Ŋilep. 6:2 - Ebaibul

² “Ani kesec ituŋanan idio alokidiŋ kus aneni ke Ekapolon; tomodiya ekidunyet keŋ ibore ŋini icikakinitae iŋes aŋuna ke edeni, kori todema ekidunyet keŋ ibore keŋ, kori tomodiya,

Ŋilep. 6:2 Iomraidhean Croise

Akisy. 26:7

Ani iŋisete ŋikilyok ŋulu ka akwap a ŋin Isaka ŋuna ikamunito akeeberu, toboŋok Isaka ikes tema, “Erae iŋes nakaato kaŋ”; anerae akuryana iŋes alimun ebe, “Erae iŋes aberu kaŋ,” etami ebe, “Kori ca akaarete ayoŋ ŋituŋa ŋulu ka akwap a na aŋuna a Rebeka, anerae atakani Rebeka ibus.”

Ŋikiru. 51:4

Asecit ayoŋ aneni kon, neni kon bon asecitor ayoŋ; adau ayoŋ akitiya aronis alokiŋaren kon, aŋun, iyookino iyoŋ anakiro a ŋuna irworo; ido iyookinit iyoŋ ikitubokinit ayoŋ akisicanio.

Ŋakit. 24:28

Nyiruwor esuuda ŋolo irworo imanit ikidunyet kon emam ŋakiro iŋoitotor ka iŋes, nyirwor neni keŋ ŋakiro ŋuna erae alyokonu.

Ŋakit. 26:19

ikoni nenipei nen ituŋanan ŋini emodyanakini ikidunyet keŋ ebala, “Arae ro abolya.”

Isa. 21:2

Adau Ekapolon akisileerekin ayoŋ ŋakiro nu anakiruja: Elukini ekalukinon, inyasuni ekenyasunan. Okoe ŋituŋa a Elam, kitipeiyosi toremo, ŋasigarya a Media, kirikautu ŋitaunio, etadauni ayoŋ akiyaloloŋ daadaŋ ŋina eteryamunito ŋituŋa a Babilon ŋuluce.

Isa. 24:16

Epupyo ŋieosyo ŋulu ipurere Ekapolon anakisaleta a akwap, ŋieosyo ŋulu ipurore Ekapolon ŋolo iyookino. Nai abala ayoŋ, eridak ayoŋ, eridak ayoŋ. Okoe erae nu ŋuna kaŋ! Anerae itiyaete ŋulu nyikinyomitae pa ikinyoma anamamukau akikinyoma, ikiluwonokinete.

Isa. 33:1

Ekaŋ iyoŋ ekenyasan, iyoŋ ŋolo emam ituŋanan abu ikimunya iyoŋ ŋolo emam ituŋanan abu itoluk! Ani ijoŋoe iyoŋ akinyas, ikinyasunio iyoŋ; ido ani ijoŋoe iyoŋ araakau ŋolo alukinon, ikilukinio iyoŋ.

Yer. 9:5

Emodyanakinete ikes daadaŋ ŋiyeneta kec ka mam ituŋanan irworo ŋakiro ŋuna a kire etatama ikes ŋaŋajepa kec akirworo alyokonu, itiyaete ikes ŋuna ka asecit ka apapanut nyepedorito akiki.

Esek. 40:46

tosodi agule ŋina iŋoliyarit lowae ŋolo alo Kuju, erae ŋina a ŋisacaradotin a ŋulu erae etic kec akiyok namuroet. Erae ŋisacaradotin ŋul ŋidwe a Sadok ŋulusapa ŋulu erae ikes bon ecamakinitae aloletok a Lepi aponare akitiya etic alokiŋaren Ekapolon.

Ŋilep. 1:3

Ani kerae ainakinet ŋin ŋina epeyo ŋina elemunitae alosipan a ŋibaren, emaikina iŋes tolemu etaok ŋolo ajokan ŋolo emam neni eŋwalit; yau lopuke ŋolo ke eema a ŋolo ilipere, ikotere Ekapolon ecamuni aŋuna keŋ ibarasit ŋin.

Ŋilep. 19:11

“‘Nyikoŋo; nyimodyanakinosi make ka nyirworosi alyokonu.

Ŋilep. 5:15

“Ani kesec ituŋanan idio alokidiŋ kus nyelemu ainakinet ŋina emaikina inak neni ke Ekapolon, emaikina ituŋanan ŋin yau neni ke Ekapolon alosipan keŋ emesek ŋolo ajokan ŋolo emam neni eŋwalit. Emaikina emesek ŋol erae ŋolo epedoryo akigyel a ŋisilipae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. Erae ŋin ainakinet aŋuna ka asecit.

Ŋilep. 5:19

Erae ainakinet ŋin aŋuna ka asecit a ŋina abu iŋes tosec alokiŋaren Ekapolon.”

Ŋilep. 6:1

Tema Ekapolon neni a Moses,

Amos 8:5

ibasi iyes “Ori kareca edaunotor ŋasuban elap lo, ikotere ogyelanasi ŋikinyom? Ori edaunor akoloŋit ŋina a Sabato, ikotere ogyelanasi ŋaganoi? Itiditeunio iwon akipimet, ikotere oryamutu ŋicekelya ŋulu elalak, ido omodyanakisi ŋituŋa a ŋakipimeta a ŋuna nyiyookino,

Abak. 1:13

Irae iyoŋ Akuj ŋina Asegan, ido nyipedori akitere aronis. Ikokini iyoŋ ite ŋuna itiyaete ŋituŋa lu ŋulu emam akikinyoma ka ŋulu aronok, ido tomam akisican ikes, ŋulu amunyasi ŋituŋa ŋulu iyookino akilo ikes ai?

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋitic. 5:4

Ani eriŋa iyoŋ nyegyelara emanikor ŋol, arae ŋolo kon; nabo ani kigyela, arae ŋisiliŋa ŋulu kon. Kaanukiro nai itubunio iyoŋ akitiya ŋakiro ŋuna ikote ŋun? Nyerae ŋituŋa imodikinit iyoŋ, nai erae Akuj!”

Ŋiep. 4:25

Tojoŋoto amodyanakin! Itemokino ŋinituŋanan kirwor ŋuna a kire neni ke ekanupan a ŋoloce, anerae ikirae iwon daadaŋ ŋipei alotooma Kristo ikwapei ikiraakar iwon ŋinerin ŋulu ka apeikuwan.

Ŋikol. 3:9

Nyimodyanakinosi make, ikwapei idauniata alemar ekuwane ŋoloŋorot kaapei ka ŋipitesyo keŋ

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.