Ŋilep. 26:25 - Ebaibul

²⁵ Emyekini ayoŋ ŋimoe kus itoar iyes aŋuna imyekiniata iyes acamunet kaŋ ka iyes. Ani kiema iyes tolomasi lotaunio kus, ayauni ayoŋ edeke neni kus, kitiditeu ekimar kus ikilout ŋimoe kus.

Ŋilep. 26:25 Iomraidhean Croise

2 Sam. 24:15

Aŋun, abu Ekapolon kiyakiya edeke neni a Ŋisirael akisyakin ataparacu ŋin akitodol apaki ŋina atubunit iŋes, ido apotu ŋituŋa ŋalipyo ŋatomonikanikaarei totwaka akisyakin alo Dan tari Beeriseba.

1 Ŋirw. 8:33

“Apaki daadaŋ ŋina ereuniata ŋimoe kec ŋituŋa kon Ŋisirael aŋuna aseciata neni kon, ido toboboŋut ŋituŋ kon neni kon, kiŋita akisyonio alokiro kon ilipete ka edyakanarosi neni kon alo Kai a na,

1 Ŋirw. 8:37

“Ani keyakaun eron nakwap, kori edeke, kori kerem ŋimanikorin, kori kelemun ŋituŋa, kori kebu emaase, kori ekutelek, kori ani kiritasi ŋimoe ikes alotaun kec idio, kori ŋulucan ca daadaŋ epote neni kec kerae edeke daŋ,

2 Ŋirw. 17:3

Abu erwosit ka Asiriya ŋolo anyaritae Salimaneser bu akitijiore iŋes. Tocamu Osea ŋolo sek arae ekawoikiniton keŋ, atacanakin ocur neni keŋ a ŋolokaru.

2 Ŋakiro a ŋirwa 24:24

Tari daŋ ŋina aponitotor ŋasigarya ŋuna ka Aram ekudyoko, abu Ekapolon inak ikes akiloun ŋasigarya ŋuna alalak, anerae apotu ŋituŋa a Yudaya toŋero Ekapolon Akuj atapapaa kec. Alopite a ŋol, aponi erwosit Yoas kisicanae.

Ŋikiru. 94:1

Okoe Ekapolon, iyoŋ Akuj ŋina enyaŋan, iyoŋ Akuj ŋina enyaŋan; kisileereu aŋoit kon.

Awos. 5:3

Temasi ikes neni a Parao, “Adau Akuj a Ŋiburaniyae atakanun neni kosi. Kimyekinae isua tolotoi naloŋisat alosit kosi ŋina a ŋirwa a ŋiuni, ikotere einakinio ŋamuronisya neni a Ekapolon Akuj kosi; ani pa kikokis nen, epedori iŋes akiar isua a ŋidekesyo, kori a ekileŋ.”

Isa. 1:20

nai ani kiwout ka kiŋero, ikirikaryo iyes a ekileŋ;” anerae adau Ekapolon alimun ŋakiro ŋun.

Isa. 65:12

ekemyekini ayoŋ iyes ikiari alojie ka iryedikete iyes daadaŋ alokiŋaren ŋikaarak kus; anerae ipotu iyes nyikiboŋokis ayoŋ apaki ŋina akanyaritor ayoŋ iyes, ipotu iyes nyipupokis ŋakiro kaŋ apaki ŋina erworor ayoŋ neni kus, nai ipotu iyes kitiyata ŋuna aronok alokiŋaren kaŋ, ipotu iyes toseut akitiya ŋuna pa eketalakarito ayoŋ.”

Yer. 19:7

Tosodi anakibois a na, eturuwori ayoŋ ŋakiro ŋuna eyeete ŋituŋa a Yudaya ka Yerusalem ŋakoŋinae. Ainakini ayoŋ tomunyarae ikes a ekileŋ alokiŋaren ŋimoe kec, earete ŋulu imanito ikes ŋituŋa a Yudaya ka ŋituŋa a Yerusalem. Emyekini ayoŋ ŋawat kec toruwor akimuj a ŋikyeny ka a ŋityaŋ a ŋulu ka ariet.

