Ŋilep. 3:17 - Ebaibul

¹⁷ Emaikina nu toruworos etal ananyameta kus a daadaŋ ka anakiboisyo kus a daadaŋ: Nyemaikina iyes tonyama asepwae adio, kori tonyama ŋaokot ŋadi.

Ŋilep. 3:17 Iomraidhean Croise

Akisy. 9:4

Nai nyinyama akiriŋ eyakasi ŋaokot, nyiira ŋaokot tari anakiriŋ.

2 Ŋakiro a ŋirwa 29:35

Alalak nooi ŋainakineta ŋuna epeyo, ayakasi daŋ nen ŋasepwa a ŋainakineta a ŋuna ke ekisil ka ŋimaten ŋulu emoriyaritae kaapei ka ŋainakineta ŋuna epeyo. Ani irikakin ŋun, aponi toboŋokinoe nabo akilip alo Kai ke Ekapolon.

Neem. 8:10

Tolimok nai Neemia ikes tema, “Toloto tokona lorerya kus kimuja ŋamuja ŋuna ajokak ka tomata epiini ŋolo abobon, ido inakis ŋamuja ŋun ŋace neni a ŋulu emam ibore etemokinito akimuj, anerae erae akoloŋit na ŋina eseg aneni ke Ekapolon yok, nyiyaloloŋo, ikitogogoŋi iyes alelyanu ŋina ke Ekapolon.”

Awos. 27:21

Emaikina Aron ka ŋidwe keŋ ŋulusapa kidara ŋitaae enokete ŋinapei eboŋ tari taparacu alokiŋaren Ekapolon, anakibois a ŋina ilipere a ŋina ayaaye anaŋga alokiŋaren Eema. Emaikina nu toruwor etal ŋolo erae eruba aneni a Ŋisirael tari a ananyameta a ŋuna eponito.

Awos. 28:43

Emaikina Aron ka ŋidwe keŋ ŋulusapa tonapa ŋilowi ŋul ŋapakio daadaŋ ŋuna elomaryata ikes tooma Eema ŋolo iryamununosi ikes; kori ŋapakio ŋuna eapiyaryata ikes Namuroet elosete akitiya anakibois a ŋina Asegan. Erae ŋun ikotere nyebu asecenu nen, ido totwaka ikes aŋuna eleryoto. Emaikina ŋun toruwor etal ŋoloruba aneni ka Aron ka ŋiletok keŋ.”

Esek. 33:25

Aŋun, tolimok ikes ebe, ‘Alimu Ekapolon Akuj atemar, inyamete iyes akiriŋ eyakasi ŋaokot, ido erae neni a ŋakujo ikinyomito iyes ka iarete ŋuluce; ipedorete kire iyes aryamun akwap ŋina eruwor ŋina kus a?

Esek. 44:15

“Nai ŋisacaradotin ŋulu alokabila a Lepi torae ŋiletok a Sadok, ŋulu apotu anakikinyomit ayoŋ kitiyata ŋiticisyo ŋulu ka akibois a ŋina asegan apaki ŋina a ŋeryoto Ŋisirael akiwuap ayoŋ, ikes emaikina toapuut neni kaŋ kitiyata etic kaŋ alokiŋaren kaŋ. Emaikina ikes towua alokiŋaren kaŋ, okoinakis ayoŋ ŋasepwa ka ŋaokot a ŋainakineta.

Esek. 44:7

Ŋace ŋuna iatakis iyes nasiilyo kus ikes nu, iyaut iyes nakibois kaŋ ŋina asegan ŋituŋa ŋulugelaanotin ŋulu nyileŋeritae, ŋituŋa ŋulu nyekewuapito ayoŋ, elomete ŋituŋa ŋul akiyany Akai ka Akuj eriŋa iyes iyaunito neni kaŋ akimuj kaŋ, asepwae ka ŋaokot a ŋainakineta. Iŋero iyes acamunet kaŋ ka iyes anakitiya asiilyo kus ŋin daadaŋ.

Ŋilep. 10:15

Emaikina yaunae neni kon amuro ŋina erae ekiner kon ka atorobu ŋina ikyaanaryo, yaunae kaapei ka ŋasepwa a ŋainakineta a ŋuna epeyo, ikotere kiyaanarae alokiŋaren Ekapolon. Eruwor ŋinerin ŋul ŋulu kon ka ŋidwe kon ŋikaru ka ŋikaru, lopite ŋolo adaunia Ekapolon alimun.”

Ŋilep. 10:9

“Nyemaikina iyoŋ ka ŋidwe kon ŋulusapa apaki ŋina ilomaryata loeema ŋolo ilipere tomata epiini, kori ŋagwe ŋadi ŋuna adwarak. Ani kitiyata ŋun, itwakete. Erae ŋol etal ŋolo a ŋikaru ka ŋikaru tari ananyameta a ŋuna eponito.

