Ŋilep. 7:18 - Ebaibul

¹⁸ Ani kenyama ituŋanan akiriŋ ŋina ka ainakinet a ŋina ke ekisil ke Ekapolon kepena ŋirwa ŋiuni, nyecamuni Akuj ainakinet ŋin. Nyimarakinio atemar abu ekalemunan ainakinet a ŋin tolemu ainakinet adio, eruwor ainakinet ŋin ŋina nyejok; ido ituŋanan ŋini enyami ainakinet ŋin, eruwor ikasecan.

Ŋilep. 7:18 Iomraidhean Croise

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Isa. 65:4

a ŋituŋa a ŋulu iboiyete alotooma ŋalyalin ka iboiyete nakwaare anakiboisyo a ŋuna nyeyenio; a ŋituŋa a ŋulu enyamete akiriŋ a ŋiguruwei ka eboka ŋolo eya ŋiboorei ŋulu itoroniyaritae;

Isa. 66:3

“Ituŋanan daadaŋ ŋini akaaranakini ayoŋ emoŋ erae amuronot, ikwaan ituŋanan ŋin ka ŋini eari ituŋanan; ituŋanan daadaŋ ŋini akaaranakini ayoŋ ikale ŋinimesek erae amuronot, ikwaan ituŋanan ŋin ka ŋini emojiri emosiriŋ a iigok tobil; ituŋanan daadaŋ ŋini akainakini ayoŋ ainakinet ŋina a ŋikinyom ikwaan ituŋanan ŋin ka ŋini akainakini ayoŋ ŋaokot a eguruye; ituŋanan daadaŋ ŋini icunyi ekinyate aŋuna ka atamunitor ayoŋ, ikwaan ituŋanan ŋin ka ŋini ilipi neni ka etorube a ŋolo itiyaunitae. Adaut ŋituŋa ŋulu ikote ŋul akiwuap ŋuna kec a ŋikulepek, ido elakara ikes anakitiya asiilyo kec;

Yer. 14:10

Irworo Ekapolon ŋakiro nu aŋuna a ŋituŋa a lu ebala, “Kire, eminasi ŋituŋa lu akitwaŋa make, nyeupenene alosenen aneni kaŋ, aŋun, nyecamit Ekapolon ikes, etamuni tokona Ekapolon aronis ŋina itiyato ikes, ido kisican ikes.”

Yer. 14:12

Tari kiredakis ikes akiron, nyeirari ayoŋ akigworo kec, tari keyaut ikes neni kaŋ ŋainakineta ŋuna epeyo ka ŋainakineta ŋuna a ŋikinyom, nyacamuni ayoŋ ŋainakineta kec, nai aari ayoŋ ikes a ekileŋ, a akoro ka a ŋidekesinei.”

Esek. 18:20

Emaikina ituŋanan ŋini eseci totwan. Nyemaikina lokoku kisicanae aŋuna ka asecit a papa keŋ, kori nyemaikina papa kisicanae aŋuna ka asecit alokoku keŋ; emaikina ituŋanan ŋini iyookino toryamu ŋarereŋisyo aŋuna ka akiyookino keŋ ka emaikina ituŋanan ŋini aronon toryamu ŋican aŋuna ka aronis keŋ.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Ŋilep. 10:17

“Kaanukiro pa inyamyata iyes ainakinet aŋuna ka asecit ŋin anakibois a ŋina italeunitoe? Anerae erae ŋin ainakinet ŋina eseg nooi, ido adau Akuj ainakin iyes ainakinet ŋin alemarya asecit aneni a ŋituŋa, tomookut ikes alokiŋaren Ekapolon.

Ŋilep. 10:19

Toboŋok Aron Moses tema, “Apotu ikes nakoloŋit na yaut ŋainakineta kec, aŋuna ka asecit ka ŋina epeyo alokiŋaren Ekapolon, nai atakanut ŋakiro ŋuna ikote ŋun neni kaŋ. Ani mono kerae onyamite ayoŋ ainakinet ŋina ka asecit ŋin nakoloŋit na, kelakara mono Ekapolon aŋuna kaŋ a?”

Ŋilep. 11:41

“‘Itoroniyaritae aŋuna kus ŋisubuna daadaŋ ŋulu cicik ŋulu elosete alokwap nyemaikina iyes tonyama ikes.

