Ŋilep. 26:39 - Ebaibul

³⁹ Iyes ŋulu idoŋete anakwapin a ŋimoe kus ŋun, itwanikinete nakwapin ŋun, aŋuna a ŋasecisya kus; ka daŋ aŋuna a ŋasecisya atapapaa kus, itwanikinete iyes nen.

Ŋilep. 26:39 Iomraidhean Croise

2 Ŋakiro a ŋirwa 34:24

atemar kire jik, esicani ayoŋ akibois na ka ŋituŋa keŋ lopite ŋolo igiritere lokitaabo ŋakiro daadaŋ ŋuna aponi tosyomunae alokiŋaren erwosit.

Esir 9:7

Ameun alorwa atapapaa kosi tari tokona, ikiya isua jik lokaile ŋolo apolon nooi aŋuna a ŋasecisya kosi, aponi ikipotokin isua ka ŋirwosi kosi ka ŋisacaradotin kosi napedor a ŋirwosi a ŋakwapin, ikotere ikiaryo a ekileŋ, ikirikoryo ikirae ŋirikon, ikidemaryo ŋiboro ka ikiteryamunio ŋileec ŋulu apolok nooi, lopite ŋolo eyakatar ŋakiro tokona.

Neem. 1:9

nai ani kiboŋut iyes neni kaŋ, ido kiwuapa ŋakiciket kaŋ kitiyata ikes, tari keyakasi ŋituŋa kus ŋulu aponi torikoroe nakwapin ŋuna alwanak, acununi ayoŋ ikes aina, enyaku ikes nakibois ŋina aseu ayoŋ atemar kilipere neni kaŋ.’

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Awos. 34:7

ayakar ayoŋ amina kaŋ ŋina nyiryaŋiryaŋa aŋuna a ŋanyameta a ŋalipyo, esyoniyenene aronis, akisyaanu ka asecit, nyemyeanakini ayoŋ akisican ŋulu edyakarito; esicaneene ayoŋ aŋuna ka asecit a ŋikauruunak ŋidwe kaapei ka ŋidwe kec ta ŋipapae kec tari nanyemet kec ŋina a ŋauni ka ŋina a ŋaomwon.”

Isa. 14:21

Kitemokinos aŋuna ka akiŋol ŋidwe keŋ ŋulusapa aŋuna ka asecit a papa kec. Nyimyekis ikes itopolooryo kipukata akwap, kori kilelebikis ŋitaunio nakwap.”

Isa. 24:16

Epupyo ŋieosyo ŋulu ipurere Ekapolon anakisaleta a akwap, ŋieosyo ŋulu ipurore Ekapolon ŋolo iyookino. Nai abala ayoŋ, eridak ayoŋ, eridak ayoŋ. Okoe erae nu ŋuna kaŋ! Anerae itiyaete ŋulu nyikinyomitae pa ikinyoma anamamukau akikinyoma, ikiluwonokinete.

Yer. 29:12

Tosodi, ani ikinyaraete iyes ayoŋ, ido potu akilip neni kaŋ, ekeirari ayoŋ iyes.

Yer. 3:25

Emaikina iwon opero alokwap ka ŋileec yok, emaikina ikirapuwasi iwon ŋileec ŋulu nyitopolooritere iwon Ekapolon, anerae ikisec iwon aneni a Ekapolon Akuj yok, iwon kaapei ka atapapaa yok; ameun anasoroko yok tari nakoloŋit na, ido nyiwuapa iwon ŋuna irworo Ekapolon Akuj yok.”

Yer. 31:29

Alorwa a ŋul, nyetemarete nabo ikes, ‘Apotu ŋikauruunak tonyama ŋaraito a epiini ŋunababar, ido tolyoko ŋikyal a ŋidwe.’

Aum. 1:3

Adokis ŋituŋa a Yudaya nakwapin aŋuna a ŋican ka areikinit akitiya etic, iboiyete tokona ikes anakwapin a ŋace, mam akibois ŋina ituruworito ikes ŋina kec. Adaut ŋikewuapak kec daadaŋ arukaun ikes eriŋa epapanito.

Aum. 4:9

Apotu ŋituŋa ŋulu etwakete aŋuna ka akoro toryamut aryebo ŋina apipilan alotuŋa a ŋulu earyo alojie. Abu akoro kisirid ŋituŋa ŋul tari ŋina atwakyata aŋuna amamukar akimuj ŋina alemunito alomanikorin kec.

