Ŋilep. 8:14 - Ebaibul

¹⁴ Toriku Moses kiŋaren emoŋ ŋolo arae ainakinet aŋuna ka asecit, ido apotu Aron ka ŋidwe keŋ ŋulusapa kidokokis ŋakan kec nakou ke emoŋ a ŋol,

Ŋilep. 8:14 Iomraidhean Croise

Ŋikiru. 66:15

Ayauni ayoŋ neni kon ŋainakineta ŋuna epeyo, ŋuna etumito, ayauni ayoŋ neni kon ŋainakineta ŋuna apeyo ŋuna a ŋimeesekin; ayauni ayoŋ neni kon ŋainakineta ŋuna erae ŋimoŋin ka ŋamee.

Isa. 53:10

Kikote neni daŋ, arae acamit a Ekapolon atemar kisicanae ka toarae iŋes. Arae atwanare keŋ ŋina amaikina yau akisyon ka Akuj, tosodi ebuni iŋes akiŋolikin ŋipapae keŋ, ebuni iŋes akiyar apaki ŋina aoyan ka alotooma keŋ iyookin acamit a Ekapolon.

Esek. 43:19

Ŋisacaradotin ŋulu alokabila a Lepi ŋulu erae ŋiletok a Sadok bon emaikina potu kiŋaren kaŋ akitiya etic kaŋ, ayoŋ Ekapolon Akuj ekecik iyoŋ ŋun. Emaikina iyoŋ inak ikes emoŋ ŋolosorokit yaut ikes neni kaŋ erae ainakinet ŋina ka asecit kec.

Esek. 43:20

Emaikina iyoŋ tolemu ŋaokot ŋadi anainakinet a ŋin, kiosak loboorei ŋulu esibito ŋamomwar a namuroet ŋul ka lokoonae a namuroet ŋuluomwon ŋulu alowae a ŋolo alokidiama ka nakituk keŋ daadaŋ kiryam. Alopite a ŋol, italeu iyoŋ iŋes ka imookuni.

Esek. 44:27

Ani akoloŋit ŋina elosyo iŋes nakibois ŋina asegan analapatu a ŋina alotooma Akai ka Akuj anakibois a ŋina asegan, emaikina ya nen ainakinet keŋ aŋuna ka asecit.

Ŋilep. 1:4

Emaikina ituŋanan ŋin kidokok akan keŋ nakou ka ainakinet a ŋina epeyo a ŋin, ikotere Ekapolon ecamuni ainakinet ŋin tomookunere iŋes asecit keŋ.

Ŋilep. 16:21

Kidokok ŋakan keŋ nakou a ekoroe a ŋol, kirwor neni a ekoroe a ŋol aronis daadaŋ ka aŋecanut ta ŋasecisya a Ŋisirael daadaŋ, kimyek pena nakou a ekoroe, ido nai tolemu ituŋanan tomyaa ekoroe ŋol nariet.

Ŋilep. 16:6

“Emaikina Aron tolemu ainakinet ŋina erae emoŋ aŋuna ka asecit keŋ, ido tomookun elope bon ka tomooku ŋituŋa a ekal keŋ.

Ŋilep. 4:15

Tosodo nai ŋikasikou kidokokis ŋakan kec nakou ke emoŋ alokiŋaren Ekapolon, ido nai toarae emoŋ a nen alokiŋaren Ekapolon.

Ŋilep. 8:2

“Ya Aron ka ŋidwe keŋ ŋulusapa, ŋilowi kec, akimyet ŋina iosere ŋituŋa, emoŋ ŋolo erae ainakinet aŋuna ka asecit ka ŋimeesekin ŋiarei ta ebukit ŋolo eya ŋamugati ŋuna emam ŋakinyalet.

Ekim. 8:12

Idokokinete nai ŋilepi ŋakan kec nakyes a ŋimoŋin, ido inak Aron ŋimoŋin ŋul neni ke Ekapolon, epei erae ainakinet aŋuna ka asecit, epei erae ainakinet ŋina epeyo aŋuna ka amookunia ŋilepi.

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.