Ŋilep. 17:16

Nai ani pa kilota iŋes ŋilowi keŋ, ido kiloŋar, eruwor ŋun nakou keŋ ka ilope.’ ”

Ŋilep. 19:5

“‘Ani iarete iyes ainakinet ŋina ke ekisil erae amuronot neni ke Ekapolon, toara alopite a ŋolo ecamuni Ekapolon aŋuna kus.

Ŋilep. 20:17

“‘Ani kiit ekile nakaato keŋ, ŋina erae ka iŋes apeikook, kori nakaapa keŋ, ido todaut akiryamakin, erae ŋun ŋileec. Emaikina ikes kiritarae, tojoŋoto ŋituŋa kec akitere. Etiya ekile ŋol asiilyo neni anakaato keŋ, ido emaikina iŋes kisicanae.

Ŋilep. 20:19

Nyiryamakinosi ka nakaato a toto kon, kori a papa kon, anerae isirumete iyes ŋiyeneta kus ŋileec, emaikina kisicanae ŋulu itiyaete ŋun.

Ŋilep. 22:16

inak ikes aryamun akiilit ŋina itelemuni ikes ainakinet ŋina ka akiilit aŋuna anyamyata ŋainakineta ŋuna asegak. Arae ayoŋ Ekapolon, ŋolo abu eturuwo ikes ŋulu esegak.’ ”

Ŋilep. 22:23

Ipedorete iyes ainakin Ekapolon ainakinet ŋina ka acamit kus, emoŋ, kori emesek ŋolo eoya, kori euruwuana akeju apei, nai nyecamakinio ŋin erae kerae ainakinet ŋinakisiyookinet ŋuna ikoŋito iyes.

Ŋilep. 22:25

ido nyicamut ŋibaren ŋulu ikote ŋul eaunete ŋigelaanotin inakis Ekapolon erae akimuj neni ka Akuj kus. Nyecamunio ŋibaren ŋul aŋuna kus, anerae iŋwalitae, ido eyakatar neni eŋwalit.’ ”

Ŋilep. 5:17

“Ani kesec ituŋanan idio alokidiŋ kus pa iredakinit, kitiya ŋuna nyecamakinito ŋakiciketa ŋuna ke Ekapolon, adau ituŋanan ŋin akisec, ido emaikina kisicanae.

Ŋilep. 7:19

“‘Akiriŋ daadaŋ ŋina etapakin nibore ŋini itoroniyaritae, nyemaikina tonyamae, emaikina kicunyae. Nai akiriŋ ŋinace daadaŋ, epedori ituŋanan ŋini italeunitoe akinyam akiriŋ ŋin.

Amos 5:22

Tari kiyaut iyes neni kaŋ ŋainakineta kus ŋuna epeyo ka ŋuna a ŋikinyom, nyacamuni ayoŋ ikes, tari ŋainakineta kus ŋuna ke ekisil nyeketalakarete ayoŋ.

Mal. 1:10

Ebala Ekapolon ŋolo etiron ebe, “Okoe kerae ca topedori epei alokidiŋ kus agolokin ŋikekya ŋulu ka Akai ka Akuj, itogolo iyes tojoŋoto akinok ŋakimya ŋuna emam ajokis Namuroet kaŋ! Nyalakara ayoŋ aŋuna kus; nyacamuni ayoŋ ŋainakineta ŋuna iyaunete iyes neni kaŋ.

Mal. 1:13

Ibasi iyes, ‘Ikiup isua akitiya ŋun!’ Nabo iwunyonorete iyes ŋikumes kus kidiama ikijamuwarito ayoŋ. Iyaununete iyes neni kaŋ ŋibaren ŋulu ikokounito, kori ŋulu aŋwalak, kori ŋulu edyakasi. Itamete iyes atemar acamuni ayoŋ ŋul aneni kus a?

Ekim. 18:27

Imarakinio ŋun erae ainakinet kus neni kaŋ, ŋina a ŋikinyom a ŋulu eramyo analos ka ŋina a epiini a ŋolo ecuunio anacuet a epiini.

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Ŋirom. 4:11

Eleŋeryo iŋes ekaku, ido toruwor akileŋeryo keŋ emacar ŋolo itoodiunit atemar aŋuna ka anupit keŋ, aris Akuj kecamu iŋes erae ŋolo iyookino eriŋa nyileŋera. Aŋun, erae Aburaam papaa a daadaŋ a ŋulu enupito Akuj ka ŋulu adau iŋes acamun erae ŋulu iyookino, tari pa kileŋeritae.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.