Ŋilep. 26:13 - Ebaibul

¹³ Arae ayoŋ Ekapolon Akuj kus, ŋina abu okoyau iyes alo Ijipit, ikotere tojoŋoto araakau ŋipi a Ŋijipitian, abu ayoŋ olema ŋatyokisyo ŋuna iyakatar iyes, eketuruwo iyes ŋulu iboiyete emam ŋace.’ ”

Ŋilep. 26:13 Iomraidhean Croise

Ŋikiru. 116:16

Okoe Ekapolon, arae ayoŋ eketiyan kon; arae ayoŋ eketiyan kon, lokoku ka aketiyan kon; idau iyoŋ alacakin ayoŋ anatyokisyo a ŋuna akaenito.

Awos. 14:8

Abu Ekapolon kitogogoŋ akou a Parao a erwosit a Ijipit kisiwuap iŋes Ŋisirael ŋulu apotu torotokis anakwap keŋ erae ŋikelounak ŋulu alakara.

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Isa. 51:23

Esicani ayoŋ ŋulu ikisicanito iyes, ŋulu adaut alimokin iyes ebe, ‘Topero alokwap, ikotere isua ikipudae iyes,’ ido ipotu iyes kituruwosi ŋakausinei kus neni ipudaete ikes ikwa akwap.”

Isa. 9:3

Itipitu iyoŋ ŋituŋa a akwap, iyatak iyoŋ alelyanu kec. Elelyanete ikes alokiŋaren kon lopite ŋolo elelyanere apaki ŋina elemere, lopite ŋolo elelyaniata ŋituŋa ekorete ŋiboro ŋulu eŋatunete,

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 28:2

“Alimu Ekapolon ŋolo a ŋajoresyo, Akuj a Ŋisirael ebe, ‘Adau ayoŋ alemar apedor a erwosit a Babilon,

Yer. 28:4

Enyakuni daŋ ayoŋ nakibois na erwosit Yeoiakim lokoku a Yeoiakim a ŋolo a Yudaya ka ŋituŋa a Yudaya daadaŋ ŋulu aponi torikoroe Babilon, anerae alemari ayoŋ apedor a erwosit a Babilon.’ ”

Esek. 30:18

Emini akiryonut naparan lotaun Teapanes apaki ŋin ŋina alemarya ayoŋ agogoŋu aneni a Ŋijipitian, esaluni agogoŋu keŋ ŋina ituror iŋes. erapuwaryo Teapanes a ŋidouwon ka ikamaryo ŋirerya ŋulu idunyatar iŋes torikoe ŋituŋa kec.

Esek. 34:27

Erayete ŋikito ŋaraito kec ka eraunete ŋikinyom alokwap, mam awasya eyakaunotor ŋituŋa kaŋ anakwap kec. Eyenunete ikes atemar arae ayoŋ Ekapolon apaki ŋina alemarya ayoŋ ŋican kec ŋulu eenito ikes ikwa ŋapaadei ŋuna ikienikinito nayokot, aiuni ayoŋ ikes anapedor a ŋulu apotu yaasi ikes erae ŋipi.

Osea 11:4

Abu ayoŋ orik ikes a arimao ka amina, adakununui ayoŋ ikes, lopite ŋolo edakitere ikoku ŋinicici, abu ayoŋ etiditeun, ido etan ikes.

Ŋilep. 25:38

Arae ayoŋ Ekapolon Akuj kus, ŋina abu akoyau iyes alo Ijipit ainakin akwap ŋina a Kanaan, ikotere aruwor Akuj kus.’

Ŋilep. 25:42

anerae erae Ŋisirael ŋiketiyak kaŋ, ŋulu abu ayoŋ oyau alo Ijipit, nyemaikina ikes togyelarae esibit ŋipi.

Ŋilep. 25:55

anerae erae Ŋisirael ŋulu kaŋ, ŋiketiyak kaŋ. Erae ikes ŋiketiyak kaŋ ŋulu abu ayoŋ oyau alo Ijipit. Arae ayoŋ Ekapolon Akuj kus.’ ”

Naum 1:13

Alemari ayoŋ apedor ŋina ka Asiriya aneni kus ka alemari ayoŋ ŋican aneni kus.”