11 Ya iŋes akiriŋ ke elou kicuny alokiŋa alomar.
Ani kirikak ŋun, emaikina iŋes ya emoŋ kicuny alokiŋa alomar, lopite ŋolo abunio iŋes kicunyia ŋolo alemarere asecit alotuŋa.
Nai abu iŋes ya ejamu ŋolo ke emoŋ, akiriŋ ka ŋiboro ka akook kicuny alokiŋa alomar, lopite ŋolo ecikitor Ekapolon iŋes.
Nai abu Aron kicuny alokidiama namuroet ŋinerin lu ŋulu ka ainakinet aŋuna ka asecit: Asepwae ka ŋiŋalur ta ŋatune ŋuna ke emany, lopite ŋolo ecikitor Ekapolon Moses.
Kedau ŋun, abu Aron toar ainakinet ŋina epeyo yaut ŋidwe keŋ ŋulusapa neni keŋ ŋaokot, ido kipakak iŋes lowaetin anamuroet daadaŋ.
