Ŋilep. 26:26 - Ebaibul

²⁶ Ani etasaluni ayoŋ akimuj aneni sek ilemyata iyes, ipoete ŋaberu ŋatomon akimuj alokeno ke epei, ido ikikorakinete ikes iyes akimuj ipimanaritae. Imujete iyes akimuj ŋin, nai erubakini akoro ikinyamit.

Ŋilep. 26:26 Iomraidhean Croise

2 Ŋirw. 6:25

Ikwaŋina abunio ya apaki ŋina aoyan irikaunitae etaun, abu eron alo Samaria tolalaar; todol egyelit ŋolo agyelere akou a esigirya ŋicekelya ŋulu arae ŋisilipae ŋatomonikanikauni, tosodi aenet apei ŋina ke edya aŋolo ekwaan ŋakuii ka ŋuna ke etuŋguru, ŋuna aapikinito akilo, agyelyo a ŋicekelya a ŋulu arae ŋisilipae ŋikan.

Ŋikiru. 105:16

Abu Ekapolon yau eron nakwap kec, togolo ŋirotin daadaŋ ŋulu eryamununuyata ikes akimuj.

Isa. 3:1

Kiirasi, apuu tokona Ekapolon ŋolo etiron, ŋolo a ŋajoresyo, alemar alo Yerusalem ka anakwap a Yudaya akiŋarakinet daadaŋ ka agogoŋu, ejoŋoo ainanakin ikes akimuj ka ejoŋoo ainanakin ikes ŋakipi.

Isa. 5:10

Alomanikor a ŋikito a epiini a ŋolo erae ŋiekae ŋitomon, ekoniuni epiini ŋolo ecuunio ŋilitae ŋulu eapiyarito ŋatomoniarei ka ŋiarei. Eekinio ŋikinyom ŋulu eapiyarito ŋakiloi ŋamiae ŋaarei ka ŋatomoniarei, nai elemunio ŋulu eapiyarito ŋakiloi ŋatomon bon.”

Isa. 9:19

Aŋuna ka aŋoit a Ekapolon a ŋolo a ŋajoresyo, abu akim tonomiya akwap, kikwaanikin ŋituŋa ka ŋakito ŋuna inokere akim, mam ituŋanan abu toesik ŋinice.

Isa. 9:20

Iudaete a ŋakan kec aŋuna aloteten nai erubakini akoro enyamit, imujete ŋituŋa a ŋakan kec a ŋuna alokedyeny nai nyimwokete. Enyami ŋinituŋanan akuwan a ituŋanan keŋ pei.

Yer. 14:12

Tari kiredakis ikes akiron, nyeirari ayoŋ akigworo kec, tari keyaut ikes neni kaŋ ŋainakineta ŋuna epeyo ka ŋainakineta ŋuna a ŋikinyom, nyacamuni ayoŋ ŋainakineta kec, nai aari ayoŋ ikes a ekileŋ, a akoro ka a ŋidekesinei.”

Esek. 14:13

“Lokoku a ituŋanan, ani keseca ŋituŋa a akwap alotooma amamukau anupit neni kaŋ, ido esican ayoŋ akwap ŋin, alemari ayoŋ akimuj oinak ikes eron tomunya ŋituŋa ka ŋibaren keŋ;

Esek. 4:10

Kipimu akimuj ŋina inyami iyoŋ a ŋinakoloŋit apaki ŋina itemokinitoe. Emaikina apotis a akimuj a ŋin eriyan ka ŋina a ŋicekelya a ŋatomoniarei.

Esek. 4:16

Torubak iŋes irworo ebala, “Lokoku a ituŋanan etoŋopiyari ayoŋ akimuj alo Yerusalem. Enyamete ŋituŋa a nen akimuj ipimanakinio kiitanito ace, emasete ŋakipi ŋuna ipimanakinio tokadakinite,

Esek. 4:17

anerae icanakinosi ikes akimuj ka ŋakipi. Iŋolyanakinosi ikes make ekadakinit, ido edaunosi ikes aŋuna a ŋasecisya kec.”

Esek. 5:16

Etoŋopiyari ayoŋ akimuj alo Yerusalem emyek ŋituŋa keŋ tonyam akoro. Ikipipilikinete iyes ŋakiro ŋuna ka aŋoit kaŋ lopite ŋolo epipilyata ŋikaleŋeleŋe ŋulu egumunitae amunyar ŋituŋa kus.

Osea 4:10

Imujete iyes, nai nyimwokete, itiyaete iyes ŋuna ka amalao, nai nyipitunete, anerae imyekis iyes Ekapolon aŋuna ka akiwuap ŋakujo ŋace ka aŋuna ka amalao.

Ŋilep. 26:27

“‘Ani kirubakis iyes iwounito akiirar ŋakiro kaŋ ka ikiŋerito ayoŋ tari kadau akisican iyes,

Mika 6:14

Imujete ŋituŋa kon nai nyimwokete; erubakinete ŋakookyes kec eororete. Iŋadaete ikes, nai mam ibore ideun, anerae ibore ŋini iŋadakinete ikes, etelemari ayoŋ ŋimoe.

Agai 1:6

Idaut iyes akitare akimuj ŋina alalan, nai ilemut adio cici; imujete iyes, nai nyeryamuna iyes akimuj ŋina ikitemokino; imasete iyes, nai nyeryamuna iyes ŋimaten ŋulu ikitemokino, inapete iyes ŋilowi, nai mam ipei daŋ ŋini nyenyamit akaterot ka iyes ŋulu iryamununeete eropit, iryamununeete eropit kus, nai iroporito ŋisiliŋa alocweei kus.”