Ŋilep. 25:43 - Ebaibul

⁴³ Nyipukata ikes iryenyanikinito, nai tokerito Akuj kus.

Ŋilep. 25:43 Iomraidhean Croise

Akisy. 42:18

Ani epete ŋirwa ŋiuni, tema Yosepu neni kec, “Kitiyata nu ikotere toyara, anerae etopoloorit ayoŋ Akuj:

2 Ŋakiro a ŋirwa 28:10

Icamito nabo tokona iyes akituruwor ŋipi kus ŋituŋa a Yudaya ka Yerusalem, ŋikilyok ka ŋaberu. Nai nyikiilit mono iyes aŋuna isecitotor aneni ke Ekapolon Akuj kus a?

Yob 31:13

Ani kaŋerit ayoŋ adyekitoi a ŋipi kaŋ, kori a ŋapi kaŋ apaki ŋina aponiata yaut neni kaŋ ŋakiro ŋuna etakadakinitor ayoŋ ikes.

Yob 31:14

Anu nai etiyae ayoŋ apaki ŋina akanyunyurikinor ayoŋ Akuj? Anu aboŋokini ayoŋ apaki ŋina iŋitar Akuj ŋakiro?

Awos. 1:17

Nai akerito ŋaberu ŋun Akuj, ido apotu nyitiyata ŋuna abala erwosit a Ijipit ikes kitiyata; apotu kimyekis ŋidwe ŋulusapa toyara.

Awos. 1:21

Aŋuna nai aponiata ŋakesidook ŋun tokeryata Akuj, abu Akuj inak ikes ŋidwe kec a ŋakulepek.

Awos. 2:23

Kelunyar apaki ŋina aoyan, abu erwosit a Ijipit totwana. Apaki ŋin, aryebasi Ŋisirael aŋuna ka apitoonut, apotu ikes kikalout, ido anakigworo kec a ŋin, eitanito akiŋarakino ka abu akigworo kec todol neni ka Akuj.

Awos. 3:7

Tema nai Ekapolon, “Adau ayoŋ akiŋolikin epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ŋina isigworyoto ŋikapolok ŋulu isitiyaete ikes. Kire jik akanomosi ayoŋ ŋican kec

Awos. 3:9

Adolu tokona akigworo a Ŋisirael neni kaŋ; adau daŋ ayoŋ akiŋolikin epite ŋolo isicanitotor Ŋijipitian ikes.

Awos. 5:14

Apotu ikes tolomakis akibuŋa Ŋisirael ŋulu alemunito ŋikapolok a Parao ŋulu esitiyaete ŋituŋa apolokin etic. Kiŋitae Ŋisirael ŋulu apolokinito etic ebe, “Kaanukiro nyitiyaunitotor iyes nakoloŋit na, kori bien ŋamatapali ŋuna etya ŋuna sek?”

Isa. 47:6

Abu ayoŋ oŋoik ŋituŋa kaŋ, abu ayoŋ etiya neni kec esibit nyerae ikes ŋituŋa kaŋ; abu ayoŋ oinak ikes napedor kon, ido ibu iyoŋ nyitoodik ikes akisyon; ibu iyoŋ totiŋ erono nooi tari ŋulu amojoŋito.

Isa. 58:3

Ebasi ikes, “Kaanukiro ikiredanakinia isua akiron, nai nyikite iyoŋ isua? Ikitiditeunun isua make, nai nyimisit iyoŋ.” Topupokisi, itiyaete iyes ŋuna ikitalakarito iyes pei akoloŋit ŋina iredanakineta akiron, ido isicanito iyes ŋiketiyak kus.

Esek. 34:4

Nyitogogoŋo iyes ŋamesekin ŋuna epalag, nyitaŋaleuno iyes ŋuna edyakasi, nyeena iyes ŋajemei aŋuna ewanawana, nyinyakuna iyes ŋuna eoliyorito, nyiwarara iyes ŋuna eolito, nai ipolokis iyes ŋamesekin alotooma aryenyeo ka anyunyura.

Ŋilep. 25:17

Nyitiyata atuna alokidiŋ kus make, nai tokerito Akuj kus. Arae ayoŋ Ekapolon Akuj kus.’

Ŋilep. 25:42

anerae erae Ŋisirael ŋiketiyak kaŋ, ŋulu abu ayoŋ oyau alo Ijipit, nyemaikina ikes togyelarae esibit ŋipi.

Ŋilep. 25:44

Emaikina ŋipi ka ŋapi kus erae ŋulu eponito anakwapin a ŋuna ikirimokinito iyes kidiŋ, ipedorete iyes agyelun ŋipi a nen.

Ŋilep. 25:46

Ipedorete ŋidwe kus akirum ikes ikwapei ŋipi kec. Emaikina iyes totiŋa ŋituŋa ŋul erae ŋipi, nai ani eruwor iyes make Ŋisirael, mam ŋini emaikina kipuka ŋinice alotooma aryenyeo.’

Ŋilep. 25:53

Emaikina Isiraelit ŋini elakunio totiŋae esibit ikelejilejan, ido emaikina ekapolon keŋ etiŋit iŋes ejok, meere ka aryenyeo.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Ŋiep. 6:9

Ŋikapolok, totiŋito ŋipi kus ikwaŋinapei, lopite ŋolo ejok alokiŋaren Ekapolon; tojoŋoto akitukuryan ikes. Toyenete atemar iraakasi iyes ka ŋipi kus ŋulu ke Ekapolon a epei a ŋolo eyai nakuj, a ŋolo etubonokini ŋituŋa daadaŋ alopite a epei, emam atyakatyak.

Ŋikis. 25:18

epite ŋolo ikitijikinio iŋes iyes alorot apaki ŋina ikiupitor iyes ka ikibulitor iyes, abu iŋes toar daadaŋ ŋulu asaunito alokaku kus, abu iŋes nyitopoloo Akuj.

Ŋikol. 4:1

Ŋikapolok, totiŋito ŋipi kus alopite a ŋolo ajokan; toyenete atemar eyai iyes daŋ Ekapolon nakuj.