Ŋilep. 4:3 - Ebaibul

³ Ani kerae esacaradoti ŋolo Apolon nooi eseci, ido yau asecit keŋ ekaile lotuŋa, emaikina iŋes tolemu emoŋ ŋolosorokit, ŋolo ajokan, ŋolo emam neni eŋwalit, ido toar erae amuronot neni ke Ekapolon ŋinalemaret asecit keŋ.

Ŋilep. 4:3 Iomraidhean Croise

2 Ŋakiro a ŋirwa 29:21

Apotu ikes yaasi Kai ka Akuj ka anakwap a Yudaya ŋimoŋin ŋikanikaarei, ŋimesekin ŋikanikaarei, ŋikaalei ŋulumesekin ŋikanikaarei ka ŋikorwa ŋikanikaarei ikwapei ŋainakineta ŋuna elemarere asecit anapukan. Abu erwosit kicik ŋisacaradotin ŋulu arae ŋiletok ka Aron akiya ŋainakineta ŋun Namuroet ŋina ke Ekapolon.

Esir 8:35

Apaki ŋin, apotu ŋituŋa ŋulu aboŋunete anakwap a ŋina arikoritae ikes inakis ŋainakineta ŋuna epeyo neni ka Akuj a Isirael; inakis ikes ŋimoŋin ŋitomon ka ŋiarei aŋuna a Ŋisirael a daadaŋ, ŋimesekin ŋatomonikanikaomwon ka ŋikanikapei, ŋikaalei ŋulumesekin ŋatomonikanikaarei ka ŋikanikaarei, tosodi ikwapei ainakinet aŋuna ka asecit apotu ikes inakis ŋikorwa ŋitomon ka ŋiarei. Arae ŋul daadaŋ ŋainakineta ŋuna epeyo neni ke Ekapolon.

Awos. 29:14

Nai akiriŋ, ejamu ka ŋikujit ke emoŋ, emaikina kicuny alokiŋa alomar, ikwapei ainakinet ŋina elemarere asecit.

Awos. 29:21

Kedaun ŋun, tolemu ŋaokot ŋadi a Namuroet ka adiokimyet ŋina kiosa, towuatak neni ka Aron ka lolowi keŋ ta neni a ŋidwe keŋ a ŋulusapa ka lolowi kec. Epite ŋol iŋes eruworotor Aron ka ŋidwe keŋ ŋulusapa ta ŋilowi kec ŋulu italeuno.

Awos. 29:7

Kidau akitanap, tolemu akimyet ŋina ke etal tobukok nakou keŋ, kitaleu iŋes.

Awos. 30:10

Alotooma ekaru, emaikina Aron kitiya akitiyaet apei bon a Namuroet a ŋin etal ŋolo ka alemar ŋasecisya. Emaikina iŋes kiosak neni esibit ŋamomwar a Namuroet ŋaokot a ibarasit a ŋini eyaunitae aŋuna ka alemarya asecit. Emaikina kitiyae a ŋolokaru a nanyameta a daadaŋ. Emaikina Namuroet ŋin erae ŋina italeunitoe aŋuna kaŋ a Ekapolon.”

Esek. 40:39

Tooma agule ŋina ayai lopuke ŋol, ayakasi ŋimesae ŋiomwon, ŋiarei a ŋolowae, arae lomesae ŋul aarenenere ŋainakineta ŋuna epeyo, ŋuna a ŋasecisya ka ŋuna a akiilit anasecit.

Esek. 43:19

Ŋisacaradotin ŋulu alokabila a Lepi ŋulu erae ŋiletok a Sadok bon emaikina potu kiŋaren kaŋ akitiya etic kaŋ, ayoŋ Ekapolon Akuj ekecik iyoŋ ŋun. Emaikina iyoŋ inak ikes emoŋ ŋolosorokit yaut ikes neni kaŋ erae ainakinet ŋina ka asecit kec.

Esek. 44:27

Ani akoloŋit ŋina elosyo iŋes nakibois ŋina asegan analapatu a ŋina alotooma Akai ka Akuj anakibois a ŋina asegan, emaikina ya nen ainakinet keŋ aŋuna ka asecit.

Ŋilep. 1:10

Ani kerae ainakinet ŋin ŋina epeyo ŋina elemunitae alosipan a ŋakinei, a ŋamesekin, kori a ŋamee, emaikina tolemunae ibarasit ŋinimoŋ ŋini ajokan ŋini emam neni eŋwalit.

Ŋilep. 1:3

Ani kerae ainakinet ŋin ŋina epeyo ŋina elemunitae alosipan a ŋibaren, emaikina iŋes tolemu etaok ŋolo ajokan ŋolo emam neni eŋwalit; yau lopuke ŋolo ke eema a ŋolo ilipere, ikotere Ekapolon ecamuni aŋuna keŋ ibarasit ŋin.

Ŋilep. 16:11

“Elemuni Aron emoŋ erae ainakinet aŋuna ka asecit keŋ, ido tomookun elope bon ka tomooku ŋituŋa a ekal keŋ. Eari iŋes emoŋ ŋol aŋuna ka asecit keŋ.