Yer. 24:10

ido eyakikini ayoŋ ikes ejie, akoro ka edeke, akitodol ŋina emunyarotor ikes jik anakwap a ŋina abu ayoŋ oinak neni kec ka neni atapapaa kec.’ ”

Yer. 50:28

“Kiirasi! Eponito ŋikerimitok ka ŋikadokinok anakwap a Babilon, alimor alo Sion epite ŋolo enyaŋarya Ekapolon Akuj yok ŋakiro a Ŋibabiloniyae, inyaŋi iŋes ŋuna apotu ikes kitiyata Kai ka Akuj.

Yer. 51:11

“Kipenasi ŋikaleŋeleŋe, tosubakisi ŋaupala kus! Etonyou Ekapolon ŋitai a ŋirwosi a Medes, anerae elosikinit iŋes akinyasun Babilon. Erae ŋin akinyaŋa ŋina ebunit aneni ke Ekapolon, akinyaŋ Akai ka Akuj.

Yer. 9:16

Ealari ayoŋ ikes nakwapin ŋuna nyeyenete ikes, kori ŋuna pa ayenete atapapaa kec, ido eyakikini ayoŋ ikes ŋimoe ŋulu epote akitijiore ikes tari ŋina amunyarya ayoŋ ikes daadaŋ.”

Aum. 2:21

Emaikina mono ŋisacaradotin ka ŋikadwarak toarakinae Kai a Ekapolon a? Eperete ŋawat a ŋisorok ka ŋikasikou alorotin a etaun, aar ŋimoe ŋisorok ka ŋasorok kosi. Ibu iyoŋ Ekapolon toar ikes akoloŋit ŋina iŋoitor iyoŋ, ibu toar ikes emam akisyon.

Esek. 14:17

Kori ani kayau ayoŋ ŋimoe toremo akwap ŋin, otema ayoŋ, ‘Emaikina ŋimoe kikamasi akwap ŋin daadaŋ,’ ido oar ayoŋ anakwap a ŋin ŋituŋa ka ŋibaren,

Esek. 20:37

Ekedari ayoŋ iyes ejok nooi ka eketuruwori ayoŋ iyes ŋulu iwuapito acamunet kaŋ ka iyes.

Esek. 29:8

“Aŋun, alimu Ekapolon Akuj ŋakiro nu ebe, ‘Iyoŋ akwap a Ijipit ayauni ayoŋ neni kon ŋikaarak ŋulu etiŋito ŋileŋia, earete ikes ŋituŋa kon ka ŋityaŋ ŋulu eya tooma kon;

Esek. 33:2

“Lokoku a ituŋanan, kirwor neni a ŋituŋa kon tolimok ikes ebe, ‘Anikayau ayoŋ ejie nakwap kus, ido toseut ŋituŋa a akwap kus ekile epei, kituruwosi eketen kec,

Esek. 5:17

Eyakuuni ayoŋ neni kus eron ka ŋityaŋ ŋulu ka ariet ŋulu anyamak, ikimyekis iyes emam ŋidwe, eyakuuni ayoŋ neni kus edeke, aryenyeo ka ejie itomunyasi. Ayoŋ Ekapolon alimu ŋakiro ŋun.”

Esek. 6:3

Tolimok ikes ebe, ‘okoe, ŋimoru a Isirael, kiirasi ŋakiro a Ekapolon Akuj, irworo Ekapolon ŋakiro keŋ neni kus ŋimoru ka ŋikamukumukui, neni kus ŋakadipaalae ka ŋayona, irworo iŋes atemar kiirasi, eyakuuni ayoŋ ŋikaarak lotuŋa kus ka alemari ayoŋ ŋaitae kus.

