Ŋilep. 3:11 - Ebaibul

¹¹ Epedori nai esacaradoti akicuny ŋinerin ŋul daadaŋ alokidiama anamuroet ikwapei akimuj ka ainakinet ŋina epeyo ŋina einakinitae Ekapolon.

Ŋilep. 3:11 Iomraidhean Croise

Ŋikiru. 22:14

Apapanu ayoŋ ka acaryoon ikwa ŋakipi ŋuna ebukoryo, nyeriŋa ŋakoyo kaŋ daadaŋ erucokina neni sek eruconokina; ali etau kaŋ ekwaanikin ka amanok ŋina elii imadakinio nakim;

Esek. 44:7

Ŋace ŋuna iatakis iyes nasiilyo kus ikes nu, iyaut iyes nakibois kaŋ ŋina asegan ŋituŋa ŋulugelaanotin ŋulu nyileŋeritae, ŋituŋa ŋulu nyekewuapito ayoŋ, elomete ŋituŋa ŋul akiyany Akai ka Akuj eriŋa iyes iyaunito neni kaŋ akimuj kaŋ, asepwae ka ŋaokot a ŋainakineta. Iŋero iyes acamunet kaŋ ka iyes anakitiya asiilyo kus ŋin daadaŋ.

Ŋilep. 21:17

“Tolimok Aron ebe, ‘Ananyameta a ŋuna eponito, mam ipei daŋ alopapae kon a ŋulu eŋwalit iwadio, ŋini emaikina toapu neni kaŋ, yau akimuj ŋina ka Akuj keŋ.

Ŋilep. 21:6

Emaikina ikes erae ŋulu esegak aneni ka Akuj kec, ido nyemaikina ikes kiyanya ekiro ka Akuj kec, anerae ikes eayeneneete neni ka Akuj ŋainakineta ŋuna epeyo, akimuj ŋina ka Akuj kec, aŋun, emaikina ikes erae ŋulu esegak.

Ŋilep. 21:8

Emaikina iyes kitopoloorito ŋisacaradotin erae ŋulu esegak, anerae ikes eayeneneete akimuj ŋina ka Akuj kus. Kitopoloorito ikes erae ŋulu esegak, anerae ayoŋ Ekapolon ŋolo eketuruwonori iyes ŋulu isegak, arae ŋolo aseg.

Ŋilep. 22:25

ido nyicamut ŋibaren ŋulu ikote ŋul eaunete ŋigelaanotin inakis Ekapolon erae akimuj neni ka Akuj kus. Nyecamunio ŋibaren ŋul aŋuna kus, anerae iŋwalitae, ido eyakatar neni eŋwalit.’ ”

Ŋilep. 3:16

Epedori nai esacaradoti akicuny ŋinerin ŋul daadaŋ alokidiama namuroet ikwapei akimuj ka ainakinet ŋina epeyo, ŋina ebob eure keŋ aneni ke Ekapolon. Emaikina asepwae daadaŋ erae ŋina ke Ekapolon.

Ŋilep. 3:5

Emaikina nai ŋidwe ka Aron ŋulusapa kicunya ŋinerin ŋul alokidiama namuroet, kaapei ka ainakinet ŋin ŋina ikaca nakito anakim, ŋina emaikina kicunyae ikwapei ainakinet ŋina epeyo, ŋina ebob eure keŋ aneni ke Ekapolon.

Mal. 1:12

Nai iyanyete iyes ekiro kaŋ apaki ŋina irworotor atemar erae Namuroet ke Ekapolon acaryoit ka apaki ŋina iyauniata iyes nen ŋamuja ŋuna ijamuwarito iyes.

Mal. 1:7

Epite lo iŋes ikijamuwaryata iyes ayoŋ, iyaununete iyes ŋamuja ŋuna nyejokak Namuroet kaŋ, ido ibasi iŋitasi, ‘Alipite ikimyekinia isua akerit iyoŋ?’ Akalimokini, nyikikerito iyes ayoŋ alopite a ŋolo itamyata iyes atemar mam aronis tari pa kekeritae Namuroet ŋina ke Ekapolon.

Ekim. 28:2

“Kicik Ŋisirael daadaŋ, tolimok ikes ebe, ‘Emaikina iyes yaut neni kaŋ anapaki a ŋina etubunitoe ŋainakineta ŋuna epeyo ŋuna a ŋamugati aŋuna ebob eure kec aneni kaŋ.’”

Ekim. 28:24

Alopite a ŋolopei a ŋol emaikina iyes yaut a ŋinakoloŋit alotooma ŋirwa ŋikanikaarei, akimuj ŋina epeyo ŋina erae ainakinet ŋina ebob eure aneni ke Ekapolon, einakinio iŋes kaapei ka ainakinet ŋina epeyo ŋina a ŋinakoloŋit ta ainakinet ŋina a ŋimaten.

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?

1 Ŋikor. 10:21

Nyipedorete iyes akimat alokopo a ŋolo ke Ekapolon, ido tomata alokopo a ŋolo a ŋipyan daŋ. Nyipedorete iyes akimuj alomesa a ŋolo ke Ekapolon, ido kimuja alomesa a ŋolo a ŋipyan daŋ.

Akis. 3:20

Kiira! Awuoi ayoŋ alokek, ekoŋikoŋi. Ani kiira ituŋanan etoil kaŋ, ido toŋaa ekek, alomuni ayoŋ neni keŋ, emuja ka iŋes ka ikimuji iŋes ka ayoŋ.