Ŋipil. 1:13 - Ebaibul

¹³ Eyenete ŋasigarya ŋuna ka akai a ŋina ke ekawuoikiniton ekepukan a Roma anakwap a na ka ŋuluce daŋ ŋulu eyakasi ne atemar, ayai ayoŋ mabus, anerae arae ayoŋ eketiyan ŋolo a Kristo.

Ŋipil. 1:13 Iomraidhean Croise

Ŋitic. 26:29

Tema Paulo, “Kerae ŋuna alalak kori ŋuna ekudyoko, elipit ayoŋ Akuj atemar meere ayoŋ bon anupi Kristo, nai tari daadaŋ ŋulu epupete ŋakiro kaŋ nakoloŋit na, itemokino ikes kikokis ayoŋ--alemar nyitemokino toenae!”

Ŋitic. 26:31

torotokis kirworikinos make temasi, “Emam ŋakiro itiyat ekile lo, ŋuna itemokino toarere kori kiwuakinere mabus.”

Ŋitic. 28:17

Ani kelunyarosi ŋirwa ŋiuni, tonyarau Paulo ŋikarikok ŋulu a Ŋiyudayan a nen aponare neni keŋ. Ani ketukokinosi ikes, kirworik iŋes tema, “Ŋikaitotoi ŋulu ka akwap kaŋ! Tari kemam ibore etiyat ayoŋ ŋini ka aremokino ŋituŋa yok kori ŋitalyo ŋulu koloŋ ikiesikiniata atapapaa yok iwon, aponi eketuruwor ayoŋ emabus alo Yerusalem ka ekepotokin neni a Ŋiromanin.

Ŋitic. 28:20

Erae nai ŋakiro ŋun abunio ayoŋ eŋitaki aanyun iyes ka akirwor ka iyes, ikwapei eraakar ŋakiro ŋuna igenosi Ŋisirael, ikes akarocitere ayoŋ a ŋiriko a lu.”

Ŋitic. 28:30

Kiboi Paulo ŋikaru ŋiarei alokai a ŋina atacenene iŋes, kijaununuye ŋulu daadaŋ aponeneete aanyunun iŋes.

Ŋiep. 3:1

Aŋakiro a ŋun, elipit ayoŋ Akuj, ayoŋ Paulo ŋolo arae emabus aŋuna ejaanakinia Yesu Kristo aŋuna kus a ŋulu nyirae Ŋiyudayan.

Ŋiep. 4:1

Ekemaimai nai ayoŋ iyes--ayoŋ Paulo ŋolo arae emabus aŋuna ka akijaanakin Ekapolon Yesu: kiboiyoto lopite ŋolo itemokino iboiyoto ŋituŋa ŋulu enyarit Akuj aruwor ŋulu keŋ.

Ŋiep. 6:20

Tari tokona kayai mabus, eriŋa arae ekiyakia aŋuna a Ŋakiro a ŋuna Ajokak. Kilipeneneete ikotere erwor Ŋakiro ŋuna Ajokak emam akuryanu, ikwapei itemokino erworya.

Ŋipil. 1:30

Ido tokona ikimunikinit iwon kaapei aŋuna a Ŋakiro a ŋuna Ajokak, lopite ŋolopei iponiata iyes ikiŋolikiniata ayoŋ amunikinit ka ŋolopei amunikinitor ayoŋ tokona, ikwapei ipupyoto.

Ŋipil. 1:7

Itemokino ayoŋ okatamunite iyes daadaŋ ikona, anerae akamina ayoŋ iyes nooi, ikwapei ikimorya iwon daadaŋ ainakinet ŋina adau Akuj ainakin ayoŋ, tari anapaki a na, a ŋina ayakar ayoŋ mabus ka apaki ŋina erworor ayoŋ aŋuna a Ŋakiro a ŋuna Ajokak etogogoŋit.

Ŋipil. 4:22

Ikimalaete iyes nooi ŋituŋa ŋulu ka Akuj daadaŋ ŋulu eyakasi ne, akilo nooi ŋulu ke ekal ke Ekepukan a Roma.

2 Tim. 2:9

Aŋuna alimonokinia ayoŋ Ŋakiro ŋuna Ajokak, aryamunit ŋican ka akaenitae a ŋiriko ikwa ekeworon. Nai nyeenitae akirot ŋina ka Akuj.