Ŋipil. 1:1 - Ebaibul

¹ Ayoŋ Paulo ka Timoteo ŋiketiyak ŋulu a Yesu Kristo, ikigirit abaruwa na neni a ŋituŋa a daadaŋ a ŋulu ka Akuj alo Pilipi, a ŋulu imorikina ka Yesu Kristo ka neni a ŋibicopyo a ŋatukon a Ŋikristo ta ŋikeŋarakinitok kec.

Ŋipil. 1:1 Iomraidhean Croise

Mar. 13:34

Ikoni apaki ŋin ituŋanan ŋini anyouni alore keŋ, tolot iwace, kimyek ekeere, inak ŋiketiyak keŋ apedor, ŋoloketiyan ekeetic. Kicikak eketen ekidor akikieny apaki daadaŋ.

Yoa. 12:26

Ŋini itiyae etic kaŋ, itemokino ekewuapak ayoŋ; neni ayai ayoŋ, itemokino toyai iŋes daŋ; ŋini eruwor eketiyan kaŋ, ebuni Papa akitopoloor iŋes.

Ŋitic. 1:20

“Anerae igiritae lokitaabo ŋolo a Ŋieosyo ebe: ‘Kipasakin akai keŋ koŋin; nyeloma ituŋanan idio akiboi tooma keŋ.’ Igiritae nabo ebe, ‘Kilunyokin ituŋanan ice lotic keŋ.’

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋitic. 9:13

Toboŋok Anania tema, “Ekapolon, akalimonokis ayoŋ ŋituŋa ŋulu alalak ŋakiro ŋuna ke ekile a ŋol ŋuna aronok nooi, ŋuna etiya iŋes lokanupak kon alo Yerusalem.

Ŋirom. 1:1

Ayoŋ Paulo, eketiyan a Yesu Kristo, egirit abaruwa na. Akanyarau Akuj ayoŋ aruwor ekiyakia ka akaseu aruwor ekalimonokinan Ŋakiro keŋ ŋuna Ajokak.

Ŋirom. 1:7

Aŋun, ekegirakinit ayoŋ iyes daadaŋ alo Roma, iyes ŋulu ikimina ka ikinyar Akuj aruwor ŋulu keŋ. Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

1 Ŋikor. 16:10

Ani kebu Timoteo neni kus, kijautu iŋes ejok, ikotere nyekuryana iŋes irukito ka iyes; anerae itiyae iŋes etic ŋolo ke Ekapolon ikwa ayoŋ.

2 Ŋikor. 1:1

Ayoŋ Paulo ŋolo arae ekiyakia ŋolo a Yesu Kristo, aŋuna ka acamit a ŋina ka Akuj ka Timoteo lokaato yok, ikigirit abaruwa na neni ka atukot a Ŋikristo a ŋina eyai Korinto ka lotuŋa ŋulu ka Akuj ŋulu eya Akaia daadaŋ.

Ŋigal. 1:10

Alimunit mono ayoŋ ŋun aŋuna ka akitalakar ŋituŋa a? Mam jik! Akitalakar Akuj iŋes acamit ayoŋ! Kire meere akitojoka alotuŋa acamit ayoŋ! Kerae toriŋa ayoŋ ewarit ŋun, pa karae ayoŋ eketiyan a Kristo.

Ŋigal. 3:26

Iraakasi tokona iyes daadaŋ ŋidwe ŋulu ka Akuj, aŋuna inupitotor iyes Yesu Kristo.

Ŋigal. 3:28

Aŋun, emam atyaketait eyai kidiŋ Ŋiyudayan ka ŋulu nyerae Ŋiyudayan, kidiŋ ŋipi ka ŋulu nyerae ŋipi, kidiŋ ŋikilyok ka ŋaberu; iraakasi iyes daadaŋ ŋipei anakimorikina ka Yesu Kristo.