Ŋilep. 16:29

“Emaikina iyes kiwuapa ŋakiro ŋuna etubunitoe nu ŋikaru ka ŋikaru: Ani edoli ŋirwa ke elap ŋitomon, elap ŋolo a ŋikanikaarei, emaikina iyes kiredakis akiron, ido nyitiyata etic edio; kiraakasi Ŋisirael ŋulu ikiurito Ŋisirael, kori ŋigelanotin ŋulu iboiyete kaapei ka Ŋisirael;

Ŋilep. 16:34

Emaikina iyes torubakis iwuapito ŋakiro ŋuna etubunitoe ŋun ŋikaru ka ŋikaru. Emaikina iyes tomookete Ŋisirael a ŋolokaru aŋuna a ŋasecisya kec amookunet epei.” Abu nai Moses kitiya ŋun lopite ŋolo ecikitor Ekapolon iŋes.

Ŋilep. 17:7

Nyemaikina Ŋisirael yaasi ŋainakineta kec inakis neni a ŋipyan a ŋulu esibito ŋamee a ŋulu ituruwosi ikes ŋimalaanotin. Emaikina ŋakiro ŋun toruwor etal ŋoloruba aŋuna kec ka aŋuna a ŋanyameta a ŋuna eponito.’

Ŋilep. 19:26

“‘Nyinyama akiriŋ a ityaŋ, kori a ibarasit a ŋini nyeŋolitae toitasi ŋaokot. Nyemaikina iyes toruworos ŋimurok, kori ŋikekukujak.

Ŋilep. 23:14

Nyemaikina iyes tonyama amugati adio, kori ekinyomit edio ŋolokitete epeitoe, kori ejon, akitodol akoloŋit ŋina iyauniata iyes ŋainakineta ŋun neni ka Akuj kus. Erae ŋun ŋakiro ŋuna etubunitoe ŋuna a ŋikaru ka ŋikaru ananyameta kus a daadaŋ ka aneni daadaŋ iboiyoto iyes.

Ŋilep. 23:21

Akoloŋin ŋin, emaikina kiserata ŋakiro ŋuna a ŋasuban, tocunakinos iwapei kilipa irae ŋulu asegak; nyilot loticisyo kus akitiya. Erae ŋun ŋakiro ŋuna etubunitoe ŋuna a ŋikaru ka ŋikaru ananyameta kus a daadaŋ ka aneni daadaŋ iboiyoto iyes.

Ŋilep. 24:3

Emaikina Aron kinokak etaa ŋol alotooma eema ŋolo ilipere, alokiŋa anaŋga ŋina iteriboorit Asaduku ŋina ka Acamunet. Emaikina etaa ŋol tonok alokiŋaren Ekapolon ŋarwa daadaŋ, eboŋ kiwala. Erae ŋun ŋakiro ŋuna etubunitoe ŋuna a ŋikaru ka ŋikaru ananyameta kus a daadaŋ a ŋuna eponito.

Ŋilep. 24:9

Erae ŋamugati ŋun ŋuna ka Aron ka ŋidwe keŋ ŋulusapa, emaikina ikes kimuja ŋamugati ŋun anakibois a ŋina asegan, anerae erae ŋun ainakinet kec apei ŋina asegan nooi anainakineta a ŋuna epeyo neni ke Ekapolon. Erae ŋun ŋuna emaikina ikes toryamununeete ŋikaru ka ŋikaru.”

Ŋilep. 3:16

Epedori nai esacaradoti akicuny ŋinerin ŋul daadaŋ alokidiama namuroet ikwapei akimuj ka ainakinet ŋina epeyo, ŋina ebob eure keŋ aneni ke Ekapolon. Emaikina asepwae daadaŋ erae ŋina ke Ekapolon.

Ŋilep. 4:1

Tema Ekapolon neni a Moses,

Ŋilep. 6:15

Emaikina esacaradoti tomuk ŋakirya ŋuna ajokak ŋadi ileleba akan, tolemu akimyet kaapei ke ekinyate ŋolo idokokinitoe nainakinet ŋin, yaasi ainakinet ŋin ŋina ke etal, kicunya alokidiama namuroet, erae ainakinet ŋina ebob eure aneni ke Ekapolon.

