Ŋilep. 26:44 - Ebaibul

⁴⁴ Tari daŋ kikote ŋakiro nen, ani apaki ŋina eyakatar ikes nakwapin a ŋimoe kec, nyawouni ayoŋ ikes, oŋer ikes ikotere amunyarya ikes daadaŋ, todaunor acamunet kaŋ ka ikes. Arae ayoŋ Ekapolon Akuj kec.

Ŋilep. 26:44 Iomraidhean Croise

Akisy. 17:7

Ewuakini ayoŋ acamunet kaŋ ka iyoŋ ka ŋiletok kon ŋulu a ŋanyameta a daadaŋ, eruwor acamunet ŋin ŋina a ŋikaru ka ŋikaru. Arubakini ayoŋ arae Akuj kon ka ŋina a ŋiletok kon.

2 Ŋirw. 13:23

Nai, abu Ekapolon tominak ikes kisyonik. Totamu Ekapolon ikes aŋuna ka acamunet keŋ ka Aburaam ka Isaka ta Yakob, toesik amunyar ikes. Akitodol tari tokona, eriŋa Ekapolon nyiritara ikes aneni keŋ.

Neem. 9:17

apotu ikes toŋero akiwuap ŋakiro kon, nyemitakis ŋaumonokineta ŋuna itiyat iyoŋ alokidiŋ kec, nai apotu ikes kitogogoŋo ŋakyes kec, kiitana aboŋor napitoonut kec alo Ijipit. Nai irae iyoŋ Akuj ŋina itenit akisyon, Akuj ŋina ejok ka isyoniono, ŋina nyeŋoi atipei ka ŋina elal amina, ŋina nyiryaŋiryaŋa, ido ibu iyoŋ nyiŋer ikes.

Neem. 9:31

Kikote neni daŋ, alotooma akisyon kon ŋina apolon, ibu iyoŋ nyimyek ikes emunyaryo jik, kori nyimyekina iyoŋ ikes, anerae irae iyoŋ Akuj ŋina ijok ka ŋina isyoniono.

Ŋikiru. 103:13

Ikwapei erimaania papa aneni a ŋidwe keŋ; erimaana Ekapolon aneni a ŋulu itopoloorito iŋes,

Ŋikiru. 89:33

Nai nyajoŋoe ayoŋ amina Daudi, kori nyemyekini akiwuap ŋuna adau akiikin iŋes.

Ŋikiru. 94:14

anerae nyeŋeri Ekapolon ŋituŋa keŋ; nyimyekini iŋes jik ŋituŋa ŋulu erae ŋulu keŋ.

Yer. 14:21

Aŋuna a ekiro kon, nyikijamuwa isua, nyisirum ŋileec etaun kon, Yerusalem neni eyai ekicoloŋ kon ŋolo ka apolou, totamu ŋakiikineta kon, ido nyilema acamunet kon ka isua.

Yer. 24:5

“Ŋakiro ŋuna alimu ayoŋ Ekapolon Akuj a Ŋisirael ikes nu, ‘Lopite ŋolo eyakatar ŋaraito ŋuna ajokak, lopite ŋol iŋes eteo ayoŋ ŋituŋa a Yudaya ŋulu aponi torikoroe anakwap kec, ŋituŋa ŋulu abu ayoŋ erita anakibois a na nakwap a Ŋibabiloniyae.

Yer. 30:11

Ikirukit ayoŋ ka iyes ikotere akaiuni iyes. Amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Yer. 31:20

Erae mono Epuraim lokoku kaŋ ŋolominat a? Erae mono iŋes ikoku ŋini alakara ayoŋ aŋuna keŋ a? Ŋapakio daadaŋ ŋuna eruworor ayoŋ neni kus eketoroniyarit, akatamunit ayoŋ iyes. Aŋun, iyakasi iyes lotau kaŋ, kire jik, ekesyoni ayoŋ iyes.

Yer. 33:26

Ikwaŋinapei, nyaŋeri ayoŋ acamunet kaŋ ka ŋiletok a Yakob ka ŋiletok a eketiyan kaŋ a Daudi, ido aseuni ayoŋ epei a ŋiletok a Daudi kipuka ŋiletok ka Aburaam, Isaka ka Yakob, anerae enyakakini ayoŋ ikes ŋarereŋisyo kec ka esyoni ayoŋ ikes.”

Esek. 16:60

Nai eriŋa ayoŋ ericit acamunet kaŋ ka iyoŋ, ŋina aponi iwon tocamunetei eriŋa iyoŋ irae asorokit, nabo ewuakini ayoŋ acamunet kaŋ ka iyoŋ ŋinaruba.

Ŋilep. 26:11

Ewuakini ayoŋ akibois kaŋ ŋina eboiyo kidiŋ kus, ido nyakaŋeri ayoŋ iyes.

Ŋirom. 11:2

Nyeŋero Akuj ŋituŋa keŋ, ŋulu abu iŋes toseu anakisyakinet. Iyenete iyes ŋuna igiritae Nakigireta ŋuna edyekitor Eliya Akuj aŋuna keŋ itoroniyarit ŋituŋa a Isirael ebala,

Ŋirom. 11:26

Erae epite ŋol iŋes eiunotor Ŋisirael daadaŋ, ikwaŋina igiritere Nakigireta ebe, “Ebuni Ekaiunan alo Sion, tolema aronis daadaŋ aneni a ŋiletok a Yakobo.”

Ŋikat. 2:1

Abu emalaika ŋolo ke Ekapolon kitipeiyo alo Gilgal tari Bokim, tosodi tema, “Abu ayoŋ okoyau iyes alo Ijipit ka okoyau iyes nakwap ŋina abu ayoŋ eik neni atapapaa kus. Abu ayoŋ otema, ‘Erici ayoŋ jik acamunet kaŋ ka iyes.