Esek. 18:19

“Nai ibasi iyes, ‘Kaanukiro nyeryamunia lokoku ŋican aŋuna ka asecit a papa keŋ?’ Eyari kire jik lokoku aŋuna etiyaa ŋuna ecamakinito ŋikisila ka ŋuna iyookino ka aŋuna abunio kiwuapya ejok ŋakiro daadaŋ ŋuna alimokinit ayoŋ iŋes akiwuap

Esek. 20:43

Itamunete nai iyes a nen ŋipitesyo ŋulu kipotu iyes toyakaunotor ka ŋakiro daadaŋ ŋuna imunaaryata iyes ŋawat kus. Ikiinakinete iyes ŋakiro ŋuna aronok daadaŋ ŋuna itiyata iyes ajamakin ŋawat kus.

Esek. 24:23

Imyekinete iyes ŋakopiyae kus eenikina nakyes kus ka ŋamuk eenikina nakejen kus; nyigworete, kori nyikalounete iyes aŋuna a ŋasecisya kus, nai iyaloloŋiyorete iyes aŋuna a ŋasecisya kus ka igworete iyes aŋuna a ŋinice.

Esek. 33:10

“Lokoku a ituŋanan, tolimok Ŋisirael atemar ŋakiro ŋuna irworo iyoŋ ikes nu ebe, ‘Adaut ŋakiro ŋuna abilere iwon ŋikisila ka ŋuna ka asecit yok akinuun iwon, ikilosi iwon apuripuryaar aŋuna a ŋakiro aŋun; alipite nai ikiyarya iwon?’

Esek. 36:31

Itamunete nai iyes aronis ŋina ipotu iyes kitiyata ka ŋiticisyo kus daadaŋ ŋulu pa ajokak, ido iluŋete iyes ŋawat kus aŋuna a ŋasecisya ka asiilyo ŋina ipotu iyes kitiyata.

Esek. 4:17

anerae icanakinosi ikes akimuj ka ŋakipi. Iŋolyanakinosi ikes make ekadakinit, ido edaunosi ikes aŋuna a ŋasecisya kec.”

Esek. 6:9

Ikes ŋulu ebucarosi akatamunete ayoŋ anakwapin a ŋuna erikoryo erae ŋirikon. Etamunete ikes epite ŋolo abunio ayoŋ oŋoya aŋuna aponiata ikes tomalaaketa alotai kec toŋero anupit ayoŋ ka ŋuna aponiata ikes okoŋero ayoŋ toloto neni a ŋakujo kec. Nyepedorete nabo ikes acamun akitiya ŋuna aronok ŋuna etiyata ka ŋuna ka asiilyo daadaŋ ŋuna adaut ikes akitiya.

Osea 5:15

Aboŋori ayoŋ nabo nakibois kaŋ tari ŋina eyenuniata ikes atemar esecito, ido kiwara akiŋarakino aneni kaŋ. Alotooma akiyaloloŋ kec, epote ikes anacamit a ŋina a kire akiwarit ayoŋ.

Sakar 10:9

Tari daŋ kealarit ayoŋ ikes nakwapin, keyakasi daŋ tari nakwapin ŋuna alwanak, akatamunete ikes ayoŋ. Nyemunyar ikes ka ŋidwe kec, ido eboŋunete ka ŋidwe kec nakwap kec.

Ekim. 14:18

nyepatana ayoŋ Ekapolon akiŋo, epol amina kaŋ ŋina nyiryaŋiryaŋa, esyoniyene aronis ka akisyaanu a ŋituŋa, esicani ŋidwe aŋuna ka asecit atapapaa kec akitodol nanyemet ŋina a ŋauni ka ŋina a ŋaomwon.

Ŋikis. 28:65

Anakwapin a ŋun, nyiyakaunotor iyes alakara, mam akibois eruwor ŋina kus ikiinakini iyes Ekapolon a nen aruwor ŋulu iilit ŋitai, ŋulu a ŋipapan ka iyaloloŋete.

Ŋikis. 30:1

“Ani kedaut ŋakiro ŋun daadaŋ akitiyakin neni kus, ŋakiro ŋun ikes ŋarereŋisyo ka ŋilam ŋulu akalimok ayoŋ iyes, ani kitamut iyes ikes anakwapin a daadaŋ a ŋuna ikiritari Ekapolon Akuj kus iyes,

Ŋikis. 5:9

Nyiryediko kilipa neni kec, anerae ayoŋ Ekapolon Akuj kus arae Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Ŋikis. 8:20

Imunyarosi iyes lopite ŋolo amunyarotor ŋituŋa a ŋakwapin ŋulu amunyari Ekapolon alokiŋaren kus, anerae nyiwuapa iyes ŋuna alimu Ekapolon Akuj kus.