Ŋiep. 1:1

Ayoŋ Paulo, ŋolo arae ekiyakia ŋolo a Yesu Kristo aŋuna ka acamit a ŋina ka Akuj, egirit abaruwa na neni a ŋituŋa a ŋulu ka Akuj a ŋulu eyakasi Epeso, ŋulu ikinyoma alotooma akimorikina ka Yesu Kristo:

Ŋiep. 1:15

Aŋuna a ŋakiro a ŋun ka aŋuna adaunia ayoŋ akiirar anupit kus neni ke Ekapolon Yesu, ka amina ŋina iyakatar iyes aŋuna a ŋituŋa a ŋulu ka Akuj a daadaŋ,

Ŋiep. 6:24

Toyai ajokis ŋina ka Akuj neni a daadaŋ a ŋulu eminasi Ekapolon yok Yesu Kristo alotooma amina ŋina nyedaun.

Ŋipil. 2:19

Egeno ayoŋ neni ke Ekapolon Yesu atemar eyakuuni Timoteo neni kus atipei, ikotere ekesimukek ayoŋ eemut ŋolo ke epite a ŋolo iyakatar iyes.

Ŋipil. 2:5

Toyakatar ŋatameta ŋuna ikote ŋun, ŋuna ayakar Yesu Kristo:

Ŋipil. 3:12

Nyabala ayoŋ adau aryamun ŋun daadaŋ kori adau jik ajokyar. Nai ekatakinit nooi aryamun eropit ŋolo eryamunete Ŋikristo anakerit kec ikwapei adaunia Yesu Kristo akituruwor ayoŋ ŋolo keŋ.

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋipil. 3:8

Meere ŋakiro ŋun bon; emarakinit ayoŋ ŋakiro daadaŋ erae atwaniaret ŋina aronon aŋuna a ŋakiro a ŋuna epolok nooi--ikes ayenut Yesu Kristo Ekapolon kaŋ. Aŋuna keŋ, ajal ayoŋ ŋakiro daadaŋ ka emarak ikes erae agasiya, ikotere aryamuni Kristo

1 Ŋites. 1:1

Ayoŋ Paulo ka Silipano ta Timoteo ikigirit abaruwa na neni ka atukot a Ŋikristo a ŋulu eyakasi Tesalonika, a ŋulu erae ŋulu ka Akuj Papa ka ŋulu ke Ekapolon Yesu Kristo. Toyai neni kus ajokis ka ekisil.

1 Ŋites. 2:2

Iyenete iyes epite ŋolo aponere ikiteryamunere isua ŋican ka itobolyare alo Pilipi. Kikote neni daŋ, abu Akuj yok ikiinak isua atitinyu ŋina limonokinet iyes Ŋakiro ŋuna Ajokak ŋuna eponito aneni keŋ, tari ŋina atyonio nooi etic kosi.

2 Ŋites. 1:1

Ayoŋ Paulo ka Silipano ta Timoteo ikigirit abaruwa na neni ka atukot a Ŋikristo a ŋulu eyakasi Tesalonika, a ŋulu erae ŋulu ka Akuj Papa yok ka ŋulu ke Ekapolon Yesu Kristo.

2 Ŋites. 1:10

Itiyakinio ŋun Akoloŋit ŋina ebunio iŋes aryamun akitopolooro aneni a ŋituŋa keŋ ka aryamun aumokinet aneni a ŋulu enupito iŋes. Iyakaunosi iyes daŋ kidiŋ kec, anerae inupa iyes ŋakiro ŋuna aponi isua ikilimokin iyes.

1 Tim. 1:2

egirit abaruwa na neni a Timoteo a ŋolo erae lokoku kaŋ ŋolo a kire ananupit. Toyai neni kon ajokis, akisyon ka ekisil aneni ka Akuj Papa ka aneni a Yesu Kristo Ekapolon yok.

1 Tim. 3:8

Itemokino ŋikeŋarakinitok ŋulu a Ŋikristo daŋ erae ŋulu emaikina tokeritetei ka nyekicaraka ŋaŋajepa; nyitemokino ikes erae ŋulu emataka ŋagwe ŋuna alalak kori ŋulu erorokaka alosiliŋa.

