Ŋilep. 25:9 - Ebaibul

⁹ Ani edaun ŋul, edoli ŋirwa ŋitomon, elap ŋolo a ŋikanikaarei, akoloŋit ŋina itiyaere amooki, emaikina iyes tokutakis ŋabureryaŋae a ŋimeesekin anakwap kus a daadaŋ.

Ŋilep. 25:9 Iomraidhean Croise

Ŋikiru. 89:15

Okoe Akuj elakara ŋituŋa ŋulu ayenut akipuro iyoŋ, ŋulu itojokit iyoŋ.

Ŋikiru. 89:16

Elelyanete ikes aŋuna kon apaaran jwii; eeosi ikes aŋuna ijokya iyoŋ aneni kec;

Isa. 27:13

Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Ŋilep. 16:20

“Ani kedau Aron amookun akibois ŋina asegan nooi ka eema ŋolo ilipere ta namuroet, emaikina nai iŋes ya ekoroe ŋolo eyari kiŋaren Ekapolon.

Ŋilep. 16:29

“Emaikina iyes kiwuapa ŋakiro ŋuna etubunitoe nu ŋikaru ka ŋikaru: Ani edoli ŋirwa ke elap ŋitomon, elap ŋolo a ŋikanikaarei, emaikina iyes kiredakis akiron, ido nyitiyata etic edio; kiraakasi Ŋisirael ŋulu ikiurito Ŋisirael, kori ŋigelanotin ŋulu iboiyete kaapei ka Ŋisirael;

Ŋilep. 16:30

anerae eruwor akoloŋit ŋin ŋina ikimookunere iyes, ikitaleun. Iruworosi nai iyes ŋulu nyikitoroniyaritae alokiŋaren Ekapolon aŋuna a ŋasecisya kus a daadaŋ.

Ŋilep. 23:24

“Tolimok Ŋisirael ebe, ‘Ani edoli ŋirwa ke elap epei, elap ŋolo a ŋikanikaarei, emaikina iyes kieŋut akoloŋit ŋin, tocunakinos iwapei irae ŋulu asegak, tokuta ŋarupepe itamunito ŋasuban a akoloŋit a ŋin.

Ŋilep. 23:27

“Ani edoli ŋirwa ke elap ŋitomon, elap ŋolo a ŋikanikaarei, erae akoloŋit ŋin ŋina itiyaere amooki. Tocunakinos iwapei irae ŋulu asegak, kiredakisi akiron ka yaasi ainakinet ŋina epeyo neni ke Ekapolon.

Ŋilep. 25:8

“‘Kimarutu ŋikaru ŋikanikaarei ŋakimarunet ŋakanikaarei. Erae ŋikaru ŋul daadaŋ ŋatomoniomwon ka ŋikanikaomwon.

Ŋilep. 27:17

Ani kitaleu ituŋanan ŋalup keŋ alokaru a ŋolo itiyaere ŋasuban ŋuna a ŋikaru a ŋatomonikan, mam etyae ece iyatakinio nalup ŋun.

Ŋilep. 27:24

Ani edoli ekaru ŋolo itiyaere ŋasuban ŋuna a ŋikaru a ŋatomonikan, emaikina kinyakakinae ŋalup ŋun neni a ituŋanan a ŋini sek agyelunere, a ŋini erae ilope ŋalup.

Ekim. 10:10

Tari alorwa a ŋulu ka alelyanu kus ka alorwa a ŋulu itiyaata iyes ŋasuban kus ŋuna etubunitoe ka anakisyakinet a elap, emaikina iyes tokutakis ŋarupepe apaki ŋina iauniata iyes ŋainakineta kus ŋuna epeyo ka ŋamuronisya ŋuna ke ekisil, eruwor ŋarupepe akiteyenikinet nabo Ekapolon ŋakiro kus. Arae ayoŋ Ekapolon Akuj kus.”

Ekim. 36:4

Ani edoli ekaru ŋolo a ŋatomonikan, ekaru ŋolo a ŋasuban a Ŋisirael, imarakinio ŋalup kec erae ŋuna a ekabila a ŋolo aponi kiitarae ikes, tosodi tojoŋoi akimarakinit nalup a ekabila kosi.”

Ŋirom. 10:18

Nai eŋita ayoŋ nu: erae mono kire atemar nyiirara ikes ŋakiro a? Kire apotu ikes kiirasi--ikwapei ebaakatar Ŋakigireta ebe, “Apotu ŋakiro ŋuna erworosi ŋikiyakia kielakin akwap daadaŋ; apotu ŋakiro kec tonaŋa nakisaleta ŋuna ka akwap.”

Ŋirom. 15:19

alotooma ŋakitoodikineta ka ŋakujuwuanisya ŋuna apolok ka anapedor a ŋina ke Etau a ŋolo Asegan. Aŋun, abu ayoŋ erim nooi, ameun alo Yerusalem tari neni enyaritae Illirikom ka adau a nen akiserakin Ŋakiro ŋuna Ajokak ŋuna a Kristo.

1 Ŋites. 1:8

Anerae meere bon ŋakiro ŋuna ke Ekapolon ŋuna alimonokin iyes eelakin Makedonia ka Akaia, nai tari anupit kus Ekapolon, eelakin akwap daadaŋ. Aŋun, emam ŋace ŋuna itemokino isua olimutu.

Yos. 6:4

Ecamitae ŋisacaradotin ŋikanikaarei kiŋarenikis Asaduku ŋina ka Acamunet etiŋito ŋamomwar a ŋimeesekin ŋakanikaarei. Ani edoli akoloŋit ŋina a ŋakanikaarei, itemokino iyoŋ kirimokis ka ŋasigarya kon etaun ŋakirimokinet ŋakanikaarei, tokusete ŋisacaradotin ŋamomwar a ŋimeesekin.