Ŋilep. 3:1 - Ebaibul

¹ Ani kerae ainakinet amuronot ŋina ke ekisil, ido tolemu ituŋanan ibarasit alosipan, kerae ŋinimoŋ, kori ŋiniberu, emaikina ituŋanan ŋin yau neni ke Ekapolon ibarasit ŋini ajokan, ŋini emam neni eŋwalit.

Ŋilep. 3:1 Iomraidhean Croise

1 Ŋakiro a ŋirwa 21:26

Abu Daudi todukok Namuroet a Ekapolon nen, ido inak Ekapolon ŋainakineta ŋuna epeyo ka ŋuna ke ekisil. Kilip Daudi neni ke Ekapolon, ido abu Ekapolon toboŋok ŋakilipasinei keŋ, kiyaku akim anakuj, min Namuroet ŋina a ŋainakineta a ŋuna epeyo.

Awos. 20:24

Emaikina iyes kitiyaut a ŋalup Namuroet aŋuna kaŋ, ido inanakis ŋainakineta kus neni kaŋ a nen, ŋainakineta kus ŋuna a ŋamesekin ka ŋimoŋin ŋuna epeyo ka ŋuna ke ekisil. Abuni ayoŋ akiterereŋ iyes anakibois a daadaŋ a ŋina akainakini ayoŋ iyes akilipya ayoŋ.

Awos. 24:5

Ani kedau ŋun, abu kiyakiya ŋisorok a Ŋisirael, toloto ŋul inakis Ekapolon ŋainakineta ŋuna epeyo ka ŋamuronisya ŋuna a ŋimoŋin a ŋulu apolounok ikwapei ŋainakineta ŋuna ka akimorikina ke Ekapolon.

Awos. 29:28

Emaikina Ŋisirael inanakis Aron ka ŋidwe keŋ ŋulusapa ŋinerin ŋul ŋapakio daadaŋ. Erae ŋinerin ŋul ainakinet a Ŋisirael neni ke Ekapolon alotooma ŋiboro ŋulu einanakinete ikes Ekapolon epote akilip kaapei.

Ŋakit. 7:14

“Ikiyakar ayoŋ kai kaŋ amuronot ŋina a ekisil, esiyookini ayoŋ nakoloŋit na ŋuna adau akikoŋ.

Esek. 43:27

Ani elunyarosi ŋirwa ŋul, edoli ŋirwa ŋikanikauni tomyaa kiŋaren, emaikina ŋisacaradotin yaut ŋainakineta kus ŋuna epeyo, ŋuna a ekisil, Kiwuakis kidiama namuroet. Alimu Ekapolon Akuj atemar, apaki ŋin nai akacamunia ayoŋ iyes Ŋisirael.”

Esek. 45:15

Amesek apei alotooma ŋamesekin ŋamiae ŋaarei a ŋinadakari a Ŋisirael. Emaikina iyes yaut ŋainakineta a ŋuna a ŋikinyom ka a ŋuna a ŋibaren, toruwor ikes ŋainakineta ŋuna epeyo ka ŋuna ekisil, ikotere ikimookunere iyes anasecit kus.

Ŋilep. 1:10

Ani kerae ainakinet ŋin ŋina epeyo ŋina elemunitae alosipan a ŋakinei, a ŋamesekin, kori a ŋamee, emaikina tolemunae ibarasit ŋinimoŋ ŋini ajokan ŋini emam neni eŋwalit.

Ŋilep. 1:3

Ani kerae ainakinet ŋin ŋina epeyo ŋina elemunitae alosipan a ŋibaren, emaikina iŋes tolemu etaok ŋolo ajokan ŋolo emam neni eŋwalit; yau lopuke ŋolo ke eema a ŋolo ilipere, ikotere Ekapolon ecamuni aŋuna keŋ ibarasit ŋin.

Ŋilep. 17:5

Erae ŋun ikotere Ŋisirael eyaunete neni ke Ekapolon ŋamuronisya kec ŋuna earete ikes anariet. Emaikina ikes yaut neni ke esacaradoti lopuke ke eema a ŋolo ilipere, inakis Ekapolon erae ŋainakineta ŋuna ke ekisil.

Ŋilep. 3:6

Ani kerae ainakinet neni ke Ekapolon amuronot ŋina ke ekisil, ido tolemu ituŋanan alosipan a ŋamesekin keŋ, ibarasit ŋinimoŋ, kori ŋiniberu emaikina erae ŋini ajokan ŋini emam neni eŋwalit.

