Ŋilep. 5:2 - Ebaibul

² Kori ani ketap ituŋanan ibore ŋini italeo pa iredakinit akitap, kerae etyaŋ ŋolo etwanit ŋolo sek italeo akitap, kori ibarasit ŋini etwanit ŋini sek italeo akitap, ityaŋ ŋini elyat, ŋini etwanit, ŋini sek italeo akitap, aruwor iŋes ŋini itoroniyaritae ka eyakar ekaile ŋolo ka asecit.

Ŋilep. 5:2 Iomraidhean Croise

Ŋikiru. 19:12

Nai ŋae epedori aanyun ŋuna edyakarit iŋes? Kisyoni ayoŋ anadyakanareta kaŋ a ŋuna nyayeni.

Isa. 52:11

Torotokisi, torotokisi toloto a nen! Nyitapa ibore idio ŋini itoroniyaritae, toloto aneni eya ŋiboro ŋulu itoroniyaritae, kitaleutu ŋawat kus iyes ŋulu iyakatar ŋiboro ŋulu ke Ekapolon.

Ŋilep. 11:11

Aŋun emaikina iyes torubakis pa inyamete ikes, nyinyama akiriŋ kec, kori nyitapa ŋawat kec kedaut atwakare.

Ŋilep. 11:8

Nyemaikina iyes tonyama akiriŋ a ŋityaŋ a ŋul, kori totapa ŋawat kec kedaut atwakare; erae ikes ŋulu itoroniyaritae aneni kus.

Ŋilep. 4:13

Ani kerae Ŋisirael daadaŋ esecete pa iredakinito, nyeyenete atemar abila ikes akiciket adio ŋina ke Ekapolon, tari daŋ pa keyenete ŋituŋa atemar itiyakina ŋun, esecito ikes.

Ŋilep. 5:17

“Ani kesec ituŋanan idio alokidiŋ kus pa iredakinit, kitiya ŋuna nyecamakinito ŋakiciketa ŋuna ke Ekapolon, adau ituŋanan ŋin akisec, ido emaikina kisicanae.

Ŋilep. 5:3

Ani ketap ituŋanan ibore ŋini italeo akitap, tari pa kiredakinit iŋes akitap, ani eyenunio iŋes a ŋun eruwor iŋes ŋini eyakar ekaile ŋolo ka asecit.

Ŋilep. 5:4

Ani kikirikirak ituŋanan akiikin akitiya idiobore, aŋuna ajokak, kori aŋuna aronon, ŋakiro ca daadaŋ ŋuna ikoŋete ŋituŋa nai nyeyeni iŋes, ani ŋina eyenunia iŋes ŋun, eruwor iŋes ŋini eyakar ekaile ŋolo ka asecit.

Ŋilep. 7:21

Ani ketap ituŋanan ido ibore ŋini italeo, kerae ituŋanan ŋini italeo iŋes akitap, kori etyaŋ ŋolo italeo akitap, ido tonyam akiriŋ ŋina ka ainakinet a ŋina ke ekisil, ŋina einakinitae neni ke Ekapolon, emaikina ituŋanan ŋin kiritarae alotuŋa keŋ.’”

Agai 2:13

Kiŋit nai Agai ikes tema, “Ani mono ketap ituŋanan ŋini etapit ituŋanan ŋini etwanit apei a ŋamuja a ŋun, eruwor mono akimuj ŋin ŋina nyitaleoritae a?” Toboŋokis ŋisacaradotin temasi, “Ee, eruwor ŋina nyitaleoritae.”

Ekim. 19:22

Ibore daadaŋ ŋini etapi ituŋanan ŋini itoroniyaritae, eruwor ŋini itoroniyaritae ka ituŋanan daadaŋ ŋini etapi ŋiboro ŋulu abu ituŋanan ŋin totap, eruwor ŋini itoroniyaritae akitodol eboŋ.

Luk. 11:44

Ekaŋ iyes! Ikote iyes ŋalyalin ŋuna nyileereete, ŋuna icakacakaete ŋituŋa pa eyenete.”

2 Ŋikor. 6:17

Nabo, ebala Ekapolon, “Itemokino iyes toesikis ikes, totyakaros aneni kec. Nyitap idiobore ŋini nyeseg, ido ekejau ayoŋ iyes.

Ŋikis. 14:8

Nyinyama eguruye, anerae tari keyakar iŋes ŋigece ŋiarei, nyiyerununui akimuj kinyadot, itoroniyaritae iŋes aneni kus. Nyinyama akiriŋ a ŋityaŋ a ŋul, nyitapa tari kiryamut iyes ikes etwakito.