Ŋilep. 4:15 - Ebaibul

¹⁵ Tosodo nai ŋikasikou kidokokis ŋakan kec nakou ke emoŋ alokiŋaren Ekapolon, ido nai toarae emoŋ a nen alokiŋaren Ekapolon.

Ŋilep. 4:15 Iomraidhean Croise

2 Ŋakiro a ŋirwa 29:23

Ani eruwor ŋikorwa ŋulu ayaunitae erae ainakinet ŋinalemaret asecit, apotu ŋisacaradotin yaut kiŋaren erwosit ka ŋituŋa, ido apotu ŋituŋa ka erwosit kidokokis ŋakan kec kidiama ŋikorwa ŋul.

Awos. 24:1

Tema nai Akuj neni a Moses, “Kitipeutu lomoru neni ke Ekapolon iyoŋ ka Aron, Nadab ka Abiu ta ŋikasikou a Ŋisirael ŋatomonikanikaarei. Emaikina iyes kilipa neni kaŋ ilwaka;

Awos. 24:9

Toloto nai Moses ka Aron, Nadab ka Abiu ta ŋikasikou a Ŋisirael ŋatomonikanikaarei kidiama emoru.

Ŋilep. 1:3

Ani kerae ainakinet ŋin ŋina epeyo ŋina elemunitae alosipan a ŋibaren, emaikina iŋes tolemu etaok ŋolo ajokan ŋolo emam neni eŋwalit; yau lopuke ŋolo ke eema a ŋolo ilipere, ikotere Ekapolon ecamuni aŋuna keŋ ibarasit ŋin.

Ŋilep. 1:4

Emaikina ituŋanan ŋin kidokok akan keŋ nakou ka ainakinet a ŋina epeyo a ŋin, ikotere Ekapolon ecamuni ainakinet ŋin tomookunere iŋes asecit keŋ.

Ŋilep. 16:21

Kidokok ŋakan keŋ nakou a ekoroe a ŋol, kirwor neni a ekoroe a ŋol aronis daadaŋ ka aŋecanut ta ŋasecisya a Ŋisirael daadaŋ, kimyek pena nakou a ekoroe, ido nai tolemu ituŋanan tomyaa ekoroe ŋol nariet.

Ŋilep. 4:16

ya nai esacaradoti ŋolo Apolon nooi ŋaokot ke emoŋ ŋadi loeema ŋolo ilipere,

Ŋilep. 4:4

Emaikina iŋes yau emoŋ kiŋaren Ekapolon lopuke ŋolo ke eema a ŋolo ilipere, kidokok akan keŋ nakou ke emoŋ, ido toarak nen kiŋaren Ekapolon.

Ŋilep. 8:14

Toriku Moses kiŋaren emoŋ ŋolo arae ainakinet aŋuna ka asecit, ido apotu Aron ka ŋidwe keŋ ŋulusapa kidokokis ŋakan kec nakou ke emoŋ a ŋol,

Ŋilep. 8:18

Toriku nai Moses kiŋaren emesek ŋolo erae ainakinet ŋina epeyo. Kidokokis Aron ka ŋidwe keŋ ŋulusapa ŋakan kec nakou ke emesek a ŋol,

Ŋilep. 8:22

Toriku nai Moses emesek ŋolo a ŋiarei kiŋaren, arae emesek ŋol ŋolo ituruworere ituŋanan esacaradoti. Apotu Aron ka ŋidwe keŋ ŋulusapa kidokokis ŋakan kec nakou a emesek a ŋol,

Ekim. 11:16

Abu nai Ekapolon tolimok Moses tema, “Tocunak aŋuna kaŋ, ŋikasikou ŋatomonikanikaarei alotuŋa a Ŋisirael, ŋikasikou ŋulu iyeni iyoŋ atemar erae ŋikatukok a ŋituŋa ka epolokinito ŋituŋa, yau ikes loeema ŋolokilipet kiboikinos kaapei ka iyoŋ.

Ekim. 11:25

Abu nai Ekapolon totiyaun eyai lodou kirwor neni a Moses, tolema etau keŋ edyo aneni a Moses inak neni a ŋikasikou a ŋulutomonikanikaarei, ani emini etau a Ekapolon neni kec, apotu ikes todwara. Nai nyedwara ikes nabo.

Ekim. 8:10

Apaki ŋina iyaunia iyoŋ ŋilepi kiŋaren Ekapolon, emaikina Ŋisirael kidokokis ŋakan kec neni a ŋilepi,

Ekim. 8:12

Idokokinete nai ŋilepi ŋakan kec nakyes a ŋimoŋin, ido inak Aron ŋimoŋin ŋul neni ke Ekapolon, epei erae ainakinet aŋuna ka asecit, epei erae ainakinet ŋina epeyo aŋuna ka amookunia ŋilepi.