Ŋilep. 26:31 - Ebaibul

³¹ Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Ŋilep. 26:31 Iomraidhean Croise

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

2 Ŋirw. 22:19

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

2 Ŋakiro a ŋirwa 36:19

Apotu Ŋibabiloniyae kicunya Akai ka Akuj, toritakis arwatata a Yerusalem kwap ka kicunyasi ŋakais ŋuna ka apukan daadaŋ ka tomunaasi ŋiboro ŋulu apol egyelit daadaŋ alo Yerusalem.

Neem. 1:3

Okoboŋokis ikes ayoŋ temasi, “Ŋipiya ŋulu eya ama Yudaya, ŋulu aponi nyerikor, eyakasi locan ŋulu apolok ka loleec; aritaasi ŋimoe arwatata ŋina a Yerusalem ka amunaasi ŋipukei keŋ ka akim.”

Neem. 2:17

Abu nai ayoŋ olimok ŋituŋa otema, “Iteete iyes ŋican ŋulu ikiyakar iwon, epite ŋolo eyakar Yerusalem emunaara ka emunaaritae ŋipukei keŋ ka akim. Potu odukokisi nabo arwatata a Yerusalem, ikotere nyikijamuwar nabo iwon.”

Neem. 2:3

Olimok ayoŋ erwosit otema, “Elipi torubak erwosit eyari ŋikaru ka ŋikaru! Ikokini ereet kaŋ pa enyorididi, tomunaara etaun ŋolo erae akibois ŋina enukitae atapapaa kaŋ ka tomunaaritetei ŋipukei ka akim ai?”

Isa. 1:7

Aruwor akwap kus ekasile, anomiya akim ŋitaunio kus, aŋatasi ŋituŋa ŋulugelae akwap kus iteete iyes, aruwor akwap kus ekasile, anomiya akim ŋitaunio kus.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Isa. 63:18

Apotu ŋituŋa kon ŋulu asegak kikamasi akibois ŋina asegan apaki adio cici bon; nai tokona enyasut ŋimoe kosi akibois kon ŋina asegan.

Isa. 64:9

Okoe Ekapolon nyiŋo kareca jik ka nyirubak itamunit jik ŋasecisya kosi ŋikaru ka ŋikaru, Totamak tokona atemar ikirae isua daadaŋ ŋituŋa kon.

Isa. 66:3

“Ituŋanan daadaŋ ŋini akaaranakini ayoŋ emoŋ erae amuronot, ikwaan ituŋanan ŋin ka ŋini eari ituŋanan; ituŋanan daadaŋ ŋini akaaranakini ayoŋ ikale ŋinimesek erae amuronot, ikwaan ituŋanan ŋin ka ŋini emojiri emosiriŋ a iigok tobil; ituŋanan daadaŋ ŋini akainakini ayoŋ ainakinet ŋina a ŋikinyom ikwaan ituŋanan ŋin ka ŋini akainakini ayoŋ ŋaokot a eguruye; ituŋanan daadaŋ ŋini icunyi ekinyate aŋuna ka atamunitor ayoŋ, ikwaan ituŋanan ŋin ka ŋini ilipi neni ka etorube a ŋolo itiyaunitae. Adaut ŋituŋa ŋulu ikote ŋul akiwuap ŋuna kec a ŋikulepek, ido elakara ikes anakitiya asiilyo kec;

Yer. 22:5

Nai ani pa kiwuapa iyes ŋakiro ŋun, ekoŋi ayoŋ Ekapolon atemar eruwor Akai na ereŋorot.”

Yer. 26:6

esikwaanikini nai ayoŋ Akai na ka Silo ka eturuwori ayoŋ etaun lo ŋolo icenen aŋuna a ŋituŋa a ŋakwapin a daadaŋ anakwap.’ ”

Yer. 26:9

Kaanukiro idwarya iyoŋ alokiro ke Ekapolon atemar ikwaanikin Akai na ka Silo ka eruwor etaun lo ereŋorot ŋolo emam ŋituŋa iboiyete alotooma?” Tosodi apotu ŋituŋa daadaŋ tocunun, kirimokis Yeremia kidiŋ alo Kai ka Akuj.

