Ŋilep. 6:17 - Ebaibul

¹⁷ Nyemaikina kipoi iwuakinitae ŋakinyalet; ainak ayoŋ ikes ŋakirya ŋun erae ŋuna emaikina ikes toryamut anainakinet a ŋina epeyo aŋuna kaŋ. Eseg ainakinet ŋin nooi, ikwaan ka aŋuna ka asecit ta ŋina ke ekaile aŋuna ka asecit.

Ŋilep. 6:17 Iomraidhean Croise

Awos. 29:37

Emaikina iyoŋ iya ŋirwa ŋikanikaarei iyayenene Namuroet ainakinet ŋina elemarere asecit ka itale Namuroet. Ŋun nai ituruworete Namuroet ŋin ŋina Asegan nooi, ido ibore daadaŋ ŋini etapakin neni keŋ, eruworŋini eseg.”

Awos. 40:10

Emaikina iyoŋ kios ka akimyet tari Namuroet ŋina epeyere ŋainakineta ka kios ŋiboro keŋ daadaŋ, kitaleu Namuroet, ikotere eruwor ŋina eseg nooi.

Ŋilep. 10:16

Kiŋit Moses ikes ŋakiro ka ameot a ŋina alemunitae erae ainakinet aŋuna ka asecit, ido aponi tolimokinae iŋes atemar aponi kicunyae. Toŋoik Moses nooi Eleasar ka Isamar, ŋidwe ka Aron ŋulusapa ŋulu edoŋito, kiŋit ikes tema,

Ŋilep. 2:11

Mam ainakinet ŋina a ŋikinyom anainakineta a ŋuna iyaunete iyes neni ke Ekapolon ŋina emaikina iwuakinitae ŋakinyalet, anerae nyemaikina iyes kicunya ŋakinyalet ŋadi, kori ao ikwapei ainakinet neni ke Ekapolon ŋina epeyo.

Ŋilep. 2:3

Tosodi nai ŋikinyom ŋuluce ŋulu idoŋito anainakinet, emaikina kidoŋo erae ŋulu ka Aron ka ŋidwe keŋ ŋulusapa. Erae ainakinet ŋina ŋikinyom ŋina asegan nooi ŋina epeyo aŋuna ke Ekapolon.

Ŋilep. 6:25

“Tolimok Aron ka ŋidwe keŋ ŋulusapa ebe, ‘ŋikisila ŋulu emaikina kiwuapae lu aŋuna a ŋainakineta aŋuna ka asecit. Emaikina ainakinet aŋuna ka asecit toarae alokiŋaren Ekapolon anakibois a ŋina eareneneere ainakinet ŋina epeyo; erae ainakinet ŋin ŋina eseg.

Ŋilep. 6:26

Emaikina esacaradoti ŋolo eai ainakinet kimuj adio a ainakinet a ŋin anakibois a ŋina asegan analapatu ke eema a ŋolo ilipere.

Ŋilep. 6:29

Emaikina ituŋanan daadaŋ ŋini erae ŋinisapat aloletok a ŋisacaradotin kimuj ainakinet ŋin, erae ainakinet ŋin ŋina eseg nooi.

Ŋilep. 7:1

“‘Ŋikisila ŋulu emaikina kiwuapae aŋuna ka awoun alemun ainakinet neni ke Ekapolon. Erae ikes ŋikisila ŋulu aseg nooi:

Ŋilep. 7:6

Emaikina ituŋanan daadaŋ ŋini erae ŋinisapat aloletok a ŋisacaradotin kimuj ainakinet ŋin, itemokino kimujae anakibois a ŋina asegan; erae ainakinet ŋin ŋina eseg nooi.

Ŋilep. 7:7

“‘Ikwaan ainakinet ŋina ka awoun ainakinet neni ke Ekapolon ka ainakinet aŋuna ka asecit, ikwaan ŋikisila kec; emaikina esacaradoti ŋolo emookuni ituŋanan anasecisya a ŋun ya akiriŋ a ŋainakineta a ŋun.

1 Pet. 2:22

Nyeseca iŋes ka emam ituŋanan ipei daŋ ŋini abu kiira elimuni iŋes alyokonu.