Ŋilep. 7:30 - Ebaibul

³⁰ Emaikina ituŋanan ŋin yau a ŋakan keŋ a ilope ainakinet ŋina epeyo neni ke Ekapolon; emaikina iŋes yau asepwae a ibarasit a ŋin, kaapei ka atorobu a ibarasit a ŋin, ido kikyaanarae atorobu alokiŋaren Ekapolon ikwapei ainakinet neni ke Ekapolon.

Ŋilep. 7:30 Iomraidhean Croise

Ŋikiru. 110:3

Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

Ŋilep. 10:14

Nai atorobu ka amuro ŋinerin ŋulu ikiyaanaryo, emaikina iyoŋ ka ŋidwe kon ŋulusapa tonyama kaapei ka ŋapesur anakibois a daadaŋ a ŋina italeunitoe, anerae adaun atyakakin ŋinerin ŋul neni kon ka ŋidwe kon anainakineta a ŋuna ke ekisil a ŋuna eyaunete Ŋisirael.

Ŋilep. 10:15

Emaikina yaunae neni kon amuro ŋina erae ekiner kon ka atorobu ŋina ikyaanaryo, yaunae kaapei ka ŋasepwa a ŋainakineta a ŋuna epeyo, ikotere kiyaanarae alokiŋaren Ekapolon. Eruwor ŋinerin ŋul ŋulu kon ka ŋidwe kon ŋikaru ka ŋikaru, lopite ŋolo adaunia Ekapolon alimun.”

Ŋilep. 3:14

Emaikina ituŋanan ŋin inak anainakinet a ŋina einakinit ituŋanan neni ke Ekapolon ikwapei ainakinet ŋina emaikina kicunyae, asepwae ŋina ka akook daadaŋ ka ŋina a ŋiboro ka akook,

Ŋilep. 3:9

Emaikina inakis ainakinet ŋina ke ekisil ŋina epeyo ka akim aŋuna ke Ekapolon, asepwae daadaŋ ka asonyok daadaŋ, etubunitoe anatorom, asepwae ŋina ka akook ka asepwae daadaŋ ŋina a ŋiboro ka akook

Ŋilep. 8:27

Kidokok nai ŋul daadaŋ nakan ka Aron ka nakan a ŋidwe keŋ a ŋulusapa, ido kikyaa kidiama ikwapei ainakinet ŋina ikyaaritae alokiŋaren Ekapolon.

Ŋilep. 8:29

Tolemu nai Moses atorobu ke emesek a ŋol kikyaa kidiama ikwapei ainakinet ŋina ikyaaritae alokiŋaren Ekapolon. Arae ŋol ekiner a Moses ŋolo ke emesek a ŋolo eruworor ituŋanan esacaradoti, epite ŋol ecikitor Ekapolon iŋes.

Ŋilep. 9:20

Kidokokis ŋidwe ka Aron ŋulusapa asepwae ŋin kidiama ŋatorobwo a ŋibaren a ŋul, ido kicuny Aron asepwae ŋin alokidiama namuroet.

Ŋilep. 9:21

Tolemu Aron ŋatorobwo ka ŋamuroi ŋuna aloteten ŋuna a ŋibaren a ŋul, kikyaa kidiama ikwapei ainakinet ŋina ikyaaritae alokiŋaren Ekapolon, lopite ŋolo ecikitor Moses iŋes.

Ekim. 6:20

Ikyaari nai esacaradoti ŋainakineta ŋuna kikyaara aloŋaren Ekapolon, erae ŋainakineta ŋun ŋuna esegak ŋuna emaikina esacaradoti toryamu kaapei ka atorobu ŋina ikyaanaryo ta amuro ŋina erae ainakinet. Ekaku ŋun epedori ituŋanan ŋini sek etaleoritae aŋuna ka akitiyanakin Ekapolon akimat epiini.

Ekim. 8:11

einakini nai Aron ŋilepi neni ke Ekapolon erae ainakinet aneni a Ŋisirael ŋina apolon nooi, ikotere itiyaete ikes etic aŋuna ke Ekapolon.

Yoa. 10:18

Emam ituŋanan ŋini akademari ayoŋ akiyar kaŋ, nai ajalit ayoŋ iŋes anacamit kaŋ a elope. Ayakar ayoŋ apedor ŋina jalet iŋes ka ayakar ayoŋ apedor ŋina ryamunet iŋes nabo. Erae ŋun ŋuna ekecikak Papa kaŋ ayoŋ akitiya.”

2 Ŋikor. 8:12

Ani kiitanito iyes ainanakin, ecamuni Akuj ainakinet kus alotyae a ŋolo iyakatar iyes ŋiboro kus, meere alotyae a ŋolo nyiyakatar.

Ŋikis. 18:3

Emaikina ŋisacaradotin toryamut aneni a ŋituŋa a ŋulu eyaunete amuronot ŋina ke emoŋ, kori a emesek ŋinerin lu: Eseket, ŋiŋitiny ka aboi.