Ŋilep. 25:50 - Ebaibul

⁵⁰ Imarunete iŋes ka ituŋanan ŋini kebu iŋes toreikin akiboiyo ŋikaru ŋulu kiboiyo iŋes a nen, ameun alokaru a ŋolo areunor iŋes akiboi a nen akitodol ekaru ŋolo itiyaere ŋasuban ŋuna a ŋikaru a ŋatomonikan. Emaikina etyae ŋolo elakunere iŋes eriyan ka etyae ŋolo etacio ikelejilejan, ido torae ŋolo ŋikaru a ŋulu eboiyo iŋes a nen.

Ŋilep. 25:50 Iomraidhean Croise

Yob 14:6

kimyek ŋituŋa bon, ido toesik akisicanit ikes, ikotere ikes eryamunete alakara alorwa kec ikwa ŋiketiyak.

Isa. 16:14

Nai tokona irworo Ekapolon ebala; “Alotooma ŋikaru ŋiuni, ŋikaru ŋulu eriyan ka ŋulu aminae akipaŋga ituŋanan akitiya etic, ejamuwaryo apolou a Moab tari kelalak nooi ŋituŋa keŋ, eruwor ŋidikudyo bon ŋulupalag idoŋete Moab.”

Isa. 21:16

Aŋun, abu Ekapolon okolimok ayoŋ tema, “Alotooma ekaru epei, ŋolo ikwaan ka ŋolo itiyaa ituŋanan ŋini ipaŋgaunitae, edaun apolou a Kedar daadaŋ,

Ŋilep. 25:28

Nai ani pa kebar iŋes nyepedo alakun ŋalup keŋ, erubakini ŋini egyelit eyakar ŋalup ŋun akitodol ekaru ŋolo a ŋatomonikan. Inyakakinio ŋalup ŋun neni a ilope itiyao ŋasuban ŋuna a ŋikaru a ŋatomonikan, inakinae ŋalup neni a ŋini kebu togyela.’

Ŋilep. 25:40

Totiŋa iŋes esibit eketiyan ŋolo etacio, kori epeyonon ŋolo a ŋapakio a ŋadi alokidiŋ kus; emaikina iŋes kitiya etic kus akitodol ekaru ŋolo a ŋasuban a ŋuna a ŋikaru a ŋatomonikan;

Ŋilep. 25:49

kerae mamae keŋ, kori lokaaya keŋ, kori iyenet ŋini anateker keŋ idio, kori ani kebar iŋes tolakun bon lotuŋa keŋ.

Ŋilep. 25:51

Ani kelalak ŋikaru ŋulu idoŋito eriŋa nyedolo ekaru ŋolo a ŋatomonikan, emaikina ituŋanan ŋin totac etyae ŋolo ka alakuno keŋ eriyan ka etyae ŋolo egyelanarere ŋipi.

Ŋilep. 25:53

Emaikina Isiraelit ŋini elakunio totiŋae esibit ikelejilejan, ido emaikina ekapolon keŋ etiŋit iŋes ejok, meere ka aryenyeo.

Ŋikis. 15:18

Nyemaikina ikinomorit iyes akimyekin epito, kori apito kus tolot, anerae abu iŋes ikitiyanak iyoŋ alotooma ŋikaru ŋikanikapei, eriyan etic ŋolo etiya iŋes, alotooma ŋikaru ŋul ka etic ŋolo itiyaete ŋiketiyak ŋiarei ŋulu ipaŋgatae, ido ikiterereŋi iyes Ekapolon aloticisyo a daadaŋ a ŋulu itiyaete iyes.