Ŋilep. 9:18

Toar Aron emoŋ ke emesek erae ainakinet a ŋituŋa ŋina ke ekisil. Inakis ŋidwe keŋ ŋulusapa iŋes ŋaokot ŋuna abu iŋes, kipakak iŋes lowaetin ŋulu a namuroet daadaŋ.

Ŋilep. 9:4

Tolemutu emoŋ ke emesek erae ainakinet ŋina ke ekisil ŋina earyo alokiŋaren Ekapolon; yautu ŋainakineta ŋuna a ŋikinyom imorikinitae ka akimyet, anerae ebuni Ekapolon neni kus nakoloŋit na.’ ”

Amos 5:22

Tari kiyaut iyes neni kaŋ ŋainakineta kus ŋuna epeyo ka ŋuna a ŋikinyom, nyacamuni ayoŋ ikes, tari ŋainakineta kus ŋuna ke ekisil nyeketalakarete ayoŋ.

Mal. 1:14

Ilamam ituŋanan ŋini emodiyana, ŋini ani kiik ainakin ayoŋ ibarasit ŋini ajokan alosipan keŋ, yau neni kaŋ ibarasit ŋini nyejok; arae ayoŋ Erwosit ŋolo apol akilo ŋuluce, ido itopolooritae ekiro kaŋ anakwapin.”

Mal. 1:8

Ani mono ŋina iyauniata iyes ibarasit ŋini emudukana ikwapei amuronot neni kaŋ, nyeroko mono ŋakiro ŋun a? Ani mono ŋina iyauniata iyes ŋibaren ŋulu icodosi, kori edyakasi, nyeroko mono ŋakiro ŋun a? Kikatakisi mono iyes ainakin ŋul neni ke erwosit kus; elakar mono iŋes a ŋuna kus kori iruwori mono iyes ŋulu ajokak aneni keŋ a?

Ekim. 15:8

Ani ilemunete iyes emoŋ erae ainakinet neni ke Ekapolon ŋina epeyo, kori amuronot aŋuna ka akisiyookinio akikoŋet, kori erae ainakinet ŋina ke ekisil,

Ekim. 6:14

ido inakis ainakinet kec neni ke Ekapolon, inakis ikale ipei ŋinimesek ŋinimoŋ ŋini erae apolou keŋ ekaru epei, ŋini ejok, ŋini emam neni eŋwalit erae ainakinet ŋina epeyo,

Ekim. 7:17

ka aŋuna ka amuronot a ŋina ke ekisil abu Nason inak ŋimoŋin ŋiarei, ŋimeesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta a Nason alokoku ka Aminadab.

Ekim. 7:59

ka aŋuna ka amuronot a ŋina ke ekisil, abu Elisama inak ŋimoŋin ŋiarei, ŋimeesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta a Gamaliel alokoku a Pedasur.

Ŋikis. 12:27

Emaikina iyes inakis ŋainakineta kus ŋuna epeyo akiriŋ kaapei ka ŋaokot namuroet ŋina ke Ekapolon Akuj kus, nai ŋaokot ŋuna a ŋamuronisya kus a ŋunace tobukokisi kwap diyete namuroet ŋina ke Ekapolon Akuj kus, ido ipedorete iyes akinyam akiriŋ.

Ŋikol. 1:20

Abu daŋ iŋes alotooma Lokoku tolakari tocamu akisil ka ŋituŋa daadaŋ anakwapin. Abu Akuj kitiyau ekisil alotooma atwanare a Lokoku keŋ alomusalaba, ido abu kinyaku neni keŋ ŋiboro daadaŋ ŋulu alokwap ka ŋulu alokidiama.

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

1 Yoa. 1:3

Ŋuna ikiŋolik ka ikiira ikes ikiserae isua neni kus, ikotere iyes daŋ ikimorikin ka isua. Ikimorikina isua ka Papa ta Lokoku keŋ Yesu Kristo.

Ŋikat. 20:26

Toloto nabo Ŋisirael daadaŋ Besel kigworo neni ke Ekapolon iboiyete a nen, kiredakis akiron akoloŋit ŋin akitodol eboŋ. Inanakis nai alo kiŋaren Ekapolon ŋainakineta ŋuna epeyo ka ŋamuronisya ŋuna ke ekisil.

Ŋikat. 21:4

Akoloŋit ŋina atupakini, tokyenyut ŋituŋa taparacu sek todukokis namuroet nen, ido inakis ŋainakineta ŋuna epeyo ka ŋamuronisya ŋuna ke ekisil.