Osea 11:6

Iatakin ejie lotaunio kec daadaŋ, ebwaŋabwaŋaryo ŋasuwa ŋuna a ŋipukei a ŋitaunio kec, emunyaryo ŋituŋa keŋ daadaŋ, anerae itiyaete ikes ŋuna eyeete.

Ŋilep. 26:6

Ayauni ayoŋ ekisil nakwap kus, topero iyes emam akuryanu ka emam ituŋanan ikitukuryani. Alemari ayoŋ ŋityaŋ ŋulu anyamak anakwap kus, ido emam aremo eyakaun nakwap kus.

Amos 4:10

Abu ayoŋ ekeyakik iyes ŋakisicaneta lopite ŋolo abunio eyakikinia nakwap a Ijipit; abu ayoŋ oar ŋisorok kus a ekileŋ, abu ayoŋ emyek tomyaarae ŋaŋolei kus, ido abu ayoŋ etobos tul ŋakiboisyo kus, nai ipotu iyes nyikiwa.

Abak. 3:5

Iyakuununui iŋes ŋican eriŋa iŋes nyebuno, ido icikakini atwanare kiwuapu iŋes.

Ekim. 14:12

Amunyari ayoŋ ikes a edeke, nyeruworosi nabo ikes ŋituŋa kaŋ ka etolomuni ayoŋ aneni kon ŋituŋa ŋulu egogoŋ ka eyakaunotor epedor ŋina iloit ŋina kec.”

Ekim. 16:49

Ŋituŋa ŋulu abu edeke toar arae ŋalipyo ŋatomon ka ŋaomwon ka ŋamiae ŋakanikaarei pa imaritae ŋulu atwakete aŋuna a ŋakiro a Kora.

Ekim. 31:3

Aŋun tolimok Moses Ŋisirael tema, “Toseutu ŋituŋa ŋidi alokidiŋ kus, toloto ejie ka ŋituŋa a Midian, kinyaŋasi aŋuna ke Ekapolon ŋuna apotu Ŋimidian kitiyata.

Luk. 21:11

Eyakaun amaran ŋina ka akwap alowaetin a ŋulu egelegelya, nabo eyakaun eron ka ŋidekesyo daadaŋ ŋulu aronok; etakanunete ŋakitoodikineta ŋuna atyonok alokidiama, kitubulo ŋituŋa.

Ŋikis. 28:21

Imyekini Ekapolon edeke torubak aneni kus, tari ŋina ikimunyarya edeke ŋol iyes anakwap a ŋina ilosete iyes alomar akituruwor ŋina kus.

Ŋikis. 32:25

Emunyari ekileŋ ŋituŋa alorotin a ŋitaunio, eyakaun ekabule lorerya, earyo ŋisorok ka ŋasorok kaapei, earyo ŋiŋwea ka ŋituŋa ŋulu emojoŋito.

Ŋikis. 32:35

Erae akinyaŋanar ŋina kaŋ ka ayoŋ esicani ikes apaki ŋina eseciata, anerae eapi akoloŋit ŋina a ŋican kec, edoluni amunyaro kec atipei.

Ŋikis. 32:41

ani epenari ayoŋ ekileŋ kaŋ ŋolo imilya, otubok ŋituŋa, enyaŋi ayoŋ ŋakiro a ŋimoe kaŋ, ido esican ŋulu akaremokino ayoŋ.

Ŋikat. 15:11

Tonyout nai ŋikilyok ŋulu a akwap a Yudaya ŋulu arae ekimar kec ŋalipyo ŋauni, totiyaaros kidiŋ ŋatabab ŋuna aya Etam, kiŋita ikes Samuson temasi, “Nyiyeni iyoŋ atemar erae Ŋipilistin ŋikepukak yok a? Anukiro nai itiya iyoŋ neni kosi?” Toboŋok Samuson tema, “Etiyat ayoŋ neni kec lopite ŋolo etiyatotor ikes neni kaŋ.”