Ŋilep. 24:9 - Ebaibul

⁹ Erae ŋamugati ŋun ŋuna ka Aron ka ŋidwe keŋ ŋulusapa, emaikina ikes kimuja ŋamugati ŋun anakibois a ŋina asegan, anerae erae ŋun ainakinet kec apei ŋina asegan nooi anainakineta a ŋuna epeyo neni ke Ekapolon. Erae ŋun ŋuna emaikina ikes toryamununeete ŋikaru ka ŋikaru.”

Ŋilep. 24:9 Iomraidhean Croise

Awos. 27:21

Emaikina Aron ka ŋidwe keŋ ŋulusapa kidara ŋitaae enokete ŋinapei eboŋ tari taparacu alokiŋaren Ekapolon, anakibois a ŋina ilipere a ŋina ayaaye anaŋga alokiŋaren Eema. Emaikina nu toruwor etal ŋolo erae eruba aneni a Ŋisirael tari a ananyameta a ŋuna eponito.

Ŋilep. 10:12

Tema Moses neni ka Aron ka ŋidwe keŋ ŋulusapa ŋulu edoŋito, Eleasar ka Isamar ebe, “Tolemutu ainakinet ŋina a ŋikinyom ŋina idoŋit anainakineta a ŋuna epeyo aŋuna ke Ekapolon, tonyama alodiyete namuroet emam ŋakinyalet, anerae erae ainakinet ŋina asegan nooi.

Ŋilep. 10:17

“Kaanukiro pa inyamyata iyes ainakinet aŋuna ka asecit ŋin anakibois a ŋina italeunitoe? Anerae erae ŋin ainakinet ŋina eseg nooi, ido adau Akuj ainakin iyes ainakinet ŋin alemarya asecit aneni a ŋituŋa, tomookut ikes alokiŋaren Ekapolon.

Ŋilep. 21:22

Epedori ipapait ŋin akinyam akimuj ka Akuj ŋina asegan nooi, kaapei ka ŋamuja ŋunace ŋuna asegak.

Ŋilep. 24:10

Abu ekile ece ŋolo arae toto keŋ Asiraelit ka torae papa keŋ Ejipitanoit, tolot neni a Ŋisirael, kiiryakin ekile ŋol ke Esiraelit.

Ŋilep. 3:17

Emaikina nu toruworos etal ananyameta kus a daadaŋ ka anakiboisyo kus a daadaŋ: Nyemaikina iyes tonyama asepwae adio, kori tonyama ŋaokot ŋadi.

Ŋilep. 6:11

Ani irikakini, tolaca nai ŋilowi ŋul, tonap ŋice, ya ekuron kiŋa alomar, nakibois ŋina italeunitoe ŋina asegan.

Ŋilep. 6:16

Emaikina nai Aron ka ŋidwe keŋ ŋulusapa yaasi ŋakirya ŋuna idoŋito kimuja; nai emaikina ikes kimuja pa iwuakinitae ŋakinyalet, ido emaikina kimuja anakibois a ŋina asegan; analapatu ke eema a ŋolo ilipere.

Ŋilep. 6:9

“Kicik Aron ka ŋidwe keŋ ŋulusapa ebe, ‘Ŋikisila ŋulu emaikina kiwuapae lu aŋuna a ŋainakineta a ŋuna epeyo. Emaikina ainakinet ŋina epeyo kimyekinae anamuroet akuwar kia akitodol ŋina iwalarya akwap, ido emaikina kinoketei jik akim alokidiama namuroet.

Ŋilep. 8:3

Tonyarau ŋituŋa daadaŋ potu lopuke ŋolo ke eema a ŋolo ilipere.”

Ŋilep. 8:31

Tolimok Moses Aron ka ŋidwe keŋ ŋulusapa tema, “Kidorokis akiriŋ ke emesek a ŋol alopuke ke eema a ŋolo ilipere, ido tonyama a nen kaapei ka ŋamugati ŋuna eya lobukit ŋolo a ŋamugati a ŋuna ituruworere ituŋanan esacaradoti, lopite ŋolo ekecikitere ayoŋ ebe, ‘Emaikina Aron ka ŋidwe keŋ ŋulusapa tonyama akimuj ŋin,’

Mal. 1:12

Nai iyanyete iyes ekiro kaŋ apaki ŋina irworotor atemar erae Namuroet ke Ekapolon acaryoit ka apaki ŋina iyauniata iyes nen ŋamuja ŋuna ijamuwarito iyes.

Mat. 12:4

Abu iŋes toloma kai ŋinakilipet Akuj, tonyam amugati ŋina ainakinitae Akuj, ŋina etaleo iŋes ka ŋirukitos keŋ akinyam mati ŋisacaradotin bon.

Mar. 2:26

Ŋina abunio iŋes toloma kai ŋinakilipet Akuj, ŋirwa ŋulu araakar Abiasar Esacaradoti ŋolo Apolon nooi, bu tonyam ŋamugati ŋuna ainakinitae Akuj, ŋuna acamakinitae ŋisacaradotin bon akinyam. Ani kenyam, inak ŋikeerukitos daŋ tonyama.”

Luk. 6:4

Abu iŋes toloma kai ŋinakilipet Akuj, tolemu tonyam amugati ŋina ainakinitae Akuj, tosodi inak ŋikeerukitos daŋ; torae bo ŋina etaleo idiotuŋanan akinyam, mati ŋisacaradotin bon.”

1 Sam. 21:6

Aŋun, abu esacaradoti inak Daudi ŋamugati ŋun ŋuna etaleoritae; anerae amam ŋamugati ŋace ayakasi nen alemar ŋun bon ŋuna etaleoritoe, ŋuna alemununiyo aneni iwuanakinio ŋamugati ŋuna italeoritae, ido emaikina kilunyokinae ŋace ŋuna amwanak nen akoloŋit ŋinapei.”