Tito 1:1

Ayoŋ Paulo eketiyan ŋolo ka Akuj ka ekiyakia ŋolo a Yesu Kristo egirit abaruwa na. Abu Akuj okoseu ayoŋ, ekeyakia daŋ akiŋarakin ka akitogogoŋ anupit a ŋituŋa keŋ a ŋulu seuna ka akirik ikes toyenut ejok ŋakiro ŋuna a kire ŋuna eyenuniata ikes akerit Akuj ejok;

Tito 1:7

Ikwapei eraakar ekarikon ŋolo a Ŋikristo epolokinit etic ŋolo ka Akuj, itemokino iŋes pa itoronitae. Nyitemokino iŋes ituro kori epatana akiŋo kori emerana kori eryenyaana kori erorokana alosiliŋa.

Pil. 1:1

Ayoŋ Paulo emabus aŋuna a Yesu Kristo ka lokaato yok Timoteo, ikigirit abaruwa na neni kon Pilemon ŋolo minat, ŋolo ikirae ka isua ŋiketiyak etic a Kristo.

Ŋibur. 13:23

Acamit iyes toyenut atemar alacakin Timoteo alomabus. Ani kedolu iŋes atipei, ikirukuni ka iŋes apaki ŋina abunio aanyun iyes.

Yak. 1:1

Ayoŋ Yakobo eketiyan ŋolo ka Akuj ka ŋolo ke Ekapolon Yesu Kristo, emalae ŋatekerin ŋunatomon ka ŋaarei ŋuna a ŋituŋa a ŋulu ka Akuj, a ŋulu ielakina nakwapin daadaŋ.

1 Pet. 2:25

Ikote koloŋ iyes ŋamesekin ŋuna apotu tooliyosi alorot, nai tokona ikinyakun iyes akiwuap Ekeyokon ka Ekedaran kus.

2 Pet. 1:1

Ayoŋ, Simoni Petero ŋolo arae eketiyan ka ekiyakia a Yesu Kristo, egirit abaruwa na. Egirakinit neni a ŋulu itopoloorito anupit ŋinapei ikoni ŋina ikiyakar isua alotooma akiyookino ŋina ka Akuj yok ka Ekaiunan Yesu Kristo.

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo:

Akis. 1:1

Erae ekitaabo lo ŋolo igiritae ŋakiro ŋuna abu Yesu Kristo kisileereu. Abu Akuj inak iŋes akiseleerekinet na, ikotere iseleerekinio ŋiketiyak keŋ ŋuna itemokino totakanut atipei. Abu Kristo kiyakiya emalaika keŋ neni a Yoana ke eketiyan keŋ akiteyenikin iŋes ŋakiro nu.

Akis. 1:20

Apolou ŋina a ŋikacer a ŋulu ŋikanikaarei a ŋulu ite iyoŋ, anakan kaŋ a ŋina aloteten ka ŋina a ŋawuoeta a ŋitaae a ŋuna itiyaunitae a egolid iŋes na: erae ŋikacer ŋulukanikaarei ŋimalaikan ŋulu a ŋatukon a Ŋikristo a ŋunakanikarei ka erae ŋawuoeta ŋunakanikaarei ŋatukon ŋunakanikaarei.”

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.

Akis. 2:12

“Kigir neni ke emalaika a ŋolo ka atukot a Ŋikristo alo Perigamo atemar: “Erae ŋakiro nu ŋuna eponito aneni a ŋolo eyakar atum ŋina ekwaka ŋiwaetin daadaŋ.

Akis. 2:8

“Kigir neni ke emalaika a ŋolo ka atukot a Ŋikristo alo Simirina atemar: “Erae ŋakiro nu ŋuna eponito aneni a ŋolo erae ŋolo Eŋarenon ka ŋolo Esidyon, ŋolo abu totwan ka toyaru nabo.

Akis. 22:9

Nai tema iŋes neni kaŋ ebe, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon ŋikadwarak ta ŋulu daadaŋ ŋulu iwuapito ŋakiro ŋuna ke ekitaabo a lo. Kilip neni ka Akuj!”