Yer. 4:26

Abu nabo ayoŋ oŋoleŋolek, okoe eŋolik akwap ŋina sek ajok keruwor aloŋisat, eŋolik ŋitaunio keŋ daadaŋ keruworosi ŋulu inyasuna aŋuna ka aŋoit a Ekapolon a ŋina a dedeŋan.

Yer. 4:27

Erae ŋun ŋuna irworo Ekapolon ebe, “Eruwor akwap daadaŋ ereŋorot, kikote neni daŋ, etasaluni ayoŋ akwap jik.

Yer. 4:7

Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Yer. 44:2

Tema Yeremia, “Alimu Ekapolon ŋolo a ŋajoresyo, Akuj a Ŋisirael ebe, ‘Iŋolikis iyes ŋilopeyek ŋican ŋulu abu ayoŋ oyau neni a ŋituŋa a Yerusalem ka lotuŋa ŋulu a ŋitaunio a Yudaya a daadaŋ. Kiŋolikisi ŋakiboisyo ŋun tokona, erae ŋireŋoroto, mam ituŋanan iboi alotooma kec,

Yer. 44:6

Aŋun, abu anyunyura kaŋ ka aŋoit kaŋ toyakaun lotaunio a Yudaya daadaŋ ka lorotin a Yerusalem, apotu ŋitaunio ŋul toruworos ŋicaryo ka ŋireŋoroto lopite ŋolo eyakatar tokona.

Yer. 52:13

Kicunyak Nebusaradan Akai ka Akuj ka akai a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Aum. 1:1

Kesilyor etaun lo, ŋolo paaran eleleba ŋituŋa! Ekwaanikin bareca iŋes ka apuserut, torae bo sek arae iŋes etaun ŋolo etopoloorito ŋituŋa a ŋakwapin! Etaun lo iŋes sek epol anakiboisyo a ŋunace, ekwaanikin tokona ka epito.

Aum. 1:10

Aŋatasi ŋimoe ebari daadaŋ alo Yerusalem. Apotu ŋituŋa a Yerusalem kiŋolikis ŋituŋa a ŋakwapin elomarete tari nakibois ŋina asegan, arae ŋituŋa ŋul ŋulu sek etaleorit Ekapolon alomar natukot a ŋituŋa a Yerusalem.

Aum. 2:6

Abwaŋabwaŋaa Akai keŋ neni sek ilipere iŋes, eela lopite ŋolo ielarya ituŋanan akai ŋina edukit lomanikor, amunaiya iŋes Akai ŋina ilipere iŋes; alema Ekapolon alo Sion ŋasuban ŋuna sek inumunumyo ka ŋirwa ŋulu a Sabato; aŋer iŋes anaŋoit keŋ a ŋina a dedeŋan erwosit ka esacaradoti.

Aum. 2:7

Aŋer Ekapolon Namuroet keŋ, emyek akibois keŋ ŋina asegan. Acamaki ŋimoe ebwaŋabwaŋaarete ŋarwatatain a ŋakais a ŋuna iboiyoto ŋirwosi, ecelasi ŋimoe alo Kai ke Ekapolon itoodiunito atemar adaut ikes akiloun, ecelasi lopite ŋolo sek ecelatar ŋituŋa apaki ŋina a ŋasuban.

Esek. 12:20

Eruwor ŋitaunio ŋulu tokona eyakasi ŋituŋa ŋireŋoroto koŋin ka esiluni akwap, ido iyenunete iyes atemar arae ayoŋ Ekapolon.’ ”

Esek. 21:15

Aŋun, elilimiyorete ŋitai a ŋituŋa kaŋ, ido emini ajamao neni a ŋulu alalak, ewuak ayoŋ ŋikaarak ikes lopukei kec daadaŋ. Ipareosi ŋileŋia kec a nen ikote akimilyaunet, etenito aŋuna ka akiar.

