Ŋilep. 26:19 - Ebaibul

¹⁹ Alemari ayoŋ asyian kus ŋina iturotor iyes, mam akiru ilimi ka eoni akwap kus deu ikwa asuwat.

Ŋilep. 26:19 Iomraidhean Croise

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

1 Ŋirw. 8:35

“Apaki daadaŋ ŋina egolokinor nakuj, ido nyilim akiru aŋuna aseciata ikes aneni kon, ido nai kilipa ikes iŋoliunito nakibois na, ikoŋete enyarito ekiro kon, tokiwa asecit aŋuna isicania iyoŋ ikes,

Isa. 2:12

Eyakar Ekapolon ŋolo etiron akoloŋit aŋuna a ŋulu iturosi ka aŋuna a ŋulu itopolooro; ta aŋuna a ŋinibore a daadaŋ ituritoe,

Isa. 25:11

Tari kikeut ikes ŋakan kec anakipany lopite ŋolo epetaritotor ŋikekwaŋak ŋakan kec anakipi ikwaŋete; elemaryo akituro kec tari kikatakinito ikes aiun a ŋakan kec.

Isa. 26:5

anerae acaku iŋes kwap ŋulu eboiyete anakiboisyo a ŋuna aoyak, Acaku iŋes kwap etaun ŋolo ayai naitae. Aritaki etaun ŋol kwap ka eturuwo ŋalup.

Isa. 28:1

Ekaŋ iyoŋ Isirael akwap ŋina iturotor ŋikamerak a Epuraim, akwap ŋina ecucukaiya akibuses ikwa ŋatur ŋuna itanapikinitae neni a ŋikapolok; a ŋulu imujete ŋamuja ŋuna ajokak; akwap ŋina a ŋulu eumiya epiini!

Yer. 13:9

“Ŋakiro kaŋ ikes nu: Amunaari ayoŋ akituro a ŋituŋa a Yudaya ka akituro a ŋituŋa a Yerusalem lopite ŋolo amunaaror elou ŋol.

Yer. 3:3

Aŋun, ikimiki iyes akiru, ido nyebuno neni kus akiru ŋina ieteunio akwap; kikote neni daŋ, irubakinito iyes itamete mono ekiŋaren ŋuna ka amalao, iŋero iyes acamun atemar ikiryamu ŋileec.

Esek. 24:21

“Tolimok Ŋisirael atemar ebala Ekapolon Akuj ebe, ‘Eapi ayoŋ amunaar akibois kaŋ ŋina asegan, ŋina erae iŋes iryamunitotor iyes agogoŋu ŋina iturotor, akibois ŋina ikibobokinit iyes akitere ka ŋina iburit ŋitai kus. Earyo a ekileŋ ŋidwe kus ŋulusapa ka ŋulupesur ŋulu ipotu iyes kimyekis alo Yerusalem.

Esek. 30:6

Alimu Ekapolon ŋakiro nu ebe, “Earyo ŋituŋa ŋulu eriito ka Ŋijipitian, itoŋopiyaryo agogoŋu ŋina ituror Ijipit. Ameun alo Migidol tari Siene, earakinio ikes nakwap kec a ekileŋ.

Esek. 33:28

Etisiluni ayoŋ akwap kec ka eturuwori akoŋinait, esaluni agogoŋ keŋ ŋina sek ituror iŋes, esilunete ŋikamukumukui a Isirael, edaun ituŋanan itori nen.

Esek. 7:24

Ayauni ayoŋ ŋituŋa a ŋakwapin ŋulu aronok nooi itodemasi iyes ŋakais kus. Etasaluni ayoŋ akituro a ŋikagogoŋok kus, emunaaryo ŋakiboisyo kus ŋuna ilipyata iyes.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Sepan. 3:11

“Akoloŋit ŋin, nyikisurumyo iyes ŋileec aŋuna a ŋipegeta a ŋulu iponiata iyes ikiŋierioto ayoŋ; anerae alemari ayoŋ aneni kus ŋituŋa ŋulu elelyanete aŋuna ka akituro kec. Nyiboŋokinete nabo iyes akiŋer ayoŋ alomukura kaŋ a ŋolo asegan.

Luk. 4:25

“Nai akalimokini ayoŋ iyes atemar, alalak ŋapuseru alo Isirael ŋirwa ŋulu ke Eliya, ŋina aŋopiyarya akiru ŋikaru ŋiuni ka ŋilapyo ŋikanikapei, bu eron ŋolo aronon nooi nakwap ŋin daadaŋ.

Ŋikis. 11:17

ani kitiyata iyes ŋun, ikiŋoikini Ekapolon iyes ka nyimyek akiru kilim ka nyepedo akwap akira ŋaraito, tosodi itwakete iyes atipei kimyekis akwap ŋina ajokan ŋina ikiinakinit Ekapolon iyes.

Ŋikis. 28:23

Nyilimi akiru jik ka eoni akwap kus deu ikwa asuwat.

1 Sam. 4:11

Todemarae Ŋisirael Asaduku ŋina ka Akuj, toarae daŋ ŋidwe ke Eli ŋulusapa ŋuluarei, Opini ka Pineas.

1 Sam. 4:3

Ani eboŋunete ŋajorei a Ŋisirael neni sek eboikino ikes, temasi ŋikasikou a ŋisirael ebe, “Kaanukiro emyekinia Ekapolon Ŋipilistin ikilounete iwon nakoloŋit na? Apena oyautu alo Silo Asaduku ŋina ka Acamunet ke Ekapolon, ikotere ebuni Ekapolon kidiŋ yok itoiu iwon anagogoŋu a ŋimoe yok.”