Ŋilep. 7:12 - Ebaibul

¹² Ani keyau ituŋanan ainakinet aŋuna ka alakar keŋ neni ke Ekapolon, emaikina yau kaapei ka ŋamugati ŋuna emam ŋakinyalet, ŋuna iguritoe ka akimyet, ŋabisikotyo ŋuna emam ŋakinyalet ŋuna iositae akimyet, ŋimugati ŋulu cicik ŋulu ipounitoe anakirya a ŋuna ajokak a ŋuna itilorit akimyet.

Ŋilep. 7:12 Iomraidhean Croise

2 Ŋakiro a ŋirwa 29:31

Tema nai Esekia, “Idaut tokona iyes akitaleun ŋawat kus aneni ke Ekapolon; toapuutu nai ne, yautu ŋamuronisya ka ŋainakineta ŋuna ka alakara Kai ke Ekapolon.” Yaut nai ŋituŋa ŋamuronisya kec ka ŋainakineta ŋuna ka alakara, ido apotu ŋituŋa daadaŋ ŋulu acamunito alotai kec yaut ŋainakineta ŋuna epeyo.

2 Ŋakiro a ŋirwa 33:16

Abu daŋ iŋes todukok nabo Namuroet ŋina ke Ekapolon, inak a nen Akuj ŋamuronisya ŋuna a ekisil ka ŋainakineta ŋuna ka alakar neni ke Ekapolon. Tolimok ŋituŋa a Yudaya akitiyanakin Ekapolon Akuj a Ŋisirael.

Neem. 12:43

Apotu ikes inakis akoloŋit ŋin ŋamuronisya ŋuna alalak alelyanu, anerae abu Akuj inak ikes alelyanu ŋina apolon, apotu ŋaberu ka ŋidwe daŋ tolelyana. Apedori ituŋanan akiirar aneni alwanan ecelet ŋolo ka alyelyanu a ŋituŋa a Yerusalem.

Ŋikiru. 107:8

Emaikina ikes tolakar neni ke Ekapolon aŋuna ka amina keŋ a ŋina nyiryaŋiryaŋa, aŋuna a ŋiticisyo keŋ a ŋulu ka aumokin neni a ŋituŋa;

Ŋikiru. 116:17

Ayauni ayoŋ neni kon amuronot ŋina ka alakara, ido onyara ekiro kon okoe Ekapolon.

Ŋikiru. 50:23

Eketopoloorito ayoŋ ŋituŋa ŋulu eponeneete alakara neni kaŋ ituruworito alakara kec amuronot neni kaŋ; ikes ŋulu iwuapito ŋakiro ŋuna ka akiyookino, etoodikini ayoŋ ikes aiuno kaŋ.”

Yer. 33:11

etoil ŋolo ka alelyanu ka ŋolo ka alakara, etoil a eteran ka etoil a ateran, ŋitoilon a ŋituŋa a ŋulu eosi eyaunete ŋainakineta ŋuna ka alakara Kai a Ekapolon ebasi, ‘Tolakaros neni ke Ekapolon a ŋolo a ŋajoresyo, anerae ejok iŋes, erae amina keŋ ŋina nyiryaŋiryaŋa ŋikaru ka ŋikaru!’ Enyakakini ayoŋ ŋarereŋisyo nakwap na lopite ŋolo sek ayakatar ekiŋaren.

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Ŋilep. 2:4

Ani keyau ituŋanan ainakinet keŋ erae ŋamugati ŋuna epeitoe, emaikina elemunitae anakirya a ŋuna ajokak nooi: Torae ŋamugati ŋuna emam ŋakinyalet ŋuna erae akimyet emunatere, kori torae ŋabisikotyo ŋuna emam ŋakinyalet, ŋuna iwosakinitae akimyet.

Ŋilep. 2:5

Ani kerae ainakinet a ituŋanan akimuj ŋina ipotoi a ikalaat a ŋinibeleny, emaikina erae ŋina elemunitae anakirya a ŋuna ajokak nooi, a ŋuna erae akimyet emunatere, tomam ŋakinyalet.

Ŋilep. 22:29

Ani iyaarete iyes ainakinet ŋina ka alakar neni ke Ekapolon, toara iyenete atemar ecamakinio aŋuna kus.

Ŋilep. 6:16

Emaikina nai Aron ka ŋidwe keŋ ŋulusapa yaasi ŋakirya ŋuna idoŋito kimuja; nai emaikina ikes kimuja pa iwuakinitae ŋakinyalet, ido emaikina kimuja anakibois a ŋina asegan; analapatu ke eema a ŋolo ilipere.

Ŋilep. 7:15

Emaikina akiriŋ ŋina a ŋainakineta aŋuna ke ekisil ke Ekapolon ka alakar tonyamae akoloŋit ŋinapei eyaunia ituŋanan ŋin; mam adio daŋ ŋina emaikina kiwalak.

Amos 4:5

Yautu anacamit kus ainakinet ŋina a ŋamugati a ŋuna emam ŋakinyalet, tolimonosi iturosi ŋainakineta kus ŋuna iinanakinete iyes anacamit kus, anerae ŋuna iminasi iyes akitiya ŋun, okoe ŋituŋa a Isirael.”

Ekim. 6:15

emaikina ikes yaut ainakinet ŋina a ŋamugati a ŋuna emam ŋakinyalet ileleba ebukit, ŋimugati ŋulu ipounitoe a ŋakirya a ŋuna ajokak nooi a ŋuna iguritoe ka akimyet ka ŋabisikotyo ŋuna emam ŋakinyalet kiwosakinitetei akimyet, emaikina daŋ ikes yaut ŋainakineta kec ŋuna a ŋikinyom ka ŋuna a ŋimaten.

Luk. 17:16

Tolot toramakin kwap nakejen a Yesu kijuuru, tolakar neni keŋ. Arae iŋes Esamaritanoit.

Luk. 17:18

Inyoni eraakar ituŋanan ŋini ka acekwap eboŋuni akipuro Akuj?”

Ŋirom. 1:21

Eyenete ikes Akuj, nai nyitopoloorito ikes iŋes ikwa Akuj, kori nyitalakarito. Nai aruworosi ŋatameta kec ŋakoŋinae ka elelebikin akiryonut nakyes kec ŋuna ebaŋaaka.

Ŋiep. 5:20

Alokiro ke Ekapolon yok Yesu Kristo, tolakanaros jwi jwi neni ka Akuj Papa aŋuna a ŋakiro a daadaŋ.

Ŋibur. 13:15

Aŋun, oinakisi nai akipuro neni ka Akuj jwi jwi erae amuronot yok alotooma Yesu, ainakinet ŋina erae akituk irworo, itopoloorit Yesu erae Ekapolon.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.