Esek. 21:7

Ani kikiŋita ikes iyoŋ atemar, kaanukiro iumenio iyoŋ? toboŋok ikes atemar, aumeni ayoŋ aŋuna a ŋakiro a ŋuna eponito, apaki ŋina edolunioto ŋakiro ŋun, ekuryaketa ŋituŋa daadaŋ, epalagunete ŋakan daadaŋ, elilimiyorete ŋitai daadaŋ, edaun agogoŋu apei daŋ anakuŋin. Ebunit apaki ŋin! Itiyakin kire jik ŋakiro ŋun.’ ”

Esek. 24:21

“Tolimok Ŋisirael atemar ebala Ekapolon Akuj ebe, ‘Eapi ayoŋ amunaar akibois kaŋ ŋina asegan, ŋina erae iŋes iryamunitotor iyes agogoŋu ŋina iturotor, akibois ŋina ikibobokinit iyes akitere ka ŋina iburit ŋitai kus. Earyo a ekileŋ ŋidwe kus ŋulusapa ka ŋulupesur ŋulu ipotu iyes kimyekis alo Yerusalem.

Esek. 6:6

Eruwor ŋitaunio daadaŋ ŋulu iboiyoto iyes ŋireŋoroto ka ebwaŋabwaŋaaryo ŋaitae a ŋimoru kus, ikotere ŋamuroeta ŋuna edukitoe naitae ŋun, eruwor ŋacaryo ka ŋuna emunaara ka eruwor ŋakujo kus ŋuna ebwaŋabwaŋatae ka emunaaritae, ebwaŋabwaŋakinio kwap ŋamuroeta ŋuna icunyere ekinyate, ido eŋopiyari etic ŋolo idaut iyes akitiya.

Esek. 9:6

Toara ŋikasikou, ŋisorok, ŋasorok ka ŋidwe ta ŋakimak, nai nyiar ituŋanan daadaŋ ŋini eyakar emacar loreet keŋ. Kisyakisi akiar anakibois kaŋ a ŋina asegan.” Aŋun, apotu ŋikilyok ŋul kisyakis akiar, alokasikou a ŋulu eboiyete alokiŋaren Akai ka Akuj.

Dan. 2:46

Abu nai erwosit Nebukadinesar toramakin kwap toper a akook, todol ereet kwap, kilip neni a Daniel, ido tolimu atemar tolemunae ainakinet ŋina a ŋikinyom ka ekinyate kicunyakinae alokiŋaren Daniel.

Amos 7:9

Emamukaun ŋituŋa anakiboisyo a ŋunamukur a ŋuna ilipyata ŋiletok a Isaka, inyasunio ŋakiboisyo ŋuna ilipyata Ŋisirael, aari ayoŋ ŋiletok a Yeroboam a ekileŋ.”

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Sepan. 3:6

Ebala Ekapolon Akuj ebe, “Amunya ayoŋ ŋituŋa a ŋakwapin a ŋunagelae, eelielaa ayoŋ ŋakiboisyo ŋuna ejioto ikes, eturuwo ayoŋ ŋirotin kec ŋikoŋinae, ikotere edaun ituŋanan itori nen; adaun ŋitaunio kec akituruwor ŋireŋoroto, ŋulu emam ŋituŋa eyakasi, mam tari ipei daŋ.

Luk. 21:24

Earyo ikes ŋice ka atum, ŋice eruworosi ŋirikon nakwapin ŋunace; ipudaete ŋituŋa ŋulu nyerae Ŋiyudayan Yerusalem, akitodol ŋirwa ŋulu esalunia apukan a ŋituŋa a ŋulu nyerae Ŋiyudayan.

Ŋitic. 6:14

anerae ikiira isua iŋes ebala ebe inyasuni Yesu lo ŋolo a Nasaret Akai ka Akuj ka kijulak ŋitalyo ŋulu abu Moses ikiinak iwon!”

Ŋibur. 10:26

Emam nabo amuronot ace ŋina elemari ŋasecisya erae kikiredak iwon ikirubakinit ikisecenene, tari kedaun akiteyenikin iwon ŋakiro ŋuna a kire.