Ŋilep. 4:21 - Ebaibul

²¹ Ani kirikak ŋun, emaikina iŋes ya emoŋ kicuny alokiŋa alomar, lopite ŋolo abunio iŋes kicunyia ŋolo alemarere asecit alotuŋa.

Ŋilep. 4:21 Iomraidhean Croise

Esir 8:35

Apaki ŋin, apotu ŋituŋa ŋulu aboŋunete anakwap a ŋina arikoritae ikes inakis ŋainakineta ŋuna epeyo neni ka Akuj a Isirael; inakis ikes ŋimoŋin ŋitomon ka ŋiarei aŋuna a Ŋisirael a daadaŋ, ŋimesekin ŋatomonikanikaomwon ka ŋikanikapei, ŋikaalei ŋulumesekin ŋatomonikanikaarei ka ŋikanikaarei, tosodi ikwapei ainakinet aŋuna ka asecit apotu ikes inakis ŋikorwa ŋitomon ka ŋiarei. Arae ŋul daadaŋ ŋainakineta ŋuna epeyo neni ke Ekapolon.

Awos. 29:14

Nai akiriŋ, ejamu ka ŋikujit ke emoŋ, emaikina kicuny alokiŋa alomar, ikwapei ainakinet ŋina elemarere asecit.

Esek. 45:22

Akoloŋit ŋin, emaikina ekepukan tolemu aŋuna keŋ ka aŋuna a ŋituŋa a daadaŋ emoŋ ŋolosorokit ŋolo erae ainakinet aŋuna ka asecit.

Ŋilep. 16:15

“Ani irikakin ŋun, elemuni iŋes ekoroe ŋolo erae ainakinet aŋuna ka asecit a ŋituŋa, toar ya ŋaokot yaaye anaŋga, kisitiya lopite ŋolo abunio kisitiyaa ŋuna ke emoŋ: kipakak kiŋaren akibois ŋina ka akisyonio ka kiŋaren Asaduku ŋina ka Acamunet.

Ŋilep. 16:21

Kidokok ŋakan keŋ nakou a ekoroe a ŋol, kirwor neni a ekoroe a ŋol aronis daadaŋ ka aŋecanut ta ŋasecisya a Ŋisirael daadaŋ, kimyek pena nakou a ekoroe, ido nai tolemu ituŋanan tomyaa ekoroe ŋol nariet.

Ŋilep. 16:27

Emaikina yaarae kiŋa alomar emoŋ ka ekoroe ŋulu arae ŋainakineta aŋuna ka asecit, ŋulu aponi yaunae ŋaokot kec nakibois ŋina Asegan nooi amookya; emaikina kicunyae ejamu ka elou ka akiriŋ kec ta ŋiboro a ŋakokyes kec.

Ŋilep. 4:13

Ani kerae Ŋisirael daadaŋ esecete pa iredakinito, nyeyenete atemar abila ikes akiciket adio ŋina ke Ekapolon, tari daŋ pa keyenete ŋituŋa atemar itiyakina ŋun, esecito ikes.

Ŋilep. 4:20

Emaikina iŋes kitiya aŋuna ke emoŋ a lo ŋuna abu iŋes kitiya lomoŋ ŋolo arae ainakinet aŋuna ka asecit. Alopite a ŋol emookuni iŋes ŋituŋa anasecit kec, ido isyonio ikes.

Ŋilep. 6:11

Ani irikakini, tolaca nai ŋilowi ŋul, tonap ŋice, ya ekuron kiŋa alomar, nakibois ŋina italeunitoe ŋina asegan.

Ŋilep. 6:23

Ainakinet ŋina a ŋikinyom daadaŋ ŋina elemuni esacaradoti, itemokino kicunyae todaun; nyemaikina tonyamae.”

Ŋilep. 8:17

Nai abu iŋes ya ejamu ŋolo ke emoŋ, akiriŋ ka ŋiboro ka akook kicuny alokiŋa alomar, lopite ŋolo ecikitor Ekapolon iŋes.

Ekim. 15:24

ani pa kiredakinitae akitiya ŋun nyeyeni atukot, einakini atukot daadaŋ ibarasit ŋinisorokit erae ainakinet ŋina epeyo, ŋina ebob eure keŋ aneni ke Ekapolon, yaunae kaapei ka ainakinet keŋ ŋina a ŋikinyom ta ainakinet ŋina a ŋimaten, ikwapei etubunitere; emaikina yaunae ekoroe ikwapei ainakinet aŋuna ka asecit.

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋibur. 13:11

A ŋolokaru, ayaununui Esacaradoti ŋolo Apolon nooi ŋaokot ŋuna a ŋibaren tooma Nakibois ŋina Asegan, ikotere einakini erae amuronot aŋuna a ŋasecisya a ŋituŋa; nai ecunyanaryo akiriŋ a ŋibaren a ŋul alokiŋa aneni pa eboiyoto ŋituŋa.