Ŋilep. 8:13 - Ebaibul

¹³ Yau nai ŋidwe ka Aron ŋulusapa kiŋaren, kitanapik ŋisatyo, ŋarokobae ka ŋakopiyae, lopite ŋolo ecikitor Ekapolon iŋes.

Ŋilep. 8:13 Iomraidhean Croise

Ŋikiru. 132:9

Elipi kitiyata jwi jwi ŋisacaradotin kon ŋuna iyookino, elipi toeoto ŋituŋa kon aŋuna ka alelyanu.

Awos. 40:13

Kitanapik Aron ŋilowi ŋulu ke etal a nen, ido kiosak akimyet neni keŋ, kitaleu iŋes, ikotere eketiyanak ayoŋ ikwapei esacaradoti.

Awos. 40:16

Abu Moses kitiya ibore daadaŋ lopite ŋolo ecikitor Ekapolon iŋes.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 61:6

Nai ikinyarao iyes ŋisacaradotin a Ekapolon ikinyarao iyes ŋiketiyanakinak Akuj yok. Ileileete iyes ebari a ŋakwapin, iturokinosi iyes aŋuna a ebari kec.

Esek. 42:14

Ani elomarete ŋisacaradotin nakibois ŋina asegan, nyemaikina ikes tolomasi a nen nalapatu ŋina alokiŋa pa elacakinito nakibois ŋina asegan ŋilowi ŋulu itiyaata ikes anakibois a ŋina asegan, anerae erae ŋilowi ŋul ŋulu asegak. Emaikina ŋisacaradotin tonapa ŋilowi ŋice eriŋa ikes nyeapiyara neni eyakasi ŋituŋa.”

Ŋilep. 10:5

Potu Misael ka Elisapan kiŋaren, todakasi ŋawat a Nadab ka Abiu kiŋa alomar, edakito a ŋisatyo a ŋikatwak a ŋul pei, lopite ŋolo alimokinitor Moses ikes.

Ŋilep. 8:21

Kilot nai a ŋakipi ŋiboro ŋulu ka akook a emesek kaapei ka ŋimolokony, ido kicuny emesek daadaŋ erae ainakinet ŋina epeyo, ŋina ebob eure keŋ aneni ke Ekapolon, ŋina erae ainakinet neni ke Ekapolon ŋina epeyo, lopite ŋolo ecikitor Ekapolon iŋes.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 1:6

Ikituruwo iŋes iwon apukan ŋina a ŋisacaradotin a ŋulu itiyaete neni ka Akuj a Papa keŋ. Toyai apolou ka apedor neni a Yesu Kristo ŋikaru ka ŋikaru! Amen.

Akis. 5:10

Ituruwo iyoŋ ikes apukan a ŋisacaradotin ŋulu ka Akuj yok, ipukaete ikes akwap.”