Ŋilep. 7:31 - Ebaibul

³¹ Emaikina nai esacaradoti kicuny asepwae ŋin, nai kimyek atorobu erae ekiner ka Aron ka ŋidwe keŋ ŋulusapa.

Ŋilep. 7:31 Iomraidhean Croise

Awos. 29:26

“Ani kidau akitiya ŋun, tolemu atorobu a emesek a ŋolo eturuworere Aron esacaradoti; kikyaa kidiama ikwapei ainakinet ŋina ikyaaritae alokiŋaren Ekapolon, ani kirikak akikyaar, iya toruwor ainakinet kon.

Ŋilep. 3:11

Epedori nai esacaradoti akicuny ŋinerin ŋul daadaŋ alokidiama anamuroet ikwapei akimuj ka ainakinet ŋina epeyo ŋina einakinitae Ekapolon.

Ŋilep. 3:16

Epedori nai esacaradoti akicuny ŋinerin ŋul daadaŋ alokidiama namuroet ikwapei akimuj ka ainakinet ŋina epeyo, ŋina ebob eure keŋ aneni ke Ekapolon. Emaikina asepwae daadaŋ erae ŋina ke Ekapolon.

Ŋilep. 3:5

Emaikina nai ŋidwe ka Aron ŋulusapa kicunya ŋinerin ŋul alokidiama namuroet, kaapei ka ainakinet ŋin ŋina ikaca nakito anakim, ŋina emaikina kicunyae ikwapei ainakinet ŋina epeyo, ŋina ebob eure keŋ aneni ke Ekapolon.

Ŋilep. 5:13

Alopite a ŋol, emookuni esacaradoti ituŋanan ŋin anasecit keŋ a daadaŋ a ŋina kebu iŋes kitiya, ido isyonio ituŋanan ŋin. Ikwapei ainakinet ŋina a ŋikinyom, eruwor ŋakirya daadaŋ ŋuna idoŋete ŋuna ke esacaradoti.

Ŋilep. 6:16

Emaikina nai Aron ka ŋidwe keŋ ŋulusapa yaasi ŋakirya ŋuna idoŋito kimuja; nai emaikina ikes kimuja pa iwuakinitae ŋakinyalet, ido emaikina kimuja anakibois a ŋina asegan; analapatu ke eema a ŋolo ilipere.

Ŋilep. 6:26

Emaikina esacaradoti ŋolo eai ainakinet kimuj adio a ainakinet a ŋin anakibois a ŋina asegan analapatu ke eema a ŋolo ilipere.

Ŋilep. 7:34

Adau ayoŋ alemar anainakineta a Ŋisirael a ŋuna ke ekisil, atorobu a ibarasit a ŋini ikyaanaryo amuro ŋina aloteten ikwapei ŋainakineta ŋuna emaikina toryamu. Ainak ayoŋ ŋinerin ŋul neni ka Aron ke esacaradoti ka ŋidwe keŋ ŋulusapa ikwapei ŋinerin ŋulu emaikina ikes toryamununeete aneni a Ŋisirael a ŋinapaki.’ ”

Ŋilep. 8:29

Tolemu nai Moses atorobu ke emesek a ŋol kikyaa kidiama ikwapei ainakinet ŋina ikyaaritae alokiŋaren Ekapolon. Arae ŋol ekiner a Moses ŋolo ke emesek a ŋolo eruworor ituŋanan esacaradoti, epite ŋol ecikitor Ekapolon iŋes.

Ekim. 18:11

Erae daŋ ŋainakineta nu ŋuna kus: Ŋainakineta daadaŋ ŋuna etyakanaryo anainakineta a Ŋisirael aŋuna ikyaanaryo, akainak ayoŋ iyoŋ kaapei ka ŋidwe kon ŋulusapa ka ŋulupesur ikwapei ainakinet ŋina a ŋikaru ka ŋikaru. Ituŋanan daadaŋ ŋini nyitoroniyaritae alokal kon epedori akinyam ŋainakineta ŋun.

Ekim. 18:18

nai erae akiriŋ kec ŋina kon, lopite ŋolo eraakar atorobu ka amuro ŋina aloteten a ainakinet a ŋina ikiyanaryo ŋuna kon.

1 Ŋikor. 9:13

Kire, iyenete iyes atemar, ŋikilyok ŋulu itiyaete Kai ka Akuj eryamununeeteakimuj kec alo Kai ka ŋulu itiyaete Namuroet, eryamununeeteakimuj kec anamuronisya a ŋuna einanakinete ikes.

Ŋikis. 18:3

Emaikina ŋisacaradotin toryamut aneni a ŋituŋa a ŋulu eyaunete amuronot ŋina ke emoŋ, kori a emesek ŋinerin lu: Eseket, ŋiŋitiny ka aboi.