Ŋilep. 8:35 - Ebaibul

³⁵ Emaikina iyes kiboiyoto ŋirwa ŋikanikaarei apaaran ka akuwar alopuke ke eema a ŋolo ilipere, kitiyata ŋuna ecamit Ekapolon iyes kitiyata, ikotere nyitwaka; anerae ŋuna abu Ekapolon ekecikak ayoŋ ikes ŋun.”

Ŋilep. 8:35 Iomraidhean Croise

1 Ŋirw. 2:3

kiwuap ŋuna ikicik Ekapolon Akuj kon, tolosi alorotin keŋ ka kiwuap ŋikisila keŋ, ŋakiciketa keŋ ka ŋuna etubunit iŋes ka ŋakiteyenikineta keŋ, lopite ŋolo igiritere Lokisila a Moses, ikotere nai irereŋier iyoŋ anakiro a daadaŋ a ŋuna itiyae iyoŋ ka aneni daadaŋ ilosi iyoŋ.

Awos. 29:35

“Emaikina iyoŋ kitiya neni ka Aron ka neni a ŋidwe keŋ a ŋulusapa, ŋakiro ŋun daadaŋ ikwapei ekecikia ayoŋ iyoŋ. Kituruwo ikes ŋisacaradotin alotooma ŋirwa ŋikanikaarei.

Esek. 43:25

Aŋinakoloŋit alotooma ŋirwa ŋikanikaarei, emaikina iyoŋ ya ekoroe ikwapei ainakinet neni ke Ekapolon aŋuna ka asecit. Emaikina daŋ ya neni ke Ekapolon emoŋ ka emesek ŋulu nyeŋwalito ŋulu ilemuni iyoŋ alosipan.

Esek. 48:11

Emaikina akibois ŋin erae ŋina a ŋisacaradotin a ŋulu italeunitoe, a ŋulu erae ŋiletok a Sadok a ŋulu apotu eketiyanakis ayoŋ anakikinyoma ka apotu nyimorikin ka Ŋisirael ŋuluce akitiya ŋuna nyiyookino, lopite ŋolo aponiata ŋituŋa a ekabila a Lepi ŋuluce kitiyaata.

Ŋilep. 10:1

Apaki ŋin, kepotu ŋidwe ka Aron ŋulusapa, Nadab ka Abiu tolemut ŋisipiryae ŋuna ka akim, kiwuakis ŋatotol ŋuna kenepete, ido kiwuakis ekinyate nen, yaasi neni ke Ekapolon. Nai pa arae akim ŋin ŋina etesegitae, anerae nyicika Ekapolon ikes akitiya ŋun.

Ŋilep. 14:8

Emaikina ituŋanan ŋini italeunio ŋin kilota ŋilowi keŋ, tobanya ŋitim keŋ daadaŋ, ido kiloŋar, eruwor iŋes ŋini nyitoroniyaritae. Ani kirikak ŋun, bu nai nalomar, nai emaikina toper kiŋa eema keŋ ŋirwa ŋikanikaarei.

Ŋilep. 8:30

Kedaun ŋun, abu Moses tolemu akimyet adio ŋina iosere ŋituŋa ka ŋaokot ŋadi alokidiama namuroet, kipakak neni ka Aron ka lolowi keŋ ta neni a ŋidwe keŋ a ŋulusapa ka lolowi kec. Epite ŋol iŋes abunio Moses kitaleunio Aron ka ŋilowi keŋ ta daŋ ŋidwe ka Aron ŋulusapa ka ŋilowi kec

Ŋilep. 8:34

itiyao lopite ŋolo etiyaare nakoloŋit na, adau Ekapolon akicik atemar kitiyae ikona aŋuna ka amookun iyes.

Ŋilep. 8:36

Aŋun, apotu Aron ka ŋidwe keŋ ŋulusapa kitiyata daadaŋ ŋuna abu Ekapolon kicikak ikes aneni a Moses.

Ekim. 19:12

Epedorete ikes akiteseguno a ŋakipi edolete ŋirwa ŋiuni ka edolete ŋirwa ŋikanikaarei, ameun anakoloŋit a ŋina etoroniyarere ikes; aŋun, nyitoroniyaryo ikes. Nai ani pa kitesegunosi ikes edolete ŋirwa ŋiuni ka edolete ŋirwa ŋikanikaarei, nyitesegunio ikes nabo.

Ekim. 3:7

Itiyaete ikes ŋiticisyo aŋuna ka Aron ka aŋuna ka atukot a ŋituŋa a daadaŋ alokiŋaren eema ŋolokilipet,

Ekim. 9:19

Tari ŋina erubakinia edou ŋirwa ŋulu alalak erapuwarit Eema ericakinito Ŋisirael akiciket ke Ekapolon, pa awotonokinete a nen.

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋikis. 11:1

Aŋun, emaikina iyes tominas Ekapolon Akuj kus, kitiyata jwi jwi ŋuna elimunit iŋes, ŋuna etubunit iŋes, ŋikisila keŋ ka ŋakiciketa keŋ.

1 Tim. 1:18

Timoteo lokoku kaŋ, ekecikakini ayoŋ iyoŋ ŋakiro nu, ikwaŋina koloŋ kedwaritere aŋuna kon. Kisitiya ŋakiro nu ikwapei ŋiboro ŋulu ijiyo iyoŋ, ikotere ijiyo ejok,

1 Tim. 5:21

Alokiŋaren Akuj ka Yesu Kristo ta ŋimalaikan ŋulu seuna, ekeciki ayoŋ iyoŋ ka agogoŋu atemar kiwuap ŋakiro nu tomam atubonokin eriŋa nyeripiripa ejok kori tomam atyakatyakat ŋituŋa.

1 Tim. 6:13

Alokiŋaren Akuj ŋina einanakini akiyar neni a ŋinibore daadaŋ ka alokiŋaren Yesu Kristo ŋolo abu kisera anupit keŋ alokiŋaren Ponitio Pilato, ekecikakini ayoŋ iyoŋ

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

1 Tim. 6:20

Timoteo, kidar ejok ŋuna ikicikakin iyoŋ akidar. Toŋer ŋakiro ŋuna nyecamakina aneni ka Akuj ŋuna koŋinae ka ŋipegeta ŋulu enyarito ŋituŋa ŋice atemar “Aosou.”

2 Tim. 4:1

Ekeciki ayoŋ iyoŋ alokiŋaren Akuj ka alokiŋaren Yesu Kristo ŋolo etubokini ŋulu eyarete ka ŋulu etwakito ka aŋuna etakanunia iŋes akipuka erae Erwosit:

Ŋibur. 7:28

A Lokisila a Moses, aseununuyo ŋikilyok ŋulu apalag alotai aruwor ŋisacaradotin ŋulu Apolok nooi; nai anakiikinet a ŋina ka Akuj a ŋina elimunitoe anakikoŋiet a ŋina abuni eriŋa Ŋikisila, aponi toseunae Lokoku ka Akuj ŋolo aponi kituruworoe ŋolo iyookino kire ŋikaru ka ŋikaru.