Ŋilep. 25:35 - Ebaibul

³⁵ “‘Ani keruwor iyenet kus idio icanaanot, todaun epite ŋolo iŋarakinor bon emaikina iyes, kiŋarakisi iŋes, toyarik neni kus esibit igelaanot ŋini iboiyete ka iyes.

Ŋilep. 25:35 Iomraidhean Croise

Neem. 5:1

Apotu ŋikilyok kaapei ka ŋaberu kec kikalout nooi itoroniarito Ŋiburaniyae ŋulu arae ŋiyeneta kec.

Neem. 5:3

Aya ŋice ŋulu abasi, “Emaikina isua kiikinae akipotor ŋimanikorin kosi ŋulu a ŋikinyom, ŋulu a epiini ka ŋakais kosi aŋuna ka aryamunia ŋikinyom apaki na ŋina ka eron.”

Yob 31:16

“Ani kemikit ayoŋ ŋikulyak ibore ŋini eitanito, kori kesigworit apuserut,

Ŋikiru. 112:5

Ebuni ajokis neni a ŋulu ajokak, neni a ŋulu ipotonorete ŋiboro kec emam akitac ka neni a ŋulu itiyaete ŋiticisyo kec anakiyookino.

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋikiru. 37:26

Ipotonokinete ka idenionokinete ŋuluce ŋiboro kec jwi jwi, eruwor ŋidwe arereŋu kec.

Ŋikiru. 41:1

Erereŋ ŋituŋa ŋulu iŋarakinito ŋikulyak; elakuni Ekapolon ikes anapakio a ŋuna a ŋican.

Awos. 22:21

“Nyemaikina iyes tobolyatar, kori kisiyaloloŋo ituŋanan ŋinigela ŋini iboiyete ka iyes; anerae iraakasi paaran iyes daŋ ŋigelae anakwap a Ijipit.

Awos. 22:24

aŋoi ayoŋ nooi, akamunyari iyes ke ekileŋ, toruworos ŋaberu kus ŋapuseru ka toruworos ŋidwe kus ŋikokyok.

Awos. 22:25

“Ani kidenikis iyes ituŋanan kaŋ ŋinikulyakit idio ŋisiliŋa, nyemaikina iyes kimicata ikes esibit ideniyorito ibore idio, nyiyatakis ibore ice nibore ŋini imicao ikes.

Awos. 23:9

“Kimyekisi akisiyaloloŋ ŋituŋa ŋulugelae ŋulu iboiyoto iyes; iyenete iyes ŋuna eya lotai a ŋituŋa a ŋulu erae ŋigelae, anerae iraakasi paaran iyes daŋ ŋigelae alo Ijipit.”

Ŋakit. 14:31

Ituŋanan ŋini ekyenar ŋikulyak, iyanyi ituŋanan ŋin Akuj ŋina abu tosub ŋikulyak, nai ituŋanan ŋini erimaana aneni a ŋikulyak, itopoloorit ituŋanan ŋin Akuj.

Ŋakit. 17:5

Ituŋanan ŋini ejamuwarit ŋikulyak, iyanyi Akuj ŋina asubuni ŋikulyak, ituŋanan ŋini elakara eryamunete ŋituŋa ŋican, emaikina kisicanae.

Ŋakit. 19:17

Ituŋanan ŋini erimaana aneni a ŋikulyak, einanakini ŋiboro keŋ neni a Ekapolon tari kerae ŋikulyak ijanarete, ido einakinio nabo ituŋanan ŋin eropit ŋolo alalan.

Ŋilep. 19:34

Emaikina iyes totiŋito ituŋanan ŋin esibit erae ŋini a ekabila kus pei. Tominas iŋes ikwa imininia iyes make, anerae iraakasi paaran iyes daŋ ŋigelaanotin alo Ijipit. Arae ayoŋ Ekapolon Akuj kus.

Ŋilep. 25:25

“‘Ani kekulyakan ipei a ŋituŋa kus, ido togyela ŋalup ŋun keŋ, emaikina iyenet keŋ bu tolaku ŋalup ŋun.

Mat. 25:35

Anerae akanyamit ayoŋ akoro, ipotu iyes ikiinakis ayoŋ akimuj. Akanyamit ayoŋ akure, ipotu iyes ikitamat ayoŋ. Agelaana ayoŋ, ipotu iyes ikijaut ayoŋ.

Mar. 14:7

Anerae irukito iyes ka ŋikulyak ŋirwa daadaŋ. Ipedorete akiŋarakin ikes apaki daadaŋ ŋina icamitotor. Nai nyikiruki iwon ŋirwa daadaŋ.

Luk. 6:35

Nai tominas ŋikusimoe, tojokak aneni kec ka kipotonorete tomam akiitanit atacanot. Epoloor nai eropit kus ka iruworosi ŋidwe ŋulu ka Akuj a ŋina alokidiama nooi, anerae erimaana iŋes neni a ŋulu nyelakanarosi neni keŋ ka ŋulu aronok.

Yoa. 12:8

Irukito iyes ka ŋikulyak jwi jwi, nai nyikiruki ayoŋ ka iyes jwi jwi.”

Ŋitic. 11:29

Totyakut ŋikasyomak a Yesu atemar itemokino ŋinituŋanan alokidiŋ kec tolemu alopite a ŋolo apedorya alemun idiobore ŋini kiŋarakinet ŋikanupak alo Yudaya.

Ŋirom. 12:13

Tomora ŋiboro kus ka ŋikanupak ŋuluce ŋulu ekulyakaka ka toŋaununutu ŋituŋa ŋulugelae lorerya kus.

Ŋirom. 12:18

Kitiyata alowae kus ŋuna ipedorete, ikotere iboiyete ka ŋituŋa daadaŋ isilito.

Ŋirom. 12:20

Nai akilo kitiyaete ikwaŋina ebaakatar Ŋakigireta ebe, “Ani kenyamit akoro ekonimoit, kisimuj; ani kenyamit akure, kitamat; anerae ani kitiya iyoŋ ikwaŋina, isurumi iyoŋ iŋes ŋileec.”

2 Ŋikor. 8:9

Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.

2 Ŋikor. 9:1

Ecaryono ayoŋ akigirakin iyes abaruwa ŋina etapit ŋainakineta ŋuna iyakiyanaryo lotuŋa ŋulu ka Akuj alo Yudeya.

Ŋigal. 2:10

Ŋuna make apotu ikes tolimut ŋuna ka atemar itemokino isua totamunitetei ŋikulyak ŋulu anatukot kec, ibore ŋinipei sek ekeburit ayoŋ akitiya.

Ŋikis. 23:19

Nyemaikina iyes Ŋisirael kiŋita aneni a Esiraelit a ŋoloce kiyatakinae ibore ice neni a ibore a ŋini ideniyoritae, kerae losiliŋa, kerae nakimuj, kori neni a ibore ca daadaŋ a ŋini ideniyoritae.

Ŋibur. 13:2

Nyikimuryak iyes aŋaunun ŋituŋa ŋulu gelae lorerya kus. Ayakasi ŋulu apotu kitiyata ŋun, ido apotu toŋaut ŋimalaikan pa eyenete atemar arae ikes ŋimalaikan.

1 Yoa. 3:17

Nai ani keyakar ituŋanan ebari ŋolo ka akwap a na, ido kitee lokaato keŋ iitanit akiŋarakino, ido tojamak iŋes, ikokini nai amina ŋina ka Akuj iboi alotooma keŋ ai?