Ŋilep. 6:18

Enyamete ŋisapa daadaŋ ŋulu erae ŋiletok ka Aron ŋamugati a ŋakirya a ŋun. Eruwor ŋol ekiner kec, ŋoloruba ananyameta kec a daadaŋ, anainakineta a ŋuna epeyo aŋuna ke Ekapolon. Ŋini daadaŋ etapi ŋainakineta ŋun, eruwor ŋini eseg.’ ”

Ŋilep. 6:22

Emaikina lokoku ka Aron ŋolo ilunyokin neni ka Aron aruwor esacaradoti ŋolo Apolon nooi kipo ŋamugati ŋun. Erae ainakinet ŋin ŋinaruba ŋina emaikina inanakinetei Ekapolon, ido itemokino kicunyae todaun.

Ŋilep. 7:23

“Tolimok Ŋisirael atemar, ‘nyemaikina iyes tonyama asepwae ŋina ke emoŋ, kori ka amesek, kori ka ameot.

Ŋilep. 7:34

Adau ayoŋ alemar anainakineta a Ŋisirael a ŋuna ke ekisil, atorobu a ibarasit a ŋini ikyaanaryo amuro ŋina aloteten ikwapei ŋainakineta ŋuna emaikina toryamu. Ainak ayoŋ ŋinerin ŋul neni ka Aron ke esacaradoti ka ŋidwe keŋ ŋulusapa ikwapei ŋinerin ŋulu emaikina ikes toryamununeete aneni a Ŋisirael a ŋinapaki.’ ”

Ŋilep. 7:36

Abu Ekapolon kicik Ŋisirael ainanakin ŋisacaradotin ŋinerin ŋul apaki ŋina ituruworere ikes ŋisacaradotin, kituruwo ŋinerin ŋul ŋulu emaikina ikes toryamununeete ananyameta kec a daadaŋ.

Ekim. 19:21

Eruwor ŋun ŋakiro ŋuna etubunitoe, ŋuna emaikina kiwuapae ŋikaru ka ŋikaru. Ituŋanan ŋini ewuasi ŋakipi ŋunakitaleet, emaikina kilota ŋilowi keŋ, ido ituŋanan daadaŋ ŋini etapi ŋakipi ŋunakitaleet, eruwor ŋini itoroniyaritae akitodol eboŋ.

Mat. 16:24

Tolimok nai Yesu ŋikeekasyomak tema, “Ŋinituŋanan ecamit akiwuapakin ayoŋ, itemokino toŋero bon, toryoŋ emusalaba keŋ, ekewuapak ayoŋ.

Mat. 26:28

anerae erae nugu ŋaokot kaŋ, ŋaokot ŋuna ka Acamunet, ŋuna ebukoritae ikotere ŋulu alalak isyoniyo ŋasecisya.

Ŋitic. 15:29

itemokino iyes toesikis akinyam ŋamuja ŋuna einakinitae nakujo, ŋaokot, ediotyaŋ ŋolo emyeditae ka akitiya amalao. Ani kicoikis iyes ŋun, itiyaete ejok. Ikianyun.”

Ŋiep. 1:7

Anerae ikituruwor iwon ŋulu ikilakuna a ŋuna a ŋaokot a Kristo, a ŋuna aponi tobukoroe alomusalaba; iŋes nai atemar esyoni ŋasecisya yok. Alopite a ŋol, ikitoodik Akuj iwon epite ŋolo epoloo nooi ajokis keŋ.

Ŋiep. 5:26

Abu Kristo kitiya ŋun aŋuna ka ainakin ikes neni ka Akuj, kedau akitesegun ikes a ŋakipi a ŋuna ke ebatisimu ka alotooma akirot keŋ;

Ŋikis. 12:16

Nai nyemaikina iyes tonyama ŋaokot, tobukokisi ikes nalup ikwa ŋakipi.

Ŋikis. 12:23

Nai tocoito inyamete ŋaokot, anerae erae ŋaokot ibore ŋini kiteyari, akiyar, tosodi nyemaikina iyes tonyama ibore ŋini ikiteyari kaapei ka akiriŋ.

Ŋikis. 12:24

Nyinyama jik ŋaokot, emaikina iyes tobukokis kwap ikwa ŋakipi.

Ŋikis. 15:23

Nyemaikina nai iyes tonyama ŋaokot kec, tobukokisi nalup ikwa ŋakipi.

Ŋikis. 32:14

Abu Ekapolon kitanu Ŋisirael a elabo a ŋakile a ŋaatuk ka a ŋakile a ŋuna a ŋakinei, a asepwae a ŋikaalei a ŋulumesekin ka a ŋina a ŋimesekin, a ŋimoŋin ka a ŋikora a akwap a Basan ka a ŋakirya a ŋaganoi a ŋuna ajokak, ido ipotu iyes tomata epiini ŋolo ajokan ŋolo acuunio anaraito a epiini.

1 Tim. 4:4

Ejok ibore daadaŋ ŋini abu Akuj tosub, emam ibore ŋini itemokino toŋeroe, erae kijaunitae ka alakara aneni ka Akuj;