Ŋilep. 16:3

Epite lo iŋes emaikina Aron elomarya nakibois ŋina asegan ŋin: Emaikina iŋes ya emoŋ ŋolosorokit ikwapei ainakinet aŋuna ka asecit ka emesek ikwapei ainakinet ŋina icunyio.”

Ŋilep. 16:5

Emaikina iŋes ya aneni a Ŋisirael ŋikorwa ŋiarei ikwapei ainakinet aŋuna ka asecit ka emesek epei ikwapei ainakinet ŋina epeyo

Ŋilep. 16:6

“Emaikina Aron tolemu ainakinet ŋina erae emoŋ aŋuna ka asecit keŋ, ido tomookun elope bon ka tomooku ŋituŋa a ekal keŋ.

Ŋilep. 4:14

Ani eyenunete ikes atemar ikisecit, emaikina atukot daadaŋ yau emoŋ ŋolosorokit ikwapei ainakinet aŋuna ka asecit. Emaikina emoŋ ŋol yaunae kiŋaren eema ŋolo ilipere.

Ŋilep. 4:23

Ani keyenu iŋes asecit keŋ ŋina itiyat, emaikina iŋes yau ikwapei ainakinet ekoroe ŋolo ajokan ŋolo emam neni eŋwalit.

Ŋilep. 4:28

Ani keyenu iŋes asecit keŋ ŋina itiyat, emaikina iŋes yau ameot ŋina ajokan ŋolo emam neni eŋwalit ikwapei ainakinet aŋuna ka asecit keŋ.

Ŋilep. 4:5

Emaikina nai esacaradoti ŋolo Apolon nooi ŋol tolemu ŋaokot ŋadi alomoŋ, ido ya loeema ŋolo ilipere,

Ŋilep. 5:6

Nai ikwapei akisicanet aŋuna ka asecit keŋ, emaikina iŋes yau neni ke Ekapolon akine ŋinaberu alosipan kerae amesek, kori ameot ikwapei ainakinet aŋuna ka asecit keŋ; tosodi nai esacaradoti tomooku ituŋanan ŋin anasecit keŋ.

Ŋilep. 6:18

Enyamete ŋisapa daadaŋ ŋulu erae ŋiletok ka Aron ŋamugati a ŋakirya a ŋun. Eruwor ŋol ekiner kec, ŋoloruba ananyameta kec a daadaŋ, anainakineta a ŋuna epeyo aŋuna ke Ekapolon. Ŋini daadaŋ etapi ŋainakineta ŋun, eruwor ŋini eseg.’ ”

Ŋilep. 8:12

Abu Moses kiwosak akimyet ŋin ace nakou ka Aron kitaleu iŋes.

Ŋilep. 9:2

Tema neni ka Aron, “Tolemu etaok ŋolo erae ainakinet aŋuna ka asecit ka emesek ŋolo erae ainakinet ŋina epeyo, emaikina ŋibaren ŋul erae ŋulu emam neni eŋwalit. Ya ikes neni ke Ekapolon ikwapei ainakinet.

Ŋilep. 9:3

Tolimok Ŋisirael ebe, ‘Tolemutu ekoroe erae ainakinet aŋuna ka asecit ka itaok ta emesek ŋuluarei ŋul erae ainakinet ŋina epeyo ŋina emam neni eŋwalit ka emaikina erae apolou kec ekaru epei.

Ekim. 16:22

Anenipei, toramakinos Moses ka Aron todolo ŋireetin kwap, ido temasi, “Okoe Akuj, Akuj ŋina a ŋitai a ŋituŋa a daadaŋ, iŋoikini iyoŋ ŋituŋa daadaŋ aŋuna ka asecit a ipeituŋanan a?”

Ekim. 8:8

Ekaku emaikina ikes tolemut etaok kaapei ka ainakinet ŋina a ŋikinyom ŋina erae ŋakirya ŋuna ajokak nooi ŋuna iguritoe ka akimyet, ido tolemu nabo iyoŋ etaok ece erae ainakinet aŋuna ka asecit.

Ŋirom. 8:3

Adau Akuj akitiya ibore daadaŋ ŋini pa apedorete Ŋikisila akitiya, anerae epalag ŋipitesyo a ituŋanan. Abu Akuj totubok asecit alotooma ituŋanan anakiyakuun Lokoku keŋ, ŋolo abu bu alokuwane a ŋolo a ituŋanan a ŋolo eyai asecit, alemarya asecit.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋibur. 5:3

Ido aŋuna epalagia iŋes daŋ, itemokino inak ŋamuronisya aŋuna a ŋasecisya keŋ, meere aŋuna a ŋasecisya a ŋituŋa bon.

Ŋibur. 9:12

Abu Kristo toloma loeema akitodol Nakibois ŋina Asegan nooi apeilomaret ŋina itemokino jik; pa atiŋit iŋes ŋaokot ŋuna a ŋamee ka ŋuna a ŋitak a ŋulu moŋin, nai abu toloma a ŋaokot keŋ ke elope, ido eyau alakuno yok ŋina a jik.