Ŋilep. 27:28 - Ebaibul

²⁸ “‘Nai ibore daadaŋ ŋini ayakar ituŋanan, ŋini adau ituŋanan akitaleikin neni ke Ekapolon, kerae ituŋanan, ibarasit, kori ŋalup ŋadi ŋuna a ekal keŋ, nyemaikina togyelarae, kori tolakunae. Eseg ibore daadaŋ ŋini italeiyoritae neni ke Ekapolon.

Ŋilep. 27:28 Iomraidhean Croise

2 Ŋakiro a ŋirwa 31:14

Aponi Kore lokoku a Imina a Elepait a ŋolo ete epuke ka Akai ka Akuj ŋolo enyaritae epuke ŋolo alo Kide kiwuakinae akijaunun ŋainakineta ŋuna eyaunite ŋituŋa anacamit kec neni ke Ekapolon ka akoranar ŋainakineta ŋun ta ŋuna etaletoi.

Awos. 22:20

“Ituŋanan daadaŋ ŋini einakini amuronot keŋ neni ka akuj ka ace akilo Ekapolon bon, emaikina toarae.

Esek. 44:29

Emaikina ikes tonyama ŋainakineta ŋuna eaunete ŋituŋa ikwapei ainakinet ŋina a ŋikinyom, ainakinet aŋuna ka asecit, ainakinet aŋuna ka akiilit anasecit ka ibore daadaŋ alo Isirael ŋini italeunitoe, eruwor ŋini a ŋisacaradotin.

Esek. 48:14

Nyemaikina ikes togyelasi, kori kilocosi iwadio anakibois a ŋin; nyemaikina kipotosi akibois ŋina eseunitae anakwap ŋin, anerae erae ŋina asegan ka erae ŋina a Ekapolon.

Ŋilep. 21:22

Epedori ipapait ŋin akinyam akimuj ka Akuj ŋina asegan nooi, kaapei ka ŋamuja ŋunace ŋuna asegak.

Ŋilep. 27:21

Ani kipotokin ŋalup ŋun alokaru a ŋolo a ŋatomonikan neni ke Ekapolon eruwor ŋalup ŋun ŋuna esegak ŋuna erae ainakinet neni a ŋisacaradotin.

Ŋilep. 27:27

Ani pa kejok ibarasit ŋinikiyae ŋin aŋuna ke Ekapolon, epedori ituŋanan agyelun iŋes aneni ke Ekapolon alotyae a ŋolo sek etubunitoe, kiyatak lobei ŋol atutubet apei alotooma ŋikan. Ani pa kepedori iŋes alakun ibarasit ŋin, emaikina togyelarae neni a ice alotyae a ŋolo sek etubunitoe.

Ŋilep. 27:29

Nyemaikina ituŋanan ŋini adaun akitaleikin neni ke Ekapolon tolakunae, emaikina toarae.

Ekim. 18:14

Ibore daadaŋ ŋini italeoritae aŋuna kaŋ alo Isirael, erae ŋini kon.

Mat. 25:41

“Elimokini nai iŋes ŋituŋa ŋulu alokedyany keŋ tema, ‘Toloto aneni kaŋ iyes ŋulu ilamam! Toloto nakim ŋina nyeduŋe ŋina itemokinitoe aŋuna a Satan ka ŋimalaikan keŋ!

Ŋirom. 9:3

Kerae ca opedori ayoŋ akiŋarakin ikes, kacamu daŋ aŋuna kec ekecen Akuj ka okotyakar aneni a Kristo!

1 Ŋikor. 16:22

Ani pa kemina ituŋanan Ekapolon, itemokino iŋes kicenoi. Ekapolon kosi, bua!

Ŋigal. 3:10

Ilamam ŋituŋa ŋulu erubakinito iwuapito ŋuna a Ŋikisila. Anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini nyiwuapit ŋakiro daadaŋ ŋuna igiritae lokitaabo ŋolo a Ŋikisila”.

Ŋigal. 3:13

Nai abu Kristo ikilaku iwon alolam a ŋulu eponito aneni a Ŋikisila, anerae abu iŋes kiwok ŋilam ŋulu sek arae ŋulu yok; anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini ibubukinio lokitoe”.

Ŋikis. 25:19

Aŋun, ani kedau Ekapolon Akuj kus akisieŋun iyes alomoe kus a daadaŋ ka alowaetin kus a daadaŋ, anakwap a ŋina ebuni Ekapolon Akuj kus ainakin iyes aruwor ŋina kus, tomunyasi ŋituŋa daadaŋ ŋulu ka Amelek anakwap, nyetamun ikes nabo jik; nyikimuryak akitiya ŋun.

Ŋikis. 7:26

Nyiyaut ŋiboro ŋulu eŋerit Akuj nakais kus, kitiyata iyes ŋun, ikityakaryo iyes daŋ toruworos ŋulu ikimunyaryo ikwa ikes. Emaikina iyes toŋerito jik ka tojamuwarito ikes, anerae erae ikes ŋulu etyakaritae aŋuna ka akinyasuno.

Yos. 6:26

Apaki ŋin, abu Yosua kikoŋ tema, “Icenen alokiŋaren Akuj ituŋanan ŋini ikatakini akiduk etaun lo ŋolo a Yeriko. Ani kedukoki akisyakinet, etaci a ikiyae keŋ; ani kedukoki ŋikekya, etaci a iŋoorit keŋ.”

Yos. 7:1

Nai apotu Ŋisirael nyiwuapa ŋuna ecikit Ekapolon ikes ebala nyelemasi alo Yeriko idiobore. Abu ekile ŋolo anyaritae Akan tolemu ŋiboro ŋulu sek abookoi nyilemut, ido abu Ekapolon toŋoik Ŋisirael nooi. (Arae Akan lokoku a Karami a ŋolo arae Lokoku a Sabadi, a ŋolo arae lokoku a Sera a ŋolo alokabila a Yuda.)

Yos. 7:25

Abu Yosua tema, “Kaanukiro ikiinakinia iyoŋ isua ŋican? Ikisicani Ekapolon Akuj iyoŋ nakoloŋit na.” Kiruwakis Ŋisirael daadaŋ Akan ka ŋituŋa keŋ a ŋamoru, tocakae ikes ka ŋibaren kec, tosodi kicunyakinae.

Ŋikat. 21:11

Ŋuna emaikina iyes kitiyata ikes nu: Toara ŋikilyok ka ŋaberu daadaŋ ŋuna kepotu kiryamakinos ka ŋikilyok.”

Ŋikat. 21:18

Kikote neni daŋ, nyepedoryo iwon ainakin ŋidwe yok ŋulupesur neni kec toruwor ŋaberu kec.” Alimunete ikes ŋun, anerae ekoŋito Ŋisirael ebe, “Ilamam ituŋanan ŋini eini nakoku keŋ kiita ŋikilyok a ekabila a Benjamin.”

Ŋikat. 21:5

Temasi nai Ŋisirael, “Ŋituŋa a ekabila ka ali alokabilae a daadaŋ a ŋulu a Ŋisirael nyeponito natukot aŋuna ke Ekapolon?” Eŋitasi ikes ŋun, anerae kepotu ikes kikoŋo aŋuna a ŋinituŋanan nyebuni Misipa neni ke Ekapolon ebasi, “Earyo ituŋanan ŋini nyebuni natukot ŋin.”

1 Sam. 15:18

Abu Ekapolon ikiyak iyoŋ akitiya ŋuna abu iŋes tema, ‘Ape, tomunya ŋikasecak daadaŋ, Ŋiamaleki, kitiji ikes akitodol ŋina imunyarya.’

1 Sam. 15:3

Ape tokona kisiiryak Ŋiamaleki, tomunya jik ibore daadaŋ ŋini eyakatar ikes, nyimyek ikes, toar ŋikilyok, ŋaberu, ŋidwe, ŋaatuk, ŋakinei, ŋikaala ka ŋisigirya.’ ”