Ŋilep. 26:4 - Ebaibul

⁴ akainakini ayoŋ iyes akiru anapakio aŋuna emaikina toyakaunor, ido tora akwap ŋaraito keŋ, toraa ŋikito ŋaraito kec.

Ŋilep. 26:4 Iomraidhean Croise

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

Yob 5:10

Eyaununui iŋes akiru nakwap ka iwuanakini ŋakipi lomanikorin;

Ŋikiru. 104:13

Iyakiununui iyoŋ akiru alokidiama, kilim lomoru, toryamu akwap ŋarereŋisyo a etic kon.

Ŋikiru. 67:6

Akoko ŋikinyom ka akwap eyatakin; Akuj ŋina erae Akuj yok iŋes ikiterereŋ iwon.

Ŋikiru. 67:7

Elipi torubak Akuj ikiterereŋi iwon; elipi kitopoloosi iŋes ŋituŋa daadaŋ.

Ŋikiru. 68:9

Okoe Akuj, ibu iyoŋ tobuku akiru ŋina alalan nakwap; kitojoku nabo akwap kon ŋina sek abu toruwor akoŋinait.

Ŋikiru. 85:12

Ikiinakini Ekapolon ibore ŋini ejok, ido tora akwap yok ŋikinyom ŋulu alalak.

Ŋikiru. 85:13

Erubakini akiyookino eyai kiŋaren Akuj aŋuna ka akitemonokin neni itori iŋes.

Isa. 30:23

Iyakuuni iŋes akiru a ŋuna a ŋikinyom a ŋulu iekinete iyes nalup, ido akimuj ŋina elomuni analup, eruwor ŋina etuman ka ŋina alalan nooi. Akoloŋit ŋin, epote ŋaatuk kus adak neni ca daadaŋ eya ŋinya;

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Esek. 36:30

Etalalauni ayoŋ ŋaraito a ŋikito ka ŋikinyom ŋulu a ŋimanikorin, ikotere iyes nyiloto nabo nakwapin aryamun eron ka ŋican.

Yoel 2:22

Iyes ŋityaŋ ŋulu ka ariet, Nyikuryaketa, anerae alibut ŋinya ŋulu ka ariet; ara ŋikito ŋaraito; edodoto ŋiboboryo ka ŋikito ke epiini ŋaraito kec.

Ŋilep. 25:19

Ebuni nai akwap akira ŋaraito keŋ, kimuja nai kimwoko, ido kiboiyoto emam ŋace.

Ŋilep. 25:21

Ekeyakikini ayoŋ iyes ŋarereŋisyo ŋuna alalak alokaru a ŋolo a ŋikanikapei, tora akwap ŋikinyom ŋulu epedorete akitan iyes ŋikaru ŋiuni.

Sakar 8:12

Itaete ikes ŋikinyom kec anakinapakina. Eraete ŋikito ke epiini, itokoni akwap ŋikinyom, ido eyakaun akiru ŋina alalan. Ainakini ayoŋ ŋarereŋisyo ŋun daadaŋ lotuŋa ŋulu ka akwap kaŋ ŋulu apiyanun.

Mat. 5:45

ikotere nai iruworosi iyes ŋidwe a Papa kus a ŋolo eyai nakuj. Anerae itacaununui iŋes akoloŋ neni a ŋulu aronok ka neni a ŋulu ajokak. Iyakuununui akiru neni a ŋulu itiyaete ŋuna ajokak ka neni a ŋulu itiyaete ŋuna aronok.

Ŋitic. 14:17

Tari kikote nen, itoodiunit iŋes jwi jwi akiteyenunet ŋina ka ayakau keŋ aloboro a ŋulu ajokak, a ŋulu itiyae iŋes; ikiinunui iŋes akiru alokidiama ka ŋapakio ŋuna elemeneneere; ikisimuji iŋes iyes ka ikitalakanari iyes.”

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋikis. 11:14

iŋes nai eyaunia iŋes akiru nakwap kus anapaki a ŋina itemokino, akiru ŋina a ekiŋaren ka akiru ŋina ke ekaku, tosodi ilemete iyes ŋikinyom kus, epiini kus ka akimyet kus

Ŋikis. 28:12

Eŋaari Ekapolon aŋuna kus kidiama neni ebuneneo akiru kiyaku akiru, nakwap kus anapaki a ŋina itemokino, ido kiterereŋ ŋiticisyo daadaŋ ŋulu itiyaete iyes. Idenikinete iyes neni a ŋituŋa a ŋakwapin a ŋuna alalak, nai nyideniunete iyes aneni kec idiobore.

Yak. 5:7

Ŋikaitotoi, totitinyikisi akitodol ŋina ebunio Ekapolon. Kiŋolikisi epite ŋolo etitinyikinitor eketan idarit emanikor keŋ tora ejok. Idarit iŋes akiru ŋina ka akicereet ka ŋina ka akiporo anatitinyikinit.

Akis. 11:6

Eyakatar ikes apedor ŋinagolyet adis, ikotere nyilim akiru apaki ŋina elimonokiniata ikes ŋakiro ŋuna ka Akuj. Eyakatar ikes tari apedor lolelyan ŋulu a ŋakipi akituluwor ikes ŋaokot; eyakatar ikes tari apedor ŋinakisicanet akwap a ŋakisicaneta a daadaŋ ŋapakio daadaŋ ŋuna ecamitotor ikes.