Ŋilep. 26:5 - Ebaibul

⁵ Irubakinete iyes iramete ŋikinyom kus akitodol ŋina ilemyata epiini, ido irubakinete iyes ilemete epiini akitodol apaki ŋina itakiniata, imujete iyes akimuj daadaŋ ŋina icamito, ido iboiyete anakwap kus emam ŋace.

Ŋilep. 26:5 Iomraidhean Croise

Ŋikiru. 144:13

Agasi kilelebun ŋatukito kosi, pena ŋinyomen a ŋikinyom a daadaŋ. Agasi topitut ŋamesekin kosi, kiatakin nadakarisinei kosi a ŋalipyo a ŋatomotomoe,

Ŋikiru. 90:1

Ekapolon, irae iyoŋ neni iboiyere isua ŋinapei ananyameta a daadaŋ.

Awos. 16:8

Tema daŋ Moses, “Iyenunete iyes atemar erae neni ke Ekapolon iŋuruŋurasi iyes. Iyenunete iyes ŋun apaki ŋina ikiinakinia iŋes iyes akiriŋ tonyama eboŋ ka ŋamugati tonyama taparacu, anerae eira iŋes akiŋuruŋura kus neni keŋ. Ata ŋae mono isua? Meere neni kosi iŋuruŋurasi iyes, nai erae neni ke Ekapolon.”

Ŋakit. 1:33

Nai ikes ŋulu ekeirarete ayoŋ, eruwor ŋulu eiuna; iboiyete eiuna emam ibore einakinit ikes akuryanu.”

Ŋakit. 18:10

Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.

Isa. 1:19

Ani ca kicamut iyes, ido kiwuapa ŋakiro kaŋ, imujete iyes ŋamuja ŋuna ajokak anakwap;

Isa. 30:23

Iyakuuni iŋes akiru a ŋuna a ŋikinyom a ŋulu iekinete iyes nalup, ido akimuj ŋina elomuni analup, eruwor ŋina etuman ka ŋina alalan nooi. Akoloŋit ŋin, epote ŋaatuk kus adak neni ca daadaŋ eya ŋinya;

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Osea 2:18

Ewuakini ayoŋ aŋuna kus akoloŋit ŋin acamunet, ikotere tomaikin iyes ka ŋityaŋ ŋulu adedeŋak, ŋikyeny ŋulu eporete ka ŋiboorei ŋulu elyato alokwap, ekisari ayoŋ anakwap akau a ŋikaleŋeleŋe, ekileŋ ka ejie, ido akainakini ayoŋ iyes kiboikinos emam ŋace.

Osea 2:20

Akayai ayoŋ iyoŋ toruwor aberu kaŋ anakikinyoma, tosodi iyenuni iyoŋ Ekapolon.

Yoel 2:19

Abu Ekapolon toboŋok ŋituŋa keŋ tema, “Ekeyakikini ayoŋ iyes ŋikinyom, epiini ka akimyet, ido imwokete iyes; nyeketuruwori nabo ayoŋ iyes ŋulu ikijamuwarito ŋakwapin.

Yoel 2:22

Iyes ŋityaŋ ŋulu ka ariet, Nyikuryaketa, anerae alibut ŋinya ŋulu ka ariet; ara ŋikito ŋaraito; edodoto ŋiboboryo ka ŋikito ke epiini ŋaraito kec.

Yoel 2:26

Iryamunete iyes akimuj ŋina alalan ŋina imujete kimwoko, ido ipurete iyes ekiro ŋolo ke Ekapolon ka Akuj kus, a ŋina etiya ŋuna ka aumokin aŋuna kus; mam nabo nyirumete ŋileec ŋituŋa kaŋ.

Amos 9:13

“Ebala Ekapolon, ‘Ebunit apaki ŋina erukaununotor akitare ka akilem, ekoni epiini eriŋa ecuyo ŋolo paaran alemunio, eituni epiini alomoru, eleleiyari epiini alokamukumukui.

Mat. 23:37

“Okoe Yerusalem, Yerusalem! Ŋituŋa kon ŋulu earete ŋikadwarak, tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunakinia akokoroit ŋimiyoi nabebenuk keŋ, nai nyikicamakis iyes ayoŋ!

Ŋitic. 14:17

Tari kikote nen, itoodiunit iŋes jwi jwi akiteyenunet ŋina ka ayakau keŋ aloboro a ŋulu ajokak, a ŋulu itiyae iŋes; ikiinunui iŋes akiru alokidiama ka ŋapakio ŋuna elemeneneere; ikisimuji iŋes iyes ka ikitalakanari iyes.”

Ŋikis. 11:15

ka ikiinakini iŋes iyes ŋinya ŋulu edakasi ŋibaren kus, ido imujete iyes kimwoko.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.