Ŋilep. 26:22 - Ebaibul

²² Emyekini ayoŋ ŋityaŋ ŋulu ka ariet ikinyam iyes, ikidemasi iyes ŋidwe kus, tomunyasi ŋibaren kus, ido kitiditeut ekimar kus kipasakinos ŋirotin kus.

Ŋilep. 26:22 Iomraidhean Croise

2 Ŋirw. 17:25

Apaki ŋina alomiata ikes nen, apotu nyemitakis akilipenen neni ke Ekapolon, ido abu Ekapolon kiyakik ikes ŋiŋatunyo ŋulu apotu toara ŋituŋa ŋul ŋice.

2 Ŋirw. 2:24

Toboboŋ iŋes kitek ikes, tosodi kilamakin elimit ekiro ke Ekapolon. Tolomut anamoni ŋityaŋ ŋuluberu ŋiarei ŋulu adedeŋak; toara ŋityaŋ ŋul ŋidyain ŋul daadaŋ ŋatomoniomwon ka ŋiarei.

2 Ŋakiro a ŋirwa 15:5

Alorwa a ŋul, pa apatana akilare iwace, anerae ayai egurigur ŋolo apolon lotuŋa daadaŋ ŋulu a ŋakwapin.

Isa. 24:6

Aŋun, amunyasi ŋilam akwap, aryamut ŋituŋa ŋulu iboiyete anakwap ekaile ŋolo ka asecit; aŋun, adaun ŋituŋa anakwap edoŋ ŋidikudyo.

Isa. 33:8

Emyekin ŋirotin ŋulu apolok, emyekis ŋikalotok erot. Aŋeri ŋuna aponi tocamunetei, ajamuwar ŋuna ekoŋitoe anacamuneta aŋun, nyiwuapitae ŋuna amaikina kiwuapae anacamuneta a ŋun.

Yer. 15:3

“Aseuni ayoŋ aŋuna kec ŋirotin lu ŋiomwon ŋulu emunyarere ikes: Earyo ikes a ekileŋ, iriyarete ŋiŋokwo ikes nariet ka irikarete ŋikyeny ka ŋityaŋ ŋulu ka ariet ikes.

Yer. 42:2

neni a ekadwaran Yeremia, tolimokis iŋes temasi, “Kitiya ejok, topupok adyekitoi kosi, kilip neni a Ekapolon Akuj kon aŋuna kosi aŋuna a ŋipiya a lu a daadaŋ, anerae ikidoŋ isua ikirae ŋidikudyo bon, alotooma ŋikalalak, lopite ŋolo iteo iyoŋ.

Aum. 1:4

Igworosi ŋirotin ŋulu elomarere Sion, anerae mam ituŋanan elosenene Sion akitiya ŋasuban ŋuna sek emaikina kitiyaeneneetei a nen; Asilut ŋipukei a Sion daadaŋ, eumenete ŋisacaradotin keŋ; iyaloloŋete ŋapesur ŋuna eya Sion, eryamunit Sion ŋican ŋulu apipilak.

Esek. 14:15

Ani keyakiya ayoŋ ŋityaŋ ŋulu anyamak nakwap ŋin daadaŋ, kirikasi ibore daadaŋ ŋini eyai nen kidoŋ akwap esil emam ibore, emam ituŋanan epedori akitor nen aŋuna a ŋityaŋ;

Esek. 14:21

“Ŋuna iŋita Ekapolon Akuj ikes nu, ‘Etya nai ai epite ŋolo erokyarotor ŋakiro alo Yerusalem apaki ŋina eyakuunia ayoŋ ŋakisicaneta kaŋ ŋuna apipilak ŋaomwon? Ŋimoe, eron ka ŋityaŋ ŋulu anyamak ta ŋidekesyo, tomunyasi ŋul ŋituŋa ka ŋibaren a Yerusalem.’

Esek. 33:28

Etisiluni ayoŋ akwap kec ka eturuwori akoŋinait, esaluni agogoŋ keŋ ŋina sek ituror iŋes, esilunete ŋikamukumukui a Isirael, edaun ituŋanan itori nen.

Esek. 5:17

Eyakuuni ayoŋ neni kus eron ka ŋityaŋ ŋulu ka ariet ŋulu anyamak, ikimyekis iyes emam ŋidwe, eyakuuni ayoŋ neni kus edeke, aryenyeo ka ejie itomunyasi. Ayoŋ Ekapolon alimu ŋakiro ŋun.”

Ŋilep. 26:6

Ayauni ayoŋ ekisil nakwap kus, topero iyes emam akuryanu ka emam ituŋanan ikitukuryani. Alemari ayoŋ ŋityaŋ ŋulu anyamak anakwap kus, ido emam aremo eyakaun nakwap kus.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Sakar 7:14

Aŋun, abu ayoŋ eela ikes lopite ŋolo ielarya ekuwuam ibore, apotu ikes kielar akiboi nakwapin ŋuna sek pa ayenete. Apotu kimyekis akwap na ŋina ajokan erae ŋina asilon, ŋina emam ituŋanan iboi alotooma keŋ.”

Ŋikis. 32:24

ididiyari akoro ikes, emunyarete ŋidekesyo ŋulu aryabak ikes. Eyakikini ayoŋ ikes ŋityaŋ ŋulu anyamak ŋituŋa, eyakikini ayoŋ ikes ŋimuno ŋulu aarak.

Ŋikat. 5:6

Alorwa a ŋulu a Samegar a lokoku ka Anas ka alorwa a Yael, apotu ŋimucurus tojoŋoto akitorunun nen, apotu ŋikalotok kiwuapa ŋirotin ŋice.