toruworos ŋipi ŋulu a ŋuna nyesegak ka ŋuna aronok aŋuna ka akitiya ŋuna nyiyookino alokiŋaren Akuj. Ikwaŋinapei, itemokino tokona iyes tojala ŋawat kus toruworos ŋipi ŋulu ka akiyookino, kitiyata ŋuna ka akiyookino alokiŋaren Akuj.

Ŋirom. 8:19

Idarito nooi ŋisubuna daadaŋ apaki ŋina iseleereunio Akuj ŋidwe keŋ.

Ŋirom. 9:33

Amoru ŋin iŋes ŋina irworo Akuj alotooma Ŋakigireta ebe, “Kiŋolikisi, ewuakini ayoŋ neni a Sion amoru ŋina iguwanakini ŋituŋa, ataaba ŋina ibusonokini ikes. Nai ituŋanan ŋini enupi neni ka Akuj, nyirumete ŋileec jik.”

1 Ŋikor. 15:31

Ŋikaitotoi kaŋ, eyai atwanare kiŋaren kaŋ jwi jwi! Erae nu ŋuna a kire lopite ŋolo eturor ayoŋ aŋuna kus anakimorikina yok ka Yesu Kristo Ekapolon.

1 Ŋikor. 6:20

Anerae adau Akuj akigyel iyes a egyelit; aŋun nai, kisitiyata ŋawat kus aŋuna ka akitopolooritor Akuj.

1 Ŋikor. 7:34

aŋun, iriyarito iŋes ŋirotin ŋiarei. Aberu ŋina nyiitit kori apese ŋina nyiryamakina ka ekile emitakinit etic ŋolo ke Ekapolon, anerae ecamit iŋes ainakin akuwan ka etau keŋ daŋ neni ke Ekapolon. Nai aberu ŋina iitit, emitakinit ŋiboro ŋulu ka akwap a na, anerae ecamit iŋes akitalakar lokile keŋ.

2 Ŋikor. 10:8

Anerae nyekerumito ayoŋ ŋileec, tari keturokina ayoŋ nooi aŋuna ka apolou a ŋina ikiinak Ekapolon isua adukunio iyes, nai meere akielielaar iyes.

2 Ŋikor. 3:12

Aŋuna ikiyakar isua akigeno na ŋina apolon, ikirworo emam akuryanu.

2 Ŋikor. 4:10

Ŋapakio daadaŋ iwokitae isua atwanare a Yesu anawat kosi, ikotere itoodiunere akiyar a Yesu anawat kosi daŋ.

2 Ŋikor. 5:15

Abu iŋes totwan aŋuna a daadaŋ, ikotere ŋulu eyarete tojoŋoto akiyar aŋuna kec make, nai toyara aŋuna a ŋolo atwani ka kiteyarunae aŋuna kec.

2 Ŋikor. 7:14

Eturo ayoŋ aŋuna kus alokiŋaren keŋ ka nyekerumito ayoŋ ŋileec a ŋun. Nai ikwapei ikirworor isua ŋuna a kire jwi jwi neni kus, erae akituro ŋina ikitoodiunit isua aŋuna kus alokiŋaren Tito ŋina iyookino.

2 Ŋikor. 7:4

Ekekinyomit ayoŋ iyes nooi, eketuror ayoŋ iyes nooi; ileleba neni kaŋ atitinyu nooi ka alocan yok a daadaŋ, ilapara aneni kaŋ alelyan.

Ŋipil. 1:14

Nabo eyatak ayakau kaŋ mabus lokaitotoi ŋulu alalak alotooma Kristo akikinyom Ekapolon, ido elimonokinete Ŋakiro ŋuna Ajokak etitiny ka emam akuryanu.

Ŋipil. 2:17

Nai tari erae kainak akiyar kaŋ ikwa amuronot, kiyatakinae namuronot kus, ŋina erae anupit kus; alakari ayoŋ ka ikimori alelyan kus.

Ŋikol. 1:24

Tokona, alakara ayoŋ aŋuna a ŋican a ŋulu aryamunit ayoŋ aŋuna kus, anerae alotooma ŋican ŋulu ka akuwan kaŋ, eŋarakinit ayoŋ akirikakin ŋuna ariŋa nyirikakina alocan a Kristo aŋuna a Ŋikristo, a ŋulu eraakasi akuwan keŋ.

1 Ŋites. 5:23

Ikimaimai Akuj ŋina erae alope ekisil ikituruwo iyes ŋulu ikwaan ka iŋes alopitesyo a daadaŋ ka ikiyokite iyes daadaŋ alotai, anakiyar ka anawat tomam ŋakiro ŋuna aronok jik akitodol Akoloŋit ŋina eboŋunio Ekapolon yok Yesu Kristo.

1 Pet. 4:16

Ani kiryamut iyes ŋican aŋuna iraakatar Ŋikristo, nyitemokino ikiruma ŋileec, nai kitalakasi Akuj, anerae ikinyaritae iyes a ekiro a Kristo.

1 Yoa. 2:28

Ŋidwe ŋuluminan, kiboiyoto alotooma Kristo, ikotere ani etakanuni iŋes, oyakatar iwon atitinyu ŋina nyikirumiata iwon ŋileec apaki ŋina